YUNIRÜBO RHIMO 5:20 - AMÜSÜH HÜM CL Bible (BSI)

²⁰ “Yübah arüngyam ching zhipang tüsho mihtsürübo ki ha rhangdung yubo alala asukang.”

YUNIRÜBO RHIMO 5:20 Iomraidhean Croise

ABEKHIT 24:3

Jumonü Mosanü akibah mihtsürübo ki Atungpuh yubo tüsho yakzanbo alala tha. Mihtsürü alalanü düsheak khülangnü alo tüsho tha, “Atungpuhnü athakhi yubo alala isanü arhimobah.”

ISAIA 58:1

Zhiang, dütuklo! Hulipungpung nangde nü düsheak shuhkihang! I mihtsürübo ki arü azhihkhi dünkheak zhiyukjang, Jakob yamkhün ching arü neakbo dünkheak zhiyukjang.

JEREMIA 26:2

Atungpuhnü ha thachoh: Atungpuh yam mahkhappung ching zhipang, tüsho Atungpuh yam ching kingaünpü arükhi Juda kiutobo alala ki asukang; inü nü ki thiyukhüm jihkhi yubo alala arü ki asukang; thiyubüm khülang she düwuhlo.

JEREMIA 36:10

Judüki Baruknü Atungpuh yam ching yüzahpung chipiripit aso kheak achangbe yamkhuh ching, Shaphan tsührü athrütbuh Gemaria khiungshak chingnü, Atungpuh yam ching mihtsürü alalanü sode küpqiu chingnü Jeremia yubo khe.

JEREMIA 7:2

Atungpuh yam chipiripit kheak zhipang, tüsho ju ching ha yu zhiyukjang, tüsho thaang, Nüsa Juda mihtsürübo, nüsa Atungpuh kingaünpü ha chipiripitbo ching yüzahrübo Atungpuh yu aniang.

EZEKIEL 33:7

Jumonü, mihtsürü tsührü, Inü nü Israel yamkhün thsungkheak aheangrü khülang kamshihdo; inü nü kilim jihkhi kurhangyu arü kilim yüshang.

MATHI 10:27

Tümüpürü inü amiting ching nüsa ki thachonü, animuro asukang, tüsho tümü nüsa nükhün ching sochonü, thüyam münbo kheaknü zhiang.

MATHI 21:23

Küyimki api arüngyam ching yüzahkhea, amükeam putungrübo tüsho mihtsürü azothsürübo api thsangyude alachoki arü tüsho tha, “Tümü thiyukhüm-sühmüh hode nünü harü alala rhimocho? Tüsho ha thiyukhüm-sühmüh nü kilim shenü ajihkhea?”

JOHAN 12:50

Tüsho api yukhüm ju akheam müla rhangdung de inü mükheahlah. Jumonü inü tümüpürü asukchonü I Buhnü I ki thakhi nangde asukchoh.”

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

JOHAN 17:8

Tümüde nünü I kilim jihkhi yubo inü arü kilim jihdo; arünü jurü leangkhido, tüsho I ju nü kilimnü arükheah de tsükjide mükheahdo; tüsho nünü I thiyikheah de arünü kindo.

JOHAN 18:20

Jisunü api ki alo, “Inü alomi ki khipkhitde thado. Inü Jihudarü mukhungpung sinagogbo le arüngyam ching kamruhroro thsangyudo, tüsho inü ramde tümü mütha.

JOHAN 6:63

Rhangdung jihbuh ju me lah; shih yihnüpü müla. Inü nüsa ki asukkhi yubo ju me ah, tüsho jurü rhangdung ah.

JOHAN 6:68

Simon Peternü api ki alo, “Atungpuh, isanü shepü ki yüpü? Nü yubo akheam müla rhangdung lah.

YUNIRÜBO RHIMO 11:14

apinü nü, tüsho nü yamkhün alala khümkhitpü yusheak nü ki thabah.’

YUNIRÜBO RHIMO 13:26

“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo.