YUNIRÜBO RHIMO 6:9 - AMÜSÜH HÜM CL Bible (BSI)

⁹ Tüshe zuzu ngükhi mihtsürübo sinagog ching kheyukrü Serene le Alexandria tüsho Kilikia le Asia chingnü Jihudarü Stephen kheak atsangde awusupü tankih,

YUNIRÜBO RHIMO 6:9 Iomraidhean Croise

MATHI 10:17

Tüshe mihtsürübo dünkheak kümkangang, tümüde arünü nüsa kiuthsü-binkiubo kilim jihbah tüsho sinagogbo ching nüsa rhapbah.

MATHI 23:34

Jumonü inü nüsa kilim wukihrübo, lümlung larü mihtsürübo, tüsho yakzan thsangyurübo thiyibah: nüsanü khürü laksahbah tüsho ayümkihbah, tüsho khürü nüsa yo sinagogbo ching rhapbah tüsho kiuto chingnü kiuto khiungde athsümüchibah,

MATHI 27:32

Arü akhiukde alachoki, Simon de ajikhi Serene ching mihtsürü khülang arünü shoru, tüsho arünü api ki nimkih-a sangkim hanshih.

MARK 13:9

“Tüshe nüsa thsungkheaknü kurhangang, tümüde nüsabo kiuthsübinkiu kilim jihbah, tüsho sinagogbo ching nüsa lakbah. Tüsho arü ki thiyumütsan thsüde I dünkheaknü nüsabo yakzanshuhrübo le kiulongthsürübo miki bedarübah.

LUKNÜ ATHRÜTKHI THIYUSHEAK-ATSÜ HUHTANYU 21:12

Tüshe harü alala müngüh, arünü nüsa kheak arü khah chungde thsümüchibah, arünü nüsabo sinagogbo tüsho rihyambo ching rama jihbah, tüsho nüsa ju I mung dünkheaknü kiulongthsürübo le kovünorbo miki bede arübah.

YUNIRÜBO RHIMO 11:20

Tüshe arü khürü, Saipra tüsho Serene mihtsürü Antiok ching arünü Atungpuh Jisu dünkheak Greekrü ki she thsangyuthsangra.

YUNIRÜBO RHIMO 13:1

Antiok borü ching wukihrübo tüsho thsangyurübo Barnaba, Niger de ajikhi Simeon, Serenerü Lucia, Herod kiulongthsüpuh mahkhappung ching kheyukrü Manaen tüsho Saul lakheah.

YUNIRÜBO RHIMO 13:45

Tüshe küyimki Jihudarünü boto ngükhea, arünü mükthsüde kam tüsho Paulnü athakhi reanglode api azhih.

YUNIRÜBO RHIMO 15:23

Arü kheaknü kihüm ha mühah: “Keoniorübo, amüsüh-thsangyurübo tüsho azothsürübo, Antiok le Siria tüsho Kilikia ching lakhi khiungkerü kilim salüm.

YUNIRÜBO RHIMO 15:41

Tüsho apinü borübo reangzahshihde Siria tüsho Kilikia hode yü.

YUNIRÜBO RHIMO 16:6

Tüsho anenü Phrygia le Galatia lomi hode yü, tümütüsho Amüsüh Menü Asia ching müthsangyuthsangrashih.

YUNIRÜBO RHIMO 18:24

Kheakü Alexandria chingnü asürükhi Jihudarü amung Apollo ju Efisia ching arü. Api thiyu thasorü tüsho amüsühyu tsüde mükheahde alakheah.

YUNIRÜBO RHIMO 19:10

Ha kam mahne mutuklode yü, junangde Asia ching larü alala, Jihudarü tüsho Greekrü chidonü Atungpuh yu so.

YUNIRÜBO RHIMO 19:26

Tüsho Efisia ching lang yungde Asia alala ching Paulnü, khahbonü athsükhi thrünpuhbo a thrünpuhbo yung de thade mihtsürü ahihkhüh münityukde atsokhi nüsanü ngülah tüsho sochoh.

YUNIRÜBO RHIMO 21:27

Küyimki nimung thüne bankhitkheanü Asia ching Jihudarünü api arüngyam ching ngübah boto alala thurumusu, tüsho Paul ram.

YUNIRÜBO RHIMO 21:39

Tüshe Paulnü tha, “I a Kilikia ching lakhi Tarsa ching zübekhi, adungto kiuto mihkhung khülang ah. Muzhobah inü mihtsürübo ki thashang.”

YUNIRÜBO RHIMO 22:19

Tüsho inü tha, ‘Atungpuh, sinagog aban ching inü aramkhi tüsho nü kheak kinrü shikkhi arünü mükheahlah.

YUNIRÜBO RHIMO 22:3

“I a Kilikia ching lakhi Tarsa chingnü azübekhi Jihudarü ah, tüshe Gamaliel kheaknü anikhitde ha kiuto chingnü asürü. Inü isa jipürü yakzan thsangdankhi mulong jihde leangkhi tüsho khihni nüsabo nangde Thrünpuh kilim shuhmülanga jih.

YUNIRÜBO RHIMO 23:34

Kihüm khebah api tümü lomi chingnü a de keokhi. Küyimki api Kilikia chingnü ah de apinü amükheahkhea,

YUNIRÜBO RHIMO 24:18

Inü ha rhimode alachoki Asia ching Jihudarü khürünü boto yungsho arhungangüm mülade arüngyam ching I tsangkhita ngü.

YUNIRÜBO RHIMO 26:11

Inü ahihkhüh ki sinagogbo alala ching arü thsümüchi; tüsho arü athruajipü mürang. Arü kheak I bukakhiukde inü arübo khiungkerü kiutobo ching she thsümüchi.

YUNIRÜBO RHIMO 6:10

tüshe apinü Me lümlungnü athakhi azhihde müzhipkhuk.

1 KORINT 1:20

Lümlung larü mihtsürü küching la? Mükheahmudurü küching la? Ha lün ching atsangachihrü küching la? Thrünpuhnü alomi lümlung makhashihkhi yung de?

GALATIA 1:21

Jushu I Siria tüsho Kilikia lomibo ching yü.