YUNIRÜBO RHIMO 3:19 - AMÜSÜH HÜM CL Bible (BSI)

¹⁹ Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

YUNIRÜBO RHIMO 3:19 Iomraidhean Croise

MUNGSHIKHÜN 103:12

Aniakhiuklim ju aniyüzahlim kheaknü limshukhi nangde, apinü isa neakbo isa kheaknü limshude luakhindo.

MUNGSHIKHÜN 51:13

Judüki inü athsümünimrü ki nü limrobo thsangyubah. Tüsho aneakrübo nü kilim rholobah.

MUNGSHIKHÜN 51:9

I neakbo chingnü nü miro jikang tüsho I amülimkhibo alala nankhita bahjang.

ISAIA 43:25

I, I api shepünü I mung chingnü nünü alakmihkhibo nankhita bahjih, tüsho inü nü neakbo mülümkhit.

ISAIA 44:22

Nünü alakmihkhibo inü amo nangde wua bahdo tüsho nü neakbo shumuliu nangde bahjihdo; I kilim rholoang, tümüde inü nü rhokhitdo.

ISAIA 51:11

Jumonü Atungpuhnü rhokhitrü rholobah tüsho khün thsüde Zion lim arübah; akheam müla asühachihkhi arü ku kheak labah; arünü asühachih tüsho asühakokhi labah, tüsho mulong rozhak le masühkhi tsoabahbah.

ISAIA 6:10

Ha mihtsürü lümkhi zhazhade kamshang, tüsho arü nükhünbo peangshang, tüsho arü mükbo yihdojang, junangde arünü arü mükbonü mükheah, tüsho arü nükhünbonü mani tüsho arü lümkhibonü manikhit, tüsho rholode müthsüngu.”

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

ISAIA 61:9

Arü tsühsoniusobo trükshih bolung mükheahbah, tüsho arü münübo mihtsürü bolung mükheahbah, arü ngürü alalanü arübo ju Thrünpuhnü müngühjihkhi mihtsürü de amükheahbah.

JEREMIA 36:3

Khükia inü arü kheak rhimopü lümkhi thsümütsü alala Juda yamkhünnü sobah arü alala arü amütsü limrobo chingnü rholobah, junangde inü arü mülimkhi tüsho arü neak bahjihbah.

JEREMIA 50:20

Atungpuhnü thachoh, ju nimungbo ching tüsho ju kim ching Israel mülimkhi yimbah, tüshe mülade alabah; tüsho Juda neakbo yimbah, tüshe müngü; tümüde inü aninga lashihkhi neak bahjihbah.

TÜZHOKHI 3:40

Isanü isa limrobo ajamakheahanü tüsho jurü rükakiakheahanü, tüsho Atungpuh kilim rholoanü.

TÜZHOKHI 5:21

Isa nü kilim beloang, O Atungpuh , junangde isa lalobah; adüso nangde isa nimungbo aso kamshang–

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

DANIEL 9:13

Mosa yakzan ching thrüta lakhi nangde ha thsümütsü alala isa kheak arüdo, tütüshe isa neakbo chingnü rholode tüsho nü thiyuro anide isanü Atungpuh isa Thrünpuhnü amulongkhi müyim.

HOSEA 14:2

Amushukhi lubahle Atungpuh kilim rholode yüang; api ki thaang, “Amülim alala lude tsoang; atsü küpüanü leangkhiang tüsho isanü alokhikhi nangde isanü nü shianü.

JOEL 2:13

Nüsa khimmih yungde nüsa mulong yihthünakang. Atungpuh , nüsa Thrünpuh kilim rholoang, tümüde api ju mihmuzho tüsho mihmüthsüm, arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.

MATHI 13:15

tümüde ha mihtsürü mulong makhaa lah, asopü arü nükhünbo düngdünglah, tüsho mükjibo tuka lah, jude müthsükhülaa arü mükbonü angübah, tüsho arü nükhünbonