YUNIRÜBO RHIMO 7:38 - AMÜSÜH HÜM CL Bible (BSI)

³⁸ Api ju Sinai Müzüng ching api le isa jipürü ki asukbuh yunirü bede sunglo ching amukhungrü lung lakheah; tüsho apinü isa kilim jihpü rhangdung yubo leangkhi.

YUNIRÜBO RHIMO 7:38 Iomraidhean Croise

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

JOHAN 6:63

Rhangdung jihbuh ju me lah; shih yihnüpü müla. Inü nüsa ki asukkhi yubo ju me ah, tüsho jurü rhangdung ah.

YUNIRÜBO RHIMO 7:30

“Küyimki kam yirü hokhea, Sinai Müzüng sunglo, sangrung ching yunirü api ki akhiuk.

YUNIRÜBO RHIMO 7:35

“Ha buh Mosa, shepü arünü, ‘Shepünü nü isa kurungkheak yakzanshuhrü tüsho mahkhaprü kamshihkhea?’ de reanglode athabuh thsü Thrünpuhnü api ki sangrung ching yunirü akhiukbuh khah hode yakzanshuhrü tüsho abekhitrü chido kamde thiyi.

YUNIRÜBO RHIMO 7:53

yunirübonü ajihkhi yakzan nüsanü leangkhi tüshe ju mihyumani.”

ROMRÜ KILIM PAULNÜ ATHRÜTKHI KIHÜM HUHTANYU 3:2

Limro aban ching hihde lah. Akhuhde, Jihudarü ju Thrünpuh müchityu bede thiyia lah.

ROMRÜ KILIM PAULNÜ ATHRÜTKHI KIHÜM HUHTANYU 9:4

Arü ju tsührü kamkhi müretah, tangzüng, yakzan jihkhi, kingaün, tüsho alokhikhi lakhi ah;

GALATIA 3:19

Dale tüsho yakzan dungtokhi ju tümü a? Alokhia lakhi müjih marüyi khiungde alakmihkhibo dünkheaknü ha yukajakkheah; tüsho yakzan ju limburü hode yunirünü jih.

YUZÜNGTHALO 33:4

Mosanü isa kilim jihkhi yakzan Jakob boto yamalo lah.

IBRI 2:2

Tümüde yunirübonü akhipkhitkhi yusheak ju thiyuro tüsho athsümünim le mihyumanikhi aban thsümüchi leangkhikheasho,

IBRI 4:12

Tümüde Thrünpuh yu ju arhang tüsho adukathri, khülim khülim ahüyuk nukshang kheaknü ayukbe, rhangdung le me chamnakkhi tüsho amüchinbo le khiuk khiungde achinkhitkhi, tüsho lümkhibo le mulong ching lümkhibo mütsankhitbe lah.

IBRI 5:12

Kheakü hadükia nüsa ju thsangyurü thsübe laa lalashe, kheaküshe Thrünpuh yu thiyuro adungtobe nüsa ki thsangyupü thsüde khürü yihnüpü lah. Tsühyungbe amüküp yungde niuhke nüsa yihnüpü lah;

1 PETER 4:11

Shepünü thachonü Thrünpuh yu thabeah; shepünü tankihchonü, Thrünpuhnü api kilim jihkhi sühmühnü atankihbeah, junangde lüpdükhi ching Jisu Khrista hode Thrünpuh müretahbah. Müretah tüsho wu lünnü lün api yo ah. Amen.