YUNIRÜBO RHIMO 7:2 - AMÜSÜH HÜM CL Bible (BSI)

² Tüsho Stephennü tha: “Keoniorü tüsho buhrübo, I ki aniang. Api Haran ching mülayide, Mesopotamia ching lachoki, müretahkhi Thrünpuhnü isa abuh Abraham ki akhiuk,

YUNIRÜBO RHIMO 7:2 Iomraidhean Croise

THRÜNTAN 11:31

Teranü atsührü Abram le Haran tsührü Lot, tüsho atsühmeakbe Abram niube Sarai bea lu, tüsho arünü Kanan lo ching yüpü Kaldearü yo Ur chingnü wukhiuk; arünü Haran ching arü tüsho ju ching la.

THRÜNTAN 12:1

Kheakü Atungpuhnü Abram ki tha, “Nüsa mihtsürü tüsho nü buh yamkhün nüsa lomi bahjihbah inü nü ki huhpü lakhi lomi ching yüang.

THRÜNTAN 12:5

Judüki Abramnü aniube Sarai le aniurü tsührü Lot, arünü ahanmukhungkhi lakhit-kukruk tüsho Haran ching arübo azhorübo alala bea lu tüsho Kanan lomi ching yüpü tsahmusu. Junangde arü Kanan lomi ching arü.

THRÜNTAN 15:7

Judüki Atungpuhnü api ki tha, “I ha lomi nü kilim jih-a yamrüplurüp lushihpü Kaldea ching lakhi Ur chingnü nü bekhitbuh Atungpuh ah.”

THRÜNTAN 29:4

Jakobnü namfimihnu neakrübo ki keokhi, “I keoniorübo, nüsa küchingnü a?” Arünü alo, “Isa Haran chingnü ah.”

NEHEMIA 9:7

Nü, Atungpuh Thrünpuhnü Abram mokhit tüsho Babilon lomi Ur chingnü bekhit; nünü api mung Abraham de müthrijih.

MUNGSHIKHÜN 24:10

Müretahkhi kiulongthsüpuh ju she a? Wuto Atungpuh ju müretahkhi kiulongthsüpuh.

MUNGSHIKHÜN 24:7

Nüsa kubo dukoang, O chipiripitbo! tüsho shuhkihang, O Jipü khimdopübo! junangde müretahkhi kiulongthsüpuh azahbah.

MUNGSHIKHÜN 29:3

Atungpuh düsheak kebo kumung lah; müretahkhi Thrünpuhnü tsüngmukchoh; Atungpuh ju muliuke kumung lah.

ISAIA 37:12

I müngührünü athsümünimkhi trükshihbo, Gozan, Haran, Rezeph, tüsho Telassar ching lakhi Eden mihtsürübo, arü thrünpuhbonü bekhitdo de?

ISAIA 51:2

Nü buh Abraham tüsho nü zübebe Sara kilim kheahang; tümüde inü api zangrü jikheah, tüshe inü api müngühjih tüsho api hihde kamshih.

ISAIA 6:3

Tüsho khülangnü püpürü ki ji tüsho tha: “Amüsüh, amüsüh, amüsüh ju Wuto Atungpuh ; alomi lüpdükhi api müretahkhinü milah.”

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

LUKNÜ ATHRÜTKHI THIYUSHEAK-ATSÜ HUHTANYU 2:14

“Achangbe ching Thrünpuh müretahshang, tüshe shepü kheak apinü mulong keamchonü alomi ching mihtsürü bolung mungtsü lashang!”

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 12:41

Harü Isaianü api müretah ngüchoki tüsho api dünkheak asukchoki thakheah.

YUNIRÜBO RHIMO 22:1

“I keoniorü Israelrübo, kheakü nüsa miki inü alim thakhi anijang.

YUNIRÜBO RHIMO 23:7

Küyimki apinü ha thakhea, Pharisirü le Sadukirü dükeak alanaji akhiuk; tüsho amukhungrü ju chamnak.

YUNIRÜBO RHIMO 7:1

Judüki achangbe amükeambuhnü keokhi, “Harü atsütsü a de?”

1 KORINT 2:8

Ha lün yakzanshuhrü shenü she ha manikhit; arünü anikhitkhülaa müretahkhi Atungpuh müyümkih-a labah.

EFISIA 1:17

junangde isa Atungpuh Jisu Khrista Thrünpuh, müretah Abuhnü lümlung me tüsho api mükheahkhi ching amikheak akhiukkhi nüsa kilim jihbah,

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.

IBRI 11:8

Akin hode Abrahamnü apinü yamrüplurüp lupü dangpung ching yüpü jichoki mihyuani; tüsho apinü küching yübeanü mümükheahde wukhiuk.

JAKOB 2:1

I keoniorübo, isa Atungpuh Jisu Khrista, müretahkhi Atungpuh kheak nüsanü kinla le, jakkheahkhi dühuh.

JIHUSUA 24:2

Jihusuanü mihtsürübo ki tha, “ Ha Atungpuh Israel Thrünpuhnü thachoh: Adüso nüsa jipürü Tera tüsho atsührü Abraham tüsho Nahor, Ephraim ayung thripkhüh lim lade püpürü thrünpuhbo kingaünkheah.

AMIKHEAKAKHIUKKHI 4:11

“Isa Atungpuh tüsho Thrünpuh, müretah, wüntre tüsho wu leangkhipü nü athülün ah, tümüde nünü alala thrün, tüsho nü lümkhinü arü thrün tüsho rhangdung lah.”