YUNIRÜBO RHIMO 5:3 - AMÜSÜH HÜM CL Bible (BSI)

³ Tüshe Peternü tha, “Anania, tümü thsükhi alo yinkhi sho khürü chama zopü Amüsüh Me ki akeangyu thade nü mulong ching Arimri yüzahkhea?

YUNIRÜBO RHIMO 5:3 Iomraidhean Croise

JOB HU H T ANYU 22:13

Jumonü nünü thachoh, “Thrünpuhnü tümü mükheahla? Apinü amiting asük hode mahkhapkhukba de?

MÜCHITMUDU 20:25

Tümükhüh nanachihde müsühkhitde kingaünbah ashulim api thiyuchihchim lümloakheahkhi ju mihtsürü thsungkheaknü müthrim khülang lah.

T H S AN GYU T H S AN GR ARÜ 5:4

Küyimki nünü Thrünpuh ki thiyuchihchim khülang thsübanü, ju akuk ngüde arhimopü dashu; tümüde makhakhibo ching api asühpü müla. Nünü tümü thiyuchihchima lanü rhimoang.

ISAIA 29:15

Are! Nüsa sherünü Atungpuh kheaknü limshude lümkhi khide sükde ramcho, shepü rhimobo amiting ching la, tüsho shepünü thacho, “Shenü isa ngüla? Shenü isa mükheahla?”

JEREMIA 23:24

Inü arü müngükhukpü thsüde sherünü ajik dangpungbo ching jikpü kukla? Atungpuhnü thachoh. Inü yinmi tüsho alomi mümi de? Atungpuhnü thachoh.

HOSEA 11:12

Ephraimnü akeangyu thade tüsho Israelnü mülapmüjinü I mükamdolah; tüshe Juda a Thrünpuhnü mükheahdü lang lah, tüsho Amüsühbuh Khülang ki thiyuro lah.

WÜHKHE 30:2

Mihtsürü khülangnü Atungpuh ki thiyuchihchimsho, yungsho tangzüngachihde thiyuchihchimsho, apinü nihbuh yu müthsümünim; apinü amün chingnü athakhi yande lüpdükhi rhimobeah.

MATHI 13:19

Küyimki khürünü kiulongthsü yu sobah ju manikhitba, Amütsü Khülang arübah api mulong ching hiua lakhi ju jangkhide tsochoh. Müjih limmungyean hiukhi ju api ah.

LUKNÜ ATHRÜTKHI THIYUSHEAK-ATSÜ HUHTANYU 22:3

Judüki thürükheak mahne bolung Iskariot de ajikhi Juda kheak Arimri yüzah.

JOHAN 13:2

Tüsho arelim yimtsühchoki api yinatsühshihpü Simon tsührü Juda Iskariot mulong ching amünean menü rük yukjih.

JOHAN 13:27

Kheakü yikhapkheam tsüh dunglim, api kheak amünean yüzah. Jisunü api ki tha, “Nünü tümü thsüpü lanü nahde rhimoang.”

YUNIRÜBO RHIMO 5:2

tüsho aniubenü mükheahde sho khürü aninga zobah chama lang lude arünü amüsüh-thsangyurübo kilim jih.

YUNIRÜBO RHIMO 5:4

Ju müyinyichoki nü yo lakhi yung de tüsho ju yinshu sho nü yung de? Tümünü nü hadürü rhimoshihkhea? Nünü mihtsürü ki yung tüshe Thrünpuh ki akeangyu rhimodo.”

YUNIRÜBO RHIMO 5:9

Tüshe Peternü alibe ki tha, “Atungpuh Me rükakipü thsüde küde thsah nükenü rukhüh mulongkhea? Kheahang, nü niubuh hande awukhiukrü lah, tüsho arünü nü she hande awukhiukbah.”

YUZÜNGTHALO 23:21

“Küyimki nünü Atungpuh nü Thrünpuh ki thiyuchihchimbanü, nünü ju jihpü dülakma; tümüde Atungpuh nü Thrünpuhnü ju nü kheaknü akheangbah, tüsho ju nü thsungkheak neak labah.

JAKOB 4:7

Jumonü nüsanü Thrünpuh bukkhüp laang. Amünean yanloang tüsho api nü kheaknü atsobah.

1 PETER 5:8

Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh.