YUNIRÜBO RHIMO 4:24 - AMÜSÜH HÜM CL Bible (BSI)

²⁴ Küyimki arünü ju sokhea, arünü rukhüh thsübah Thrünpuh ki zhi: “Atungpuh, nü a thüning le alomi, keto, tüsho ju ching alala thrünkhi Thrünpuh ah.

YUNIRÜBO RHIMO 4:24 Iomraidhean Croise

2 KIULONG THSÜRÜ 19:15

Tüsho Hezekianü A TUN GPU H miki tamkhüntamnü, tüsho tha: “O Atungpuh Israel Thrünpuh, shepü cherubim kumung binla, lomi kiulongthsübo alala kurungkheak nü lang Thrünpuh; nünü thüning tüsho alomi thrün.

2 KIULONG THSÜRÜ 19:19

O Atungpuh isa Thrünpuh, jumonü kheakü api khah chingnü isa khümkhitang de inü nü ki tamkhüntamnüchoh, junangde O Atungpuh , alomi kiulongthsübo alalanü nü lang Thrünpuh de amükheahbah.”

NEHEMIA 9:6

Israelrünü hade tamkhüntamnü: Nü, Atungpuh , nü lang Atungpuh ah; nünü thüning, achangbe thüningbo tüsho chiningbo thrün. Nünü alo, keto tüsho ju ching mungjithürü bebah thrün; nünü alala kilim rhangdung jih. Thüningrü botonü khukningbah nü kingaün.

ABEKHIT 20:11

Tümütüsho Atungpuhnü nimung thuruk chingnü thüningbo tüsho alomi, keto tüsho ju ching lakhi alala thrün, tüsho thüne nipü sühakhim. Jumonü Atungpuhnü amunimung müngühjih tüsho müsühkhit.

ISAIA 51:12

I, shepünü shukheamchonü api ah; dale tümüde ashepü lakhi mihtsürü trecho, mihtsürü khülang shepü rim nangde yiuhabahcho?

JEREMIA 20:13

Atungpuh ki khün thsüang; Atungpuh shiang! Tümüde apinü müthsümülarü rhangdung ju amütsü-rhimorü khah chingnü bekhitdo.

JEREMIA 32:17

Ah, Atungpuh T H RÜ NPU H ! Nünü nü wu ato tüsho nü khah chungkhitkhinü thüningbo tüsho alomi thrün! Nü thsungkheak tümü she achak müla.

YUNIRÜBO RHIMO 14:15

“Mihtsürübo, tümüde nüsanü ha rhimocho? Isa she nüsa ruk mihtsürü ah, tüsho nüsanü harü akeangkeang chingnü rholobah thüning le alomi tüsho boto le ju ching lakhi alala thrünrü arhang Thrünpuh kilim yüshihpü thiyusheak atsü hande arükheah.

YUNIRÜBO RHIMO 16:25

Tüshe tsüngphulung ching Paul le Sila büne Thrünpuh ki tamkhüntamnüde tüsho khün thsüde alakheah, tüsho aramrübonü ane ki anide alakheah,

YUNIRÜBO RHIMO 4:23

Ane dükheshu, anenü müyamrübo kilim yü tüsho amükeam putungrübo le azothsürübonü athakhi arü ki thiyusheak jih.