YUNIRÜBO RHIMO 5:31 - AMÜSÜH HÜM CL Bible (BSI)

³¹ Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

YUNIRÜBO RHIMO 5:31 Iomraidhean Croise

MUNGSHIKHÜN 89:19

Judüki nünü nü yo amüsüh khülang ki michih ching asuk, tüsho tha: “Inü wuto kilim arung jihdo; inü mihtsürü bolungnü mokhitkhi shuhkihdo.

MUNGSHIKHÜN 89:24

Tüshe I thiyuro tüsho I mihmüthsüm api lung labah, tüsho kamruhroro inü api akuk ngüshihbah.

ISAIA 43:11

I, I Atungpuh ah, tüsho I hobah akhümkhitrü she müla.

ISAIA 43:3

Tümüde I Atungpuh nü Thrünpuh, Amüsüh Israel Thrünpuh, nü Khümkhitbuh. Inü nü rhokhitpü Ijip, nü müthri Ethiopia tüsho Seba jihchoh.

ISAIA 45:21

Thaang tüsho nü lümkhi handarang; arünü rukhüh keokhikeorashang! Ha adüsonü shenü akhipkhitkhea? Ha müngühlimnü shenü athakhea? I Atungpuhnü yung de? I hobah püpü thrünpuh müla, thiyuro-lungki tüsho Akhümkhitbuh; I hobah she müla.

ISAIA 49:26

Inü nü junorübo ki arü shih tsühloshihbah, tüsho arü thiyihnü yukhunü nangde amüshangbah. Judüki mihtsürü alalanü I Atungpuh nüsa Khümkhitrü tüsho nüsa Rhokhitrü, Jakob yo Wuto Khülang de amükheahbah.”

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

EZEKIEL 17:24

Thulu sang dungbo alalanü I Atungpuhnü sangdung ashang kheamkhishihchoh tüsho sangdung anim shangshihchoh, sangrhangbo yiuhshihchoh tüsho sangshe-dungbo phüyakshihchoh de amükheahbah; I Atungpuhnü asukdo, tüsho inü ju rhimobah.

EZEKIEL 34:24

Tüsho I Atungpuh ju arü Thrünpuh thsübah, tüsho I yamlarü David ju arü bolung yakzanshuhrü thsübah; I, Atungpuhnü asukdo.

EZEKIEL 37:25

Inü I yamlarü Jakob kilim jihkhi nüsa jipürü lakhi lo ching arübo labah; arü le arü tsührü tüsho arü tsührü tsührübo lünnü ju ching labah; tüsho I yamlarü David lünnü arü yakzanshuhrü thsübah.

DANIEL 10:21

tüshe akhuhde Thiyuro Hüm ching tümü thrüta lanü inü nü ki thabah: Maikel kheak hode I rungrü she müla.

DANIEL 9:25

Jumonü mükheahang tüsho anikhitang: Jirusalem thsülopü thiyu wukhiukkhi chingnü mujude-mokhitkhi limberü khülang kim khiungde thünenü shu thüne kambo labah; tüsho thünenü shu rukrükheak mahne kambo ching ju kiudunglimrobo tüsho khuhtotsunglobebo bede athsülobah, tüshe ha küpkhuk kim khülang labah.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

MATHI 1:21

Alibenü tsührü khülang zübebah, tüsho nünü api mung Jisu de ajibah, tümüde apinü anihbuh mihtsürü arü neakbo chingnü khümkhitbah.”

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

MARK 2:10

Junangde alomi ching Mihtsürü Tsührünü neak bahjihpü wu lah de nüsanü amükheahbah.” Apinü thripshe tukthsübuh ki tha,

MARK 4:12

junangde ‘arünü kheahkheah she mükheahkhit, arünü anini she muso tüsho manikhit; jude yungkhülaa arünü arholobah tüsho neak bahjihbah!’ ”

LUKNÜ ATHRÜTKHI THIYUSHEAK-ATSÜ HUHTANYU 2:11

tümüde khihni nüsa kilim David kiuto ching akhümkhitrü, Atungpuh Khrista zübea lah.

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

JOHAN 4:42

Judüki arünü alibe ki tha, “Kheakü nünü athakhi hode isanü kinchoh yung, tümüde ha atsütsü Khrista tüsho alomiküp khümkhitbuh ah de isanü sodo tüsho mükheahdo.”

