YUNIRÜBO RHIMO 6:5 - AMÜSÜH HÜM CL Bible (BSI)

⁵ Ju thakhinü boto alala asühshih. Tüsho arünü akin tüsho Amüsüh Menü mide alakhi Stephen, Philip, Prokora, Nikamor, Timon, Parmena, tüsho Antiok chingnü khiungkerü Nekola mokhit.

YUNIRÜBO RHIMO 6:5 Iomraidhean Croise

THRÜNTAN 41:37

Junangde lümlung jihkhi ju Pharao tüsho api yamlarü alala ki atsü lakheah.

MÜCHITMUDU 15:1

Thünakde alokhinü bukakhiukkhi keamshihchoh, tüshe thiyu amüküpnü bukakhiukpü thurumusuchoh.

MÜCHITMUDU 15:23

Mihtsürü khülang ju nihbuh mün chingnü athakhinü asühpü lah, tüsho kim dükdü ching ayede athakhi yu küdükhüh she atsü la!

MIKA 3:8

Tüshe I thsungkheak a, Jakob ki apinü alakmihkhi tüsho Israel ki api neak thapü, I kheak wu, Atungpuh me, thiyuro tüsho sühmühnü mide lah.

MATHI 23:15

Nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürü khülang mulong müthrishihpü alomi tüsho keto hode tsahchoh, tüsho küyimki nüsanü api kukbanü, api ju nüsa kheaknü alü athsümüchi tsührü kamshihchoh.

YUNIRÜBO RHIMO 11:19

Kheakü Stephen laksahkhinü thsümüchi lakhi hode amüzütrübonü Phoenikia, Saipra tüsho Antiok khiungde Jihudarü ki lang thiyusheak thade yü.

YUNIRÜBO RHIMO 11:20

Tüshe arü khürü, Saipra tüsho Serene mihtsürü Antiok ching arünü Atungpuh Jisu dünkheak Greekrü ki she thsangyuthsangra.

YUNIRÜBO RHIMO 11:22

Ha yusheak Jirusalem borü ching arü tüsho arünü Barnaba Antiok ching yüshih.

YUNIRÜBO RHIMO 11:24

tümüde api ju Amüsüh Me tüsho akinnü mide alakhi mihtsürü atsü lakheah. Tüsho boto ahihkhüh Atungpuh kilim bedarü.

YUNIRÜBO RHIMO 11:26

tüsho küyimki apinü anihbuh ngükhea, apinü Antiok lim bebah arü. Arünü kam khülang amuyung borü shoru, tüsho mihtsürü boto ato thsangyu; tüsho Antiok ching akinrübo ju akhuhbe thsüde Khristanrü de ajikheah.

YUNIRÜBO RHIMO 11:27

Ju kim ching wukihrübo Jirusalem chingnü Antiok ching aki.

YUNIRÜBO RHIMO 13:1

Antiok borü ching wukihrübo tüsho thsangyurübo Barnaba, Niger de ajikhi Simeon, Serenerü Lucia, Herod kiulongthsüpuh mahkhappung ching kheyukrü Manaen tüsho Saul lakheah.

YUNIRÜBO RHIMO 15:22

Judüki amüsüh-thsangyurübo tüsho azothsürübonü borü alala bede arü mihtsürü khürü Paul le Barnaba lung Antiok ching yüpü pungkhi. Arünü mihtsürü mahne keoniorü bolung limberübo lakhi Barsaba de ajikhi Juda tüsho Sila mokhit.

YUNIRÜBO RHIMO 2:4

Tüsho arü alala Amüsüh Menü mide kam tüsho Menü athakhukshihkhinü püpürü yutha chingnü athapü tankih.

YUNIRÜBO RHIMO 21:8

Ashidopü isanü chamachihbah Kaesarea ching arü; tüsho isanü thüne bolung khülang thsangyuthsangrarü Philip yam ching yüzah tüsho api lung bin.

YUNIRÜBO RHIMO 22:20

Tüsho küyimki nü thiyumütsan thsükhi Stephen thiyih bukkhea, I she ju ki mütsanmükhi jihde tüsho api laksahrü khimmihbo kümde zhip.’

YUNIRÜBO RHIMO 6:10

tüshe apinü Me lümlungnü athakhi azhihde müzhipkhuk.

YUNIRÜBO RHIMO 6:3

Jumonü keoniorübo, nüsa bolung mung atsü larü, Amüsüh Me tüsho lümlungnü mide alarü isanü ha rhimo ching zojihpü thsüde nüsa bolungnü mihtsürü thüne mokhitang;

YUNIRÜBO RHIMO 6:8

Tüsho Stephennü akin tüsho wunü mide mihtsürü bolung khinthiyinbe tüsho amüyinsahbe atobo rhimo.

YUNIRÜBO RHIMO 7:1

Judüki achangbe amükeambuhnü keokhi, “Harü atsütsü a de?”

AMIKHEAKAKHIUKKHI 2:15

Junangde nüsa bolung Nikolaitarü thsangyukhi yanrü she khürü lah.

AMIKHEAKAKHIUKKHI 2:6

Tütüshe nü ha lah, inü she thraneande alakhi Nikolaitarü rhimobo nünü thraneanlah.