YUNIRÜBO RHIMO 5:16 - AMÜSÜH HÜM CL Bible (BSI)

¹⁶ Mihtsürübonü Jirusalem mühi kiutobo chingnü she tukthsürü tüsho amünean mebonü thsünükhi bedarüde mukhung, tüsho arü alala thsüngu.

YUNIRÜBO RHIMO 5:16 Iomraidhean Croise

MATHI 2:16

Küyimki mükheahmudurübonü api mülapyukdo de Herodnü amükheahkhea, api khide bukakhiuk; tüsho apinü mükheahmudurübo kheaknü anikhitkhi kim ayannü Bethlehem tüsho ju mühi athrürü nunu kam mahnenü abukkhüp alala laksahpü thiyukhüm jih.

MATHI 4:24

Api dünkheak thiyusheak Siria alala ching soride yü, tüsho mihtsürübonü tukthsürü aphuaphu, thsünüthsüheanrü, amünean me yüzahkhi, zukleang-tukthsü tüsho thripshe-tukthsü larü api kilim bebah arü, tüsho apinü arübo thsüngujih.

MATHI 8:16

Küyimki arelim kamkhea, arünü api kilim amünean me yüzahkhi ahihdo bebah arü. Apinü thiyu khülangnü mebo yankhit, tüsho tukthsürü alala thsüngu,

LUKNÜ ATHRÜTKHI THIYUSHEAK-ATSÜ HUHTANYU 5:17

Nimung khülang, api thsangyude alachoki, Galilee le Judea kiulongbo tüsho Jirusalem chingnü arükhi Pharisirü le yakzan thsangyurübo binde alakheah; tüsho athsüngupü Atungpuh wu api kheak lakheah.

LUKNÜ ATHRÜTKHI THIYUSHEAK-ATSÜ HUHTANYU 6:18

tüsho sherübo amünean mebonü küpkhukde alakheanü thsüngu.

LUKNÜ ATHRÜTKHI THIYUSHEAK-ATSÜ HUHTANYU 9:11

Tüshe küyimki botonü ju mükheahkhea, arünü api dunglim yan; apinü arü leangkhi tüsho Thrünpuh kiulongthsü dünkheak thade athsüngupü yihnüpü larü thsüngujih.

JOHAN 14:12

Atsütsü inü nüsa ki thachoh, shepünü I kheak kinchonü, inü arhimokhi rhimobo apinü she arhimobah; tüsho harü kheaknü atobe rhimobo apinü arhimobah, tümütüsho I Buh kilim I yüchoh.

YUNIRÜBO RHIMO 4:30

Nü yo amüsüh yamlarü Jisu hode athsüngupü tüsho khinthiyinbebo rhimopü nü khah chungkihang.”

YUNIRÜBO RHIMO 5:15

junangde arünü tukthsürübo kiudunglimrobo ching bekhitbah Peter tsahhode alachoki api me arü kheak alamshihpü yapkiubo le pheakbo ching yapshih.

YUNIRÜBO RHIMO 5:17

Tüshe achangbe amükeambuhnü wusu tüsho api lung lakhi Sadukirü borü alalanü mükthsüde kam,

1 KORINT 12:9

püpü kilim ju Me rukhühnü akin, püpü kilim Me khülang tüsho rukhühnü athsüngupü thsambah,

JAKOB 5:16

Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah.