YUNIRÜBO RHIMO 5:33 - AMÜSÜH HÜM CL Bible (BSI)

³³ Küyimki arünü ha sokheanü bukakhiuk tüsho arü laksahpü kün.

YUNIRÜBO RHIMO 5:33 Iomraidhean Croise

MATHI 1:19

Josep ju thiyuro mihtsürü lakheah, jumonü boto ki Mari mungchih müngüshihpü aramlimnü thiyu bahloachihpü lüm.

MATHI 10:21

Kheakü keoniorünü keoniorü tüsho buhrünü tsührü ashepü ching jihbah; tsührübonü berübuhrü azhihde wusubah tüsho arü asheshihbah.

MATHI 10:25

Jingyanrü khülang ju api thsangyurü nangde, yungsho yamlarü khülang ju api putungrü nangde alakhi asuhdah. Arünü thüyam putungpuh ki Beelzebub de jisho arünü nihbuh yamkhün ching küdükhüh she alü jiba!

MATHI 24:9

“Judüki arünü nüsa thsümüchipü jihbah tüsho alaksahbah, tüsho I mung dünkheaknü trükshih alalanü nüsa thraneanbah.

LUKNÜ ATHRÜTKHI THIYUSHEAK-ATSÜ HUHTANYU 20:19

Tüsho amükeam putungrübo le yakzan thsangyurübonü apinü shihdanglimyu ha arü azhihde thachoh de mükheahbah ju kim chingnü api rampü yim, tüshe arünü mihtsürübo tre.

LUKNÜ ATHRÜTKHI THIYUSHEAK-ATSÜ HUHTANYU 6:11

Tüshe arübo mulong zhipzhipbe kam tüsho arünü Jisu kheak tümü rhimobeanü khülangnü khülang ki atsangachih.

JOHAN 15:20

Inü nüsa ki, ‘Yamlarü khülang ju nihbuh putungrü kheaknü atobe yung,’ de athakhi lümkhitang. Arünü I thsümüchisho, nüsa she athsümüchibah. Arünü I yubo zosho, nüsa ki she anibah.

JOHAN 16:2

Arünü nüsa sinagogbo chingnü ayankhitbah; am, shepünü nüsa laksahbanü, apinü ju rhimokhinü Thrünpuh tankihchoh de alümpü kim arüchoh.

YUNIRÜBO RHIMO 2:37

Küyimki arünü ha sokheanü arü küpkhukde kam, tüsho Peter le aningkhi amüsüh-thsangyurübo ki tha, “Keoniorübo, isanü küde athsüba?”

YUNIRÜBO RHIMO 22:22

Ha thakhi khiungde arünü api ki ani, tüsho arü düsheak achangnü tha, “Hadürü ha alomi chingnü kheamshang, tümüde api alapü müthülün!”

YUNIRÜBO RHIMO 7:54

Küyimki arünü harü sokheanü arü bukakhiuk tüsho api azhihde arü hü mütrüt.

YUNIRÜBO RHIMO 9:23

Nimung ahihkhüh ho dunglim, Jihudarübonü api laksahpü rük yim,