YUNIRÜBO RHIMO 5:34 - AMÜSÜH HÜM CL Bible (BSI)

³⁴ Tüshe kiuthsü-binkiu ching mihtsürü alalanü wüntre jihkhi yakzan thsangyurü amung Gamalielnü zhip tüsho mihtsürübo ju anükhühkheak wungdo bekhitpü thiyukhüm jih.

YUNIRÜBO RHIMO 5:34 Iomraidhean Croise

MUNGSHIKHÜN 76:10

Mihtsürü bukakhiukkhinü nü mung shipü lang akhiukshihchoh, tüsho thirithsü ching aninga larünü nü yo thünio niobah.

JEREMIA 26:16

Judüki atorü tüsho mihtsürü alalanü amükeamrü tüsho wukihrübo ki tha, “Ha mihtsürü asheshihpü müthülün, tümüde apinü Atungpuh isa Thrünpuh mung chingnü isa ki asukdo.”

JEREMIA 26:17

Tüsho lomi ching azothsürü khürünü asürübahle mukhunga lakhi mihtsürü alala ki tha,

JEREMIA 36:25

Elnathan, Delaia tüsho Gemaria arünü kiulongthsüpuh ki küpqiu mütakpü mushushu she, apinü arü ki mani.

LUKNÜ ATHRÜTKHI THIYUSHEAK-ATSÜ HUHTANYU 2:46

Nimung mahsam dunglim arünü api ju thsangyurü bolung binde, arü ki anide tüsho keokhide arüngyam ching ngü;

LUKNÜ ATHRÜTKHI THIYUSHEAK-ATSÜ HUHTANYU 5:17

Nimung khülang, api thsangyude alachoki, Galilee le Judea kiulongbo tüsho Jirusalem chingnü arükhi Pharisirü le yakzan thsangyurübo binde alakheah; tüsho athsüngupü Atungpuh wu api kheak lakheah.

JOHAN 3:10

Jisunü api ki alo, “Nü Israelrü thsangyurü thsübah harü mümükheah de?

YUNIRÜBO RHIMO 22:3

“I a Kilikia ching lakhi Tarsa chingnü azübekhi Jihudarü ah, tüshe Gamaliel kheaknü anikhitde ha kiuto chingnü asürü. Inü isa jipürü yakzan thsangdankhi mulong jihde leangkhi tüsho khihni nüsabo nangde Thrünpuh kilim shuhmülanga jih.

YUNIRÜBO RHIMO 4:15

Tüshe küyimki arünü ane kiuthsü-binkiu chingnü wungdo wukhiukpü thiyukhüm jihkhea, arünü arü bolung atsangachih,

YUNIRÜBO RHIMO 5:21

Küyimki arünü ju sokheanü yapsu mükikde arüngyam ching yüzahbah thsangyu. Tüshe achangbe amükeambuh tüsho api lung larü arübah kiuthsübinkiu lung Israelrü azothsürü bede rukhüh mukhung, tüsho arü bedarüpü rihyam ching yüshih.

YUNIRÜBO RHIMO 5:27

Küyimki arübo bede arükheanü, arünü kiuthsü-binkiu miki zhipshih, tüsho achangbe amükeambuhnü arü ki keokhi,

YUNIRÜBO RHIMO 5:35

Tüsho apinü arü ki tha, “Israel mihtsürübo, harü mihtsürü kheak nüsanü tümü thsüchonü kümkangang.