YUNIRÜBO RHIMO 5:36 - AMÜSÜH HÜM CL Bible (BSI)

³⁶ Tümütüsho müngühlim Theudasnü nihbuh küdahnü ato kamde wusu, tüsho mihtsürü 400 bande api ki mukhung; tüshe api laksah tüsho api dunglim yanrübo tümü mülade müzütabah.

YUNIRÜBO RHIMO 5:36 Iomraidhean Croise

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

MATHI 24:26

Jumonü arünü nüsa ki, ‘Kheahang, api loshelo ching lah!’ de thasho duwukhiuk; yungsho ‘Kheahang, api alungbe khiungshakbo ching lah!’ de thasho ju dükin.

MATHI 24:5

Tümüde ahihkhühnü I mung chingnü, ‘I Khrista’ de thade arübah tüsho ahihkhüh mülapyukbah.

YUNIRÜBO RHIMO 21:38

Nü a azhipü tankihde rimthsümünimrü 4000 bebah sunglo ching bede ayükhi Ijiprü yung de?”

YUNIRÜBO RHIMO 5:35

Tüsho apinü arü ki tha, “Israel mihtsürübo, harü mihtsürü kheak nüsanü tümü thsüchonü kümkangang.

YUNIRÜBO RHIMO 8:9

Mihtsürü khülang müngühlim kiuto ching wurük huhde tüsho api ato kamde Samariarü müyinsahshihkhi amung Simon lakheah.

GALATIA 2:6

Sherü adungto nangde lanü, arü küruk küruk lalashe I kheaknü tümü büthsüde müla; Thrünpuhnü aleanglim kheahde mahmükhapchoh–jurü mihtsürübonü I athsunganah aso tümü she müjih.

GALATIA 6:3

Tümüde khürünü tümü mülade api ju tümüanü ah de lümsho, apinü küdah thsüde mülapyukchoh.

2 PETER 2:18

Küyimki arünü lülüshishide akeangkeang yu asukbanü, arünü shihkünkhi, yakli amütsü hode dükde mülarü bolungnü atsokhirü bephülapchoh.

2 PETER 2:2

Ahihdonü arü makhamaleak limrobo yanbah, tüsho arü hode thiyuro ju amütsü kamshihbah.

JUDNÜ ATHRÜTKHI KIHÜM HUHTANYU 1:16

Harübo ju jijineahneahrü tüsho mührü müdamrü, nihbuh amütsü künkhi yanchoh, thiyu-tode kükheangchoh, alü thsüpü mihtsürü thsungyukchoh.

AMIKHEAKAKHIUKKHI 17:3

Apinü I Me chingnü sunglo ching bede yü, tüsho aliberü khülang, athruaji mungbonü mide alakhi aneakrüm shiwüh kheak binde inü ngü, tüsho ju aku thüne tüsho ajuh thürü lakheah.

AMIKHEAKAKHIUKKHI 17:5

tüsho anihbe ku kheak lümsük mung thrüta lakheah: “Ato Babilon, müzammüramrü tüsho alomi athraneanbo abe.”