YUNIRÜBO RHIMO 11:18

Küyimki arünü ha sokheanü zhikde kamabah. Tüsho arünü Thrünpuh müretahde tha, “Judüasho khiungkerü kilim she Thrünpuhnü rhangdung lapü mulong müthrishihpü mülüjih-a lah.”

YUNIRÜBO RHIMO 13:23

Thrünpuhnü alokhikhi nangde Israel mihtsürü khümkhitrü kamshihkhi ju David tsühsoniuso Jisu ah.

YUNIRÜBO RHIMO 2:33

Jumonü Thrünpuh khah tsülim shuhkihjihde, tüsho Amüsüh Menü alokhikhi Abuh kilimnü leangkhide, nüsanü angükhi tüsho asokhi ha apinü nüsa kheak dungkihjih.

YUNIRÜBO RHIMO 2:36

“Jumonü nüsanü ayümkihbuh Jisu ha, Thrünpuhnü api Atungpuh tüsho Khrista kamshihkheah de Israel yamkhün alalanü mütsande mükheahshang.”

YUNIRÜBO RHIMO 2:38

Tüsho Peternü arü ki tha, “Nüsa mihbüm abannü nüsa neak bahpü thsungkheak Jisu Khrista mung chingnü mulong müthriang tüsho baptiang; tüsho nüsanü Amüsüh Me thsambah leangkhibah.

YUNIRÜBO RHIMO 3:15

tüsho Thrünpuhnü ashe chingnü arhang kamloshihbuh, rhangdung Putungpuh laksah. Ha thsungkheak isa thiyumütsanbo ah.

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

YUNIRÜBO RHIMO 3:26

Thrünpuhnü api yamlarü mokhita, nüsa mihbüm aban amülimbo chingnü rholode müngühshihpü nüsa kilim akhuhde arüshih.”

YUNIRÜBO RHIMO 4:11

Ha lung nüsa thüyam-thsürübonü bahyuk, tüshe amühit lung adungtobe kamdo.

2 KORINT 2:10

Nüsanü sherü neak bahjihchonü, inü she neak bahjihchoh. Inü tümükhüh neak bahjihsho, Khrista miki nüsa thsülimnü ju neak bahjihbah,

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

FILIPI 3:20

Tüshe isa mihkhung jua yinmi ching lah, tüsho ju chingnü isanü akhümkhitrü, Atungpuh Jisu Khrista aleangchoh.

KOLOSI 1:14

api hode isa rhokhitkhi, neak bahjihkhi lah.

TITA 1:4

Rukhüh akin ching thiyuro I tsührü, Tita kilim: Abuh Thrünpuh tüsho isa khümkhitrü Jisu Khrista kilimnü amüthsüm tüsho mungtsü laang.

TITA 2:10

yungsho arü kheaknü mahühbeah, tüshe arü kheak dükde mulonglam lakhi huhbeah, junangde lüpdükhi limro ching arünü isa khümkhitrü Thrünpuh dünkheak thsangyukhi alunebe kamshihbah.

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

IBRI 12:2

Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.

IBRI 2:10

Tsührübo ahihdo kilim müretah handarüpü thsüde, shepü thsungkheak tüsho shepü hode lüpdükhi lakhea, thsünükhi hode arü akhümkhit putungrü khiukdahshihkhi api athülün lah.

1 PETER 3:22

shepü yinmi ching yü tüsho Thrünpuh khah tsülim la–yunirübo lungnü, thiyukhüm-sühmüh tüsho wubonü api ki anide lah.

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim:

2 PETER 1:11

Junangde isa Atungpuh tüsho akhümkhitrü Jisu Khrista kiulongthsü ching yüzahpü nüsa thsungkheak suhdahde ajihbah.

2 PETER 2:20

Arünü isa Atungpuh tüsho akhümkhitrü Jisu Khrista mükheahkhinü alomi athsümünim bahkhibah kheaküshe ju ching phuhlode kukshihsho, arü atan lakhi kheaknü akheam amütsübe lah.

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.

1 JOHAN 4:14

Tüsho Abuhnü alomi khümkhitrü thsüde api tsührü arüshihdo de isanü ngüdo tüsho thiyumütsan thsüchoh.

JUDNÜ ATHRÜTKHI KIHÜM HUHTANYU 1:25

Thrünpuh, isa Atungpuh Jisu Khrista hode isa khümkhitbuh kilim müretah, wüntre-müretah, yakzan shuhkhi, tüsho wu, kim alala müngüh, kheakü tüsho lünnü laang. Amen.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi