YUNIRÜBO RHIMO 7:35 - AMÜSÜH HÜM CL Bible (BSI)

³⁵ “Ha buh Mosa, shepü arünü, ‘Shepünü nü isa kurungkheak yakzanshuhrü tüsho mahkhaprü kamshihkhea?’ de reanglode athabuh thsü Thrünpuhnü api ki sangrung ching yunirü akhiukbuh khah hode yakzanshuhrü tüsho abekhitrü chido kamde thiyi.

YUNIRÜBO RHIMO 7:35 Iomraidhean Croise

MUNGSHIKHÜN 75:7

Tüshe Thrünpuh ju mahkhaprü ah; apinü khülang keamshihchoh, tüsho püpürü shuhkihchoh.

MUNGSHIKHÜN 77:20

Nünü nü mihtsürübo namfimihnu boto nangde Mosa tüsho Aron khah hode be.

ABEKHIT 14:19

Tüsho Israel bonungrü müngüh yükhi Thrünpuh yunirünü rholobah arü dunglim yü; tüsho amo dungto arü mikhuhnü yübah arü dunglim zhip.

ABEKHIT 14:24

Ayinkhipü müngüh Atungpuhnü mo dungto tüsho amo chingnü Ijip bonungrü kheak abinkhia kheah tüsho arübo yingyingde kamshih.

ABEKHIT 2:14

Mihtsürü junü alo, “Shepünü nü isa kurungkheak yakzanshuhrü tüsho mahkhaprü kamshihkhea? Nünü Ijipbuh laksahkhi ruk thsü I she alaksahpü lümcho de?” Judüki Mosanü tre tüsho lüm, “Inü arhimokhi mükheahabahdo.”

ABEKHIT 32:34

Kheakü inü athakhi dangpung ching mihtsürübo bede yüang, tüsho I yunirü nü müngüh yübah. Judüalalashe, küyimki thsümüchipü kim arübanü, inü arü neak dünkheak arübo thsümüchibah.”

ABEKHIT 33:2

Inü yunirü khülang nüsa müngüh yüshihbah tüsho Kananrü, Amorrü, Hitrü, Perizrü, Hivrü tüsho Jebusrü yankhitshihbah.

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

WÜHKHE 20:16

Küyimki isanü Atungpuh ki zhikhea, apinü isa düsheak sobah yunirü thiyi tüsho isa Ijip chingnü bede akhiuk; kheakü isa nü lomi aredung yean, Kadesh kiuto ching lah.

MARK 12:26

Tüshe asherü arhang kamlopü dünkheak, nüsanü sangrung aniukhi yu, Mosa hüm ching mükhe de, künangde Thrünpuhnü api ki tha, ‘I Abraham Thrünpuh, Isak Thrünpuh, tüsho Jakob Thrünpuh’?

LUKNÜ ATHRÜTKHI THIYUSHEAK-ATSÜ HUHTANYU 19:14

Tüshe api mihtsürübonü anihbuh thranean, tüsho yunithsürü khülang api dunglim yüshihde tha, ‘Isanü ha mihtsürü isa kurungkheak kiulong müthsüshih.’

JOHAN 18:40

Judüki arü alalanü zhide tha, “Ha mihtsürü yung, tüshe Baraba!” Kheakü Baraba ju jangkhijangrarü lakheah.

JOHAN 19:15

Tüshe arünü zhi, “Api sheshang, api sheshang! Api yümkihang!” Pilatnü arü ki tha, “Inü nüsa kiulongthsüpuh yümkihba shi?” Amükeam putungrübonü alo, “Kaesar kheak hode isa kiulongthsürü müla!”

YUNIRÜBO RHIMO 2:36

“Jumonü nüsanü ayümkihbuh Jisu ha, Thrünpuhnü api Atungpuh tüsho Khrista kamshihkheah de Israel yamkhün alalanü mütsande mükheahshang.”

YUNIRÜBO RHIMO 3:22

Mosanü tha, ‘Apinü I thiyikhi nangde Atungpuh Thrünpuhnü nüsa bolungnü nüsa thsungkheak wukihrü khülang thiyibah. Apinü nüsa ki thakhi alala nüsa ki anibah.

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

YUNIRÜBO RHIMO 7:30

“Küyimki kam yirü hokhea, Sinai Müzüng sunglo, sangrung ching yunirü api ki akhiuk.

YUNIRÜBO RHIMO 7:51

“Nüsa achungthülang mihtsürübo, mulong tüsho nükhün ching tsütamübahrü, nüsanü kamruhroro Amüsüh Me reanglochoh. Nüsa jipürübonü arhimokhi nangde nüsanü rhimochoh.

KOLOSI 1:15

Api ju amüngübe Thrünpuh mejak, thrüna lakhi alala kheaknü adüjibuh ah;

IBRI 2:2

Tümüde yunirübonü akhipkhitkhi yusheak ju thiyuro tüsho athsümünim le mihyumanikhi aban thsümüchi leangkhikheasho,

AMIKHEAKAKHIUKKHI 15:3

Tüsho arünü Thrünpuh tankihrü Mosa tüsho Namfimihnunu khün thsüde tha, “Nü rhimobo ato tüsho amüyinsahbe, O Wuto Atungpuh Thrünpuh! Nü limrobo alungki tüsho thiyuro, O lünbo kiulongthsüpuh!

1 SAMUEL 10:27

Tüshe amüthülünkhi mihtsürü khürünü tha, “ Ha buh mihtsürünü küde thsah isa khümkhitkhukpü?” Arünü api mükhemükim thsü tüsho api kilim thsambah lubah marüjih. Tüshe apinü amüsomürang thsüabah.

1 SAMUEL 12:8

Küyimki Jakob ju Ijip ching yükhea tüsho Ijiprünü arü junokhea, judüki nüsa jipürünü Atungpuh ki zhi tüsho Atungpuhnü Mosa le Aron ane thiyia, nüsa jipürü Ijip chingnü bekhitbah arübo ha dangpung ching lashih.