YUNIRÜBO RHIMO 4:13 - AMÜSÜH HÜM CL Bible (BSI)

¹³ Küyimki arünü Peter le Johan mulong tokhi ngükhea, tüsho ane amümükheahrü, mihtsürü dümung kheahkhitkhea, arünü müyinsah; tüsho ane Jisu lung lade arüa lah de mütsan.

YUNIRÜBO RHIMO 4:13 Iomraidhean Croise

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

MATHI 26:71

Tüsho küyimki ripit-limro lim yükhea, aliberü püpünü api ngübah ju kheak larü ki tha, “Ha buh she Nazarethrü Jisu lung lakheah.”

MATHI 26:73

Tüsho anükhüh labah ju ki zhiprünü arübah Peter ki tha, “Tsükjide nü she arü bolung belah, tümütüsho nü yunü nü mütsanchoh.”

LUKNÜ ATHRÜTKHI THIYUSHEAK-ATSÜ HUHTANYU 22:8

Tüsho apinü Peter le Johan yüshihde tha, “Yüang tüsho isanü atsühpü thsüde phunghothünio isa thsungkheak thsakhamamg.”

JOHAN 19:26

Jumonü küyimki Jisunü abe le apinü amuzhokhi jingyanrü zhipde angükhea, apinü abe ki tha, “Aliberü, nü tsührü kheahang!”

JOHAN 7:15

Tüsho Jihudarübonü müyinsahde tha, “Ha mihtsürü küyimkishe mükhele küde thsah athrütkhi mükheahla?”

JOHAN 7:49

Tüshe harü botonü yakzan mümükheahkhinü muthrumüneana lah.”

YUNIRÜBO RHIMO 4:14

Tüshe arü rheang ki zhipkhi mihtsürü thsüngukhi ngübah arünü azhihde athapü tümü mülakheah.

YUNIRÜBO RHIMO 4:19

Tüshe Peter le Johan bünenü arü ki alo, “Thrünpuh kheaknü alü nüsa ki anipü Thrünpuh miki alim la shi yungnü nüsanü lümakheahang.

YUNIRÜBO RHIMO 4:29

Atungpuh, arünü amüzünkhi kheakü mükheahjang tüsho nü yamlarübonü khide mulong tode nü yubo thakhukshang.

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.

YUNIRÜBO RHIMO 9:27

Tüshe Barnabanü api bea lubah amüsühthsangyurübo kilim arü, tüsho apinü Damaska limro kheak anihbuh ki asukbuh Atungpuh ngükhi tüsho Jisu mung chingnü mulong tode Damaska ching thsangyuthsangrakhi thaa huh.

YUNIRÜBO RHIMO 9:28

Jumonü apinü Jirusalem ching arü bolung yüla arüla de,

1 KORINT 1:27

tüshe lümlung larü achihshihpü Thrünpuhnü alomi ching makharü mokhit, sühmüh larü achihshihpü Thrünpuhnü alomi ching ayiuhyiuhrü mokhit.

1 KORINT 14:25

tüsho api mulong ching rama lakhi lahkhitbah; junangde apinü khukningde Thrünpuh kingaünbah tüsho Thrünpuh nüsa bolung lah de athabah.

2 KORINT 3:12

Tümütüsho isa hadürü mulonglam lakhinü, isa khide mulong tolah.