YUNIRÜBO RHIMO 5:14 - AMÜSÜH HÜM CL Bible (BSI)

¹⁴ Tüsho püpüki kheaknü alü akinrübo athrürü tüsho aliberü boto Atungpuh lung kheyuk,

YUNIRÜBO RHIMO 5:14 Iomraidhean Croise

2 SAMUEL 6:19

tüsho arü alala kilim tsühyungbe chama jih. Apinü Israel ching lakhi athrürü tüsho aliberü abande yikhap, amüthreangkhi shih, tüsho kurungaso mukuhkhi khürü jih. Jushu mihtsürü alala nihbuh yam ching alode yü.

EZRA 10:1

Ezranü tripde arüngyam miki khukningbahle tamkhüntamnüde harü neak alokhichoki, Israel boto athrürü, aliberü, tüsho azürübo api mükamde arübah tüzhode trip.

NEHEMIA 8:2

Jumonü Ezranü khinu thüne atan nipü amukhungrü miki hande arü– athrürübo, aliberübo, tüsho azürü alalanü tsüde anikhit.

ABEKHIT 35:22

Mulongde alarü athrürü tüsho aliberü ahihdonü nüpübo, nupung-nüpübo khahrihbo, lakbo, suna kukrukbo alala, jurü ju mihtsürübonü suna kingaün ATUNGPUH kilim jihkhi lubah arü.

ISAIA 45:24

Atungpuh kheak lang thiyuro-lungki tüsho sühmüh lah de arünü I dünkheak thabah; bukakhiukde api azhihrü alala api ki arübah tüsho achih ngübah.

YUNIRÜBO RHIMO 11:24

tümüde api ju Amüsüh Me tüsho akinnü mide alakhi mihtsürü atsü lakheah. Tüsho boto ahihkhüh Atungpuh kilim bedarü.

YUNIRÜBO RHIMO 2:41

Junangde sherünü api yu leangkhikheanü bapti, tüsho ju nimung mihtsürü 3000 bande kheyuk.

YUNIRÜBO RHIMO 2:47

Thrünpuh shijihde mihtsürü alala ki asühachih. Tüsho Atungpuhnü khümkhita larübo arü wühkhe ching kheyuk.

YUNIRÜBO RHIMO 22:4

Ha limro ching yanrü inü thsümüchide sheshih. Inü athrürübo tüsho aliberübo rama rihyam ching yuk.

YUNIRÜBO RHIMO 4:4

Tüshe thiyu sorü ahihdonü kin, tüsho mihtsürübo khekhi 5000 bande kam.

YUNIRÜBO RHIMO 6:7

Junangde Thrünpuh yu bude yü; Jirusalem ching akinrübo khide hihde kam, tüsho amükeamrü ahihkhühnü akin leangkhi.

YUNIRÜBO RHIMO 8:12

Tüshe küyimki Thrünpuh kiulongthsü yusheak atsü tüsho Jisu Khrista mung thsangyuthsangrakhi hode arünü Philip kheak akin lakhea, arü athrürü tüsho aliberübo chido bapti.

YUNIRÜBO RHIMO 8:3

Tüsho Saulnü borü thsümünimpü tankih. Athrürü tüsho aliberübo thüyam chingnü yankhita rihyam ching jih.

YUNIRÜBO RHIMO 9:2

tüsho athrürü yungsho aliberü thsüthsü apinü limro ching ngüsho Jirusalem lim rhüka lubah arüpü Damaska ching sinagogbo kilim kihüm jihang de api ki keokhi.

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.

YUNIRÜBO RHIMO 9:35

Lydda tüsho Sharon ching larü alalanü api ngü, tüsho Atungpuh kilim rholo.

YUNIRÜBO RHIMO 9:42

Ju Joppa alala ching mükheahde kam, tüsho ahihkhühnü Atungpuh kheak kin.

2 KORINT 6:15

Khrista tüsho amünean dükeak arihachihkhi tümü la? Yungsho akinrünü amükinrü lung rukhüh tümü la?

GALATIA 3:28

Jumonü Jihudarü yungsho Greek, azhorü yungsho zuzu, athrürü yungsho aliberü dükeak tümü büthsüde müla; tümüde nüsa alala Jisu Khrista ching khülang ah.