YUNIRÜBO RHIMO 6:3 - AMÜSÜH HÜM CL Bible (BSI)

³ Jumonü keoniorübo, nüsa bolung mung atsü larü, Amüsüh Me tüsho lümlungnü mide alarü isanü ha rhimo ching zojihpü thsüde nüsa bolungnü mihtsürü thüne mokhitang;

YUNIRÜBO RHIMO 6:3 Iomraidhean Croise

ABEKHIT 18:21

Kheaküshe nünü mihtsürü alala lungnü athsükhuk mihtsürü–Thrünpüh trerü, thiyuro mihtsürü, yihnelune mülarü mokhitang; tüsho arübo ju chithürübo, chibo, thünimbo tüsho thürübo kurungkheak yakzanshuhrübo thsüshang.

ISAIA 28:26

Tümüde apinü thiyuro mahkhap anihbuh ki thsangdanchoh; anihbuh Thrünpuhnü api thsangyuchoh.

ISAIA 28:6

tüsho mahkhap ching binbuh kilim thiyuro me khülang, tüsho chipiripit ki keochih khamlorü kilim sühmüh labah.

MATHI 23:8

Tüshe nüsa ki a thsangyurü de müji, tümüde nüsa thsangyurü khülang lah, tüsho nüsa alala keoniorü ah.

JOHAN 21:23

Judüki ha jingyanrü müshe de alabah de ha thakhi keoniorü bolung bude yü. Tütüshe Jisunü a api müshe de mütha tüshe hade tha, “I arüpü khiungde inü api alashihpü mulungsho, nü tümü la”?

YUNIRÜBO RHIMO 1:15

Nimung anükhüh dunglim akinrübo 120 bande küdang la, tüsho Peternü thiyu thapü wusu,

YUNIRÜBO RHIMO 1:21

Jumonü Atungpuh Jisu isa lung yüla arüla de alachoki isa lung berü,

YUNIRÜBO RHIMO 10:22

Tüsho arünü tha, “Kornelia, wühkenobuh, alungki tüsho Thrünpuh trekhi mihtsürü, Jihudarü trükshih alalanü tsülah dükhi, amüsüh yunirünü khuhlanga huhbah nü api yam ching arüshihpü tüsho nünü athakhi anipü nü kilim thiyi.”

YUNIRÜBO RHIMO 15:23

Arü kheaknü kihüm ha mühah: “Keoniorübo, amüsüh-thsangyurübo tüsho azothsürübo, Antiok le Siria tüsho Kilikia ching lakhi khiungkerü kilim salüm.

YUNIRÜBO RHIMO 16:2

Lystra tüsho Ikonium ching keoniorübonü Timothi tsülah de tha.

YUNIRÜBO RHIMO 2:4

Tüsho arü alala Amüsüh Menü mide kam tüsho Menü athakhukshihkhinü püpürü yutha chingnü athapü tankih.

YUNIRÜBO RHIMO 22:12

“Ju kiuto ching akin ching mulong jihde isa yakzan mihyuanikhi mihtsürü ju ching lakhi Jihudarü alalanü wüntre jihkhi amung Anania,

YUNIRÜBO RHIMO 28:14

Ju ching isanü akinrübo ngü, tüsho nimung thüne arü lung mungpü jiyuk. Tüsho isanü Rom ching arü.

YUNIRÜBO RHIMO 6:2

Tüsho thürükheak mahnenü akinrü boto jibah tha, “Tsühyungbe adünarapü thsungkheaknü isanü Thrünpuh yu thsangyuthsangra bahyukpü alim yung.

YUNIRÜBO RHIMO 6:5

Ju thakhinü boto alala asühshih. Tüsho arünü akin tüsho Amüsüh Menü mide alakhi Stephen, Philip, Prokora, Nikamor, Timon, Parmena, tüsho Antiok chingnü khiungkerü Nekola mokhit.

YUNIRÜBO RHIMO 6:6

Arünü harü amüsüh-thsangyurübo miki zhipshih, tüsho arünü arü kheak khah nimde tamkhüntamnüjih.

YUNIRÜBO RHIMO 9:30

Küyimki keoniorübonü ju mükheahkhea, arünü api Kaesarea ching bede aki, tüsho Tarsa lim yüabahshih.

1 KORINT 12:8

Khülang kilim Me hode lümlung yu jih-a lah, tüsho püpü khülang kilim ju Menü mükheahmudu yu jih-a lah,

1 KORINT 16:3

Tüsho küyimki I arübanü, nüsanü tsülah dükhi mihtsürübo ki huhtan kihüm jihbah tüsho nüsa thsambahbo hanbah Jirusalem lim yüshihbah.

EFISIA 5:18

Tüsho yukhunü dümüshang, tümüde ju athsümünimbe lah; tüshe Menü mishang.

YUZÜNGTHALO 1:13

Lümlung larü, anikhitrü, tüsho mükheahmudurü mihtsürübo nüsa trükbo chingnü mokhitang, tüsho inü arübo nüsa kurungkheak akubo thsüshihbah.

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

3 JOHAN 1:12

Demetria a mihbüm abannü, tüsho thiyuronü thiyumütsan lah; inü she api thiyumütsan jihchoh, tüsho I yumütsan thiyuro ah de nünü mükheahlah.