YUNIRÜBO RHIMO 3:24 - AMÜSÜH HÜM CL Bible (BSI)

²⁴ Tüsho wukihrü alala, Samuel tüsho ashulim arürünü harü nimungbo müchitdo.

YUNIRÜBO RHIMO 3:24 Iomraidhean Croise

MUNGSHIKHÜN 99:6

Mosa tüsho Aron api amükeamrübo lung lakheah, tüsho Samuel ju api mung jirü bolung lakheah; arünü Atungpuh ki ji, tüsho apinü arü ki alojih.

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

LUKNÜ ATHRÜTKHI THIYUSHEAK-ATSÜ HUHTANYU 24:27

Tüsho Mosa le wukihrübo kheaknü tankihbah amüsühyu alala ching anihbuh dünkheak ane ki thanaka huh.

YUNIRÜBO RHIMO 13:20

Ju dunglim apinü arü kilim kam 450 bande Samuel wukihrü khiungde mahkhaprübo jih.

YUNIRÜBO RHIMO 17:3

Khrista ju thsünübah tüsho ashe chingnü arhang kamlopü lakheah de thanaka huhde mütsanmükhi jih, tüsho tha, “Inü nüsa ki zhiyukbuh Jisu ha Khrista ah.”

YUNIRÜBO RHIMO 26:23

Khrista ju thsünübah, junangde akhuhbe thsüde asürübah apinü Jihudarü tüsho khiungkerü chido ki ayin zhiyukbah.”

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

YUNIRÜBO RHIMO 3:21

Thrünpuhnü api yo amüsüh wukihrübo adüso larü hode amükheahshihkhi nangde, alala aso kamlopü kim marüyi khiungde api ju yinmi ching aninga labeah.

ROMRÜ KILIM PAULNÜ ATHRÜTKHI KIHÜM HUHTANYU 3:21

Tüshe kheakü yakzan tüsho wukihrübonü thiyumütsan thsüa lalashe, Thrünpuh thiyuro-lungki ju yakzan kheaknü büthsüde akhiukdo.

1 SAMUEL 2:18

Azübuh Samuelnü khim zhingzhing yihbah Atungpuh miki tankihde alakheah.

1 SAMUEL 3:1

Kheakü azübuh Samuel Eli bukkhüp Atungpuh tankihde alakheah. Judüki Atungpuh yusheak nükde alakheah; tüsho michihbo mubuyi.

1 SAMUEL 3:20

Tüsho Dan chingnü Beersheba khiungde Samuel ju Atungpuh thiyuro wukihrü ah de Israel alalanü mükheah.