YUNIRÜBO RHIMO 3:6 - AMÜSÜH HÜM CL Bible (BSI)

⁶ Tüshe Peternü tha, “I a shotoyinchi tüsho suna müla, tüshe I tümü lanü inü nü kilim jihchoh; Nazarethrü Jisu mung chingnü tsahang.”

YUNIRÜBO RHIMO 3:6 Iomraidhean Croise

MATHI 10:9

Nüsa qiuqiuninibo ching suna, shotoyinchi, yungsho shoto tümü dühan;

MATHI 7:22

Ju nimung ahihkhühnü I ki thabah, ‘Atungpuh, Atungpuh, isanü nü mung chingnü mümüchit de, nü mung chingnü amünean mebo müyankhit de, tüsho nü mung chingnü khinthiyinbebo ahihdo mürhimo de?’

MARK 14:8

Alibenü tümü kuklanü anihbenü rhimodo. Alibenü I mi bahpü thsungkheak müdangkenü I pang mujupü amüngühnü arüdo.

MARK 16:17

Tüsho sherünü akinbanü amütsan harü labah: I mung chingnü arünü amünean mebo yankhitbah; arünü püpürü yuthabo thabah;

JOHAN 19:19

Kheakü Pilatnü thiyu thrütbah sangkim kheak yihkih. Tüsho athrütkhi ju ha lakheah: Jihudarü kiulongthsüpuh, nazarethrü jisu.

YUNIRÜBO RHIMO 10:38

Nüsanü Nazarethrü Jisu kheak Thrünpuhnü Amüsüh Me tüsho wu dungkihkhi mükheahlah. Apinü lüpdükhi atsü rhimode tüsho Arimri wu bukkhüp lakhi alala thsüngude yü, tümüde api lung Thrünpuh lakheah.

YUNIRÜBO RHIMO 16:18

Tüsho alibenü hade nimung ashang thsü. Tüshe Paulnü mulong zhipzhipde kambah me ki tha, “Alibe kheaknü akhiukpü Jisu Khrista mung chingnü inü nü ki thiyukhüm jihchoh.” Tüsho ju kim chingnü akhiukabah.

YUNIRÜBO RHIMO 2:22

“Israel mihtsürübo, harü yubo aniang: Nazarethrü Jisu ju khinthiyinbebo, amüyinsahbebo tüsho amütsanbo hode Thrünpuhnü nüsa kilim jih, ju nüsa küdah thsüde mükheahlah.

YUNIRÜBO RHIMO 2:36

“Jumonü nüsanü ayümkihbuh Jisu ha, Thrünpuhnü api Atungpuh tüsho Khrista kamshihkheah de Israel yamkhün alalanü mütsande mükheahshang.”

YUNIRÜBO RHIMO 3:16

Tüsho api mung ching akin hode nüsanü ngüde mükheahde alakhi ha mihtsürü düküngshih; tüsho Jisu hode apinü ha mihtsürü nüsa alala mikinü phü tsüde kamshih.

YUNIRÜBO RHIMO 3:5

Tüsho apinü ane kilimnü tümükhüh leangkhipü mükkin thsüde ane kheak kheahkih.

YUNIRÜBO RHIMO 3:7

Tüsho apinü akhah tsülimnü thoa lubah düjitmusu; tüsho zukleangnü amüphü tüsho ajingmükbo düküngde kam.

YUNIRÜBO RHIMO 4:10

nüsa alala tüsho Israel mihtsürü alalanü, nüsanü yümkihbah Thrünpuhnü ashe chingnü arhang kamloshihkhi Nazarethrü Jisu Khrista mung chingnü ha mihtsürü tsüde zhiplah de mükheahang.

YUNIRÜBO RHIMO 4:7

Arünü arübo arü müngüh zhipshihbah keokhi, “Tümü wunü yungsho tümü mung hode nüsanü ha rhimokhea?”

YUNIRÜBO RHIMO 9:34

Tüsho Peternü api ki tha, “Aenea, Jisu Khristanü nü thsüngujihchoh; asürang tüsho nü yapkiu lukang.” Tüsho apinü nahdü lang asürü.

1 KORINT 4:11

Ha kim khiungde isa khümkethürilah, khimmürhüt phuyulah, khitode shikdo, isa lapung mümütsan,

2 KORINT 6:10

mulong rozhakde la, tüshe kamruhroro asühachihde la; zhochihrü la, tüshe ahihdo alarü kamshih; tümü mülade la, tüshe lüpdükhi la.

2 KORINT 8:12

Tümüde thsakhama lasho, amülakhi yande yungde, mihtsürü ju tümü lanü ju yande aleangkhikhukbe lah.

2 KORINT 8:9

Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?

1 PETER 4:10

Mihbüm abannü, Thrünpuh thsambah aphuaphu kümsorü thsüde, apinü Thrünpuh kilimnü aleangkhikhi ju püpürü tsüpü thsungkheak ahoribeah.