YUNIRÜBO RHIMO 3:25 - AMÜSÜH HÜM CL Bible (BSI)

²⁵ Nüsa ju wukihrübo tüsho Thrünpuhnü isa jipürü Abraham ki, ‘Nü müjih ching alomi yamkhün alala müngühmühibah,’ de tangzüngkhi tsührübo ah.

YUNIRÜBO RHIMO 3:25 Iomraidhean Croise

THRÜNTAN 12:3

Shepünü nü müngühjihchonü inü müngühjihbah, tüsho shepünü nü athruchonü inü muthrumüneanbah; tüsho nü lung alomi yamkhün alala müngühjihbah.”

THRÜNTAN 17:19

Thrünpuhnü tha: “Yung, nü niube Saranü nü kilim tsührü khülang zübejihbah, tüsho nünü amung Isak de ajibah; inü api tüsho api dunglim anihbuh tsühsoniusobo kheak akheam müla tangzüng zobah.

THRÜNTAN 18:18

Tümütüsho tsükjide Abraham ato tüsho sühmüh lakhi trükshih khülang kambah, tüsho lomi trükshih alala api kheaknü müngühmühibah.

THRÜNTAN 20:7

Kheakü jumonü mihtsürü niube jihloang; tümüde api wukihrü ah, tüsho apinü nü thsungkheak tamkhüntamnüjihbah tüsho nü alabah. Tüshe nünü anihbe müjihlosho, tsükjide nü le nü mihtsürü alala shebah de mükheahang.”

THRÜNTAN 22:18

Nü müjih ching alomi trükshih alala müngühmühibah, tümütüsho nünü I ki mihyuanido.”

THRÜNTAN 26:4

Tüsho inü nü tsühsoniusobo ju thüning ching chiningbo nangde abushihbah; inü nü tsühsoniusobo kilim harü lobo alala jihbah; tüsho nü müjih ching alomi trükshih alala müngühmühibah;

THRÜNTAN 28:14

Nü tsühsoniusobo alo asungthulung nangde alabah; nü aniyüzahlim tüsho aniakhiuklim, dukulim tüsho düjinglim bude ayübah; tüsho nü le nü müjih ching alomi yamkhün alala müngühmühibah.

1 KIUTHSÜYUKHEAN 16:16

apinü Abraham ki tangzüngkhi, apinü Isak ki thiyuchihchimkhi,

1 KIUTHSÜYUKHEAN 16:17

küpü apinü Jakob ki yakzan-thsükhi kamshihkhea, Israel kilim akheam mülakhi tangzüng,

NEHEMIA 9:8

Nü kheak thiyuro lah de nünü api ngü tüsho api kheak tangzüng. Nünü api kheak Kananrü, Hitrü, Amorrü, Perizrü, Jebusrü tüsho Girgashrü lo api tsühsoniuso lashihpü thiyuchihchim. Nünü thiyuchihchimkhi rhimodo, tümüde nü thiyuro. @1-LINE- SP ACE=

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 96:7

Atungpuh shiang, O mihtsürü yamkhünbo, Atungpuh müretah tüsho sühmüh shiang.

LUKNÜ ATHRÜTKHI THIYUSHEAK-ATSÜ HUHTANYU 1:72

isa bebuhrü ki amüthsüm alokhikhi rhimopü, tüsho api amüsüh tangzüng lümkhitpü,

YUNIRÜBO RHIMO 13:26

“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo.

YUNIRÜBO RHIMO 2:39

Tümüde alokhikhi ju nüsa le nüsa tsührübo tüsho limshu ching larü, Atungpuh isa Thrünpuhnü ajirü aban kilim lah.”

ROMRÜ KILIM PAULNÜ ATHRÜTKHI KIHÜM HUHTANYU 15:8

Tümüde jipürü ki alokhikhi adüngakhipü Thrünpuh thiyuro thsung thsüde Khrista ju Jihudarü yamlarü kamkheah de inü nüsa ki thachoh,

ROMRÜ KILIM PAULNÜ ATHRÜTKHI KIHÜM HUHTANYU 4:13

Abraham tüsho api tsühsoniusobo ki alomi yamrüplurüp arünü alubah de alokhikhi ju yakzan hode yung tüshe akin thiyuro-lungki hode arü.

GALATIA 3:16

Kheakü Abraham ki alokhikhibo thsü. Ahihkhüh ki thade, “Tüsho nü müjihbo,” de mütha; tüshe khülang ki, “Tüsho nü müjih,” de Khrista ki thalah.

GALATIA 3:29

Tüsho nüsa Khrista yo thsüsho, alokhikhi ayannü nüsa ju Abraham müjih tüsho yamrüplurüp lurü ah.

GALATIA 3:8

Thrünpuhnü akin hode khiungkerü alim kamshihbah de amüsühyunü müchit, tüsho amüngühnü thiyusheak-atsü Abraham ki mükheahshih: “Trükshih alala nü hode müngühmühibah.”

AMIKHEAKAKHIUKKHI 14:6

Judüki yunirü püpü thüning phulung alomi kheak larü trükshih, trük, thiyutha tüsho mihtsürü aban ki akheam müla thiyusheak-atsü zhiyukde phinde inü ngü;

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,