YUNIRÜBO RHIMO 4:27 - AMÜSÜH HÜM CL Bible (BSI)

²⁷ Tümütüsho ha kiuto ching nünü mujude-müsühkhitkhi, amüsüh nü yamlarü Jisu azhihde khiungkerü tüsho Israel mihtsürü lungnü Herod tüsho Pontia Pilat ane chido mukhung,

YUNIRÜBO RHIMO 4:27 Iomraidhean Croise

JOB HU H T ANYU 14:4

Shepünü mümüsühkhi chingnü amüsüh kukruk yihkhitkhukla? She müla.

JOB HU H T ANYU 15:14

Api amüsüh lakhukpü thsüde mihtsürü ju tümü a? Tüsho api thiyuro lakhukpü thsüde aliberünü azübekhi ju she a?

JOB HU H T ANYU 25:4

Dale küde thsah mihtsürü khülang Thrünpuh miki thiyuro lakhukpü? Küde thsah aliberünü azübekhi tsangkhita lapü?

MUNGSHIKHÜN 2:2

Alomi kiulongthsürübonü arü jing jungpung thsüa luchoh, yakzanshuhrübonü Atungpuh , tüsho apinü mujude-mokhitkhi kiulongthsürü azhihde rukhüh lümkhi asahde thachoh,

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

MUNGSHIKHÜN 45:7

Nünü thiyuro-lungki muzhochoh tüsho mihbukmuyuk thraneanchoh; jumonü Thrünpuh, nü Thrünpuhnü asühpü müdangkenü nü müyamrü kurungkheak mujude-mokhit.

ISAIA 37:26

“ Inü adüsonü lümkihdo de nünü muso de? Kheakü inü tümü handarüchonü inü awün nimungbo chingnü lümkhi thsükheah, junangde nünü chipi ayünkhi kiutobo kingnaka müneanmuru mujung kamshihpü lakheah.

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

ISAIA 53:3

Api ju mihtsürübonü mükhemükim tüsho bahyuk; mulong tukthsü mihtsürü tüsho thsünümih lakheah; tüshe mihtsürübonü api kheaknü miro ramabah, api mükhemükim thsü, tüsho isanü api mükheyuk.

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

MATHI 14:1

Ju kim ching Galilee yakzanshuhrü Herodnü Jisu dünkheak so,

MATHI 14:3

Tümütüsho müngühlim aniurü Philip niube Herodia dünkheaknü Herodnü Johan rama rhükbah rihyam ching yuk.

MATHI 14:6

Tüshe Herod zübe nimung thünio ching Herodia tsührübenü arü miki tsün tüsho Herod asühshih.

MATHI 21:28

“Nüsanü tümü lümcho? Mihtsürü khülang tsührü mahne lakheah; tüsho apinü adüjibuh ki yübah tha, ‘I tsah-a, yüang tüsho khihni kurungasolu ching rhimoang.’

MATHI 23:37

“O Jirusalem, Jirusalem, shepünü wukihrübo laksah tüsho anihbe kilim yüshihrü lungnü rusahkhea! Thunu dretonü ajipjipbo aghidükeang khüp bemukhungkhi nangde, küdükhüh ki lang inü nü tsührübo bemukhungpü künkhea, tüshe nünü mümulong!

MATHI 27:2

Arünü api rhük tüsho Rom kovünor Pilat kilim bede yünü jih.

MARK 10:33

“Kheahang, isa Jirusalem lim wutuchoh, tüsho Mihtsürü Tsührü ju amükeam putungrübo le yakzan thsangyurü kilim thsungyuka jihbah, arünü api bahyuka sheshihbah tüsho khiungkerü kilim jihbah;

MARK 15:31

Junangde amükeam putungrübonü she yakzan thsangyurübo lung thsürubah mükhemükimde arü bolung thaachih, “Apinü püpürü khümkhitdo, tüshe aküdah thsüdüa mükhümkhitkhuk.

LUKNÜ ATHRÜTKHI THIYUSHEAK-ATSÜ HUHTANYU 1:35

Tüsho yunirünü alibe ki alojihde tha, “Amüsüh Me nü kheak arübah tüsho Achangbe wunü nü alamdobah; jumonü shepü Amüsüh Khülang zübepü lanü Thrünpuh tsührü de ajibah.

LUKNÜ ATHRÜTKHI THIYUSHEAK-ATSÜ HUHTANYU 22:63

Kheakü mihtsürü sherünü Jisu aheangkheanü api mükhemükim thsü tüsho lak.

LUKNÜ ATHRÜTKHI THIYUSHEAK-ATSÜ HUHTANYU 23:1

Judüki boto alala tsahmusu tüsho Pilat miki api bedarü.

LUKNÜ ATHRÜTKHI THIYUSHEAK-ATSÜ HUHTANYU 4:18

“Atungpuh Me I kheak lah tümütüsho zhochihrü ki thiyusheak atsü thsangyuthsangrapü apinü I mujude-müsühkhit. Apinü I aramrübo dükhepü zhiyukpü tüsho müktukrü ngüshihpü, junoa larü zuzu kamshihpü,

LUKNÜ ATHRÜTKHI THIYUSHEAK-ATSÜ HUHTANYU 9:22

Tüsho apinü tha, “Mihtsürü Tsührü khide thsünübah, tüsho azothsürübo le amükeam putungrübo tüsho yakzan thsangyurübonü bahyukde alaksahbah tüsho nimung mahsam nipü arhang kamlobah.”

JOHAN 1:11

Api nihbuh lomi lim arü, tüshe nihbuh mihtsürünü api müleangkhi.

JOHAN 10:36

inü I Thrünpuh tsührü de athamonü, Abuhnü tsangkhitde alomi ching arüshihbuh ki, ‘Nünü mükhemükimchoh,’ de nüsanü thacho de?

JOHAN 18:28

Jushu arünü Jisu ju Kaifa kinü kovünor yam ching bede yü, tüsho ju yapsu mükikde alakheah. Tüshe arü a kovünor yam ching müyüzah, tümüde arünü phungho-thünio tsühpü thsüde arü arüngde alakheah.

JOHAN 18:29

Judüki Pilatnü arü kilim wukhiukbah tha, “Nüsanü ha mihtsürü azhihde tümü amudopü lubah arücho?”

JOHAN 19:34

Tüshe bonungrü khülangnü api rheang ching thsühnü düchipashungjih, tüsho zukleangnü thiyih tüsho ke akhiuk.

YUNIRÜBO RHIMO 10:38

Nüsanü Nazarethrü Jisu kheak Thrünpuhnü Amüsüh Me tüsho wu dungkihkhi mükheahlah. Apinü lüpdükhi atsü rhimode tüsho Arimri wu bukkhüp lakhi alala thsüngude yü, tümüde api lung Thrünpuh lakheah.

YUNIRÜBO RHIMO 2:27

Tümüde nünü I me Ashe-lomi ching mübahyuk, yungsho nü yo amüsühbuhnü athsümünim müngüshih.

YUNIRÜBO RHIMO 4:30

Nü yo amüsüh yamlarü Jisu hode athsüngupü tüsho khinthiyinbebo rhimopü nü khah chungkihang.”

IBRI 7:26

Hadürü amükeamrü amüsüh, jakreak mükihkhi, aneakrü kheaknü achamkhikhi, yinmibo kumung shuhkihkhi isa thsungkheak lapü ayedo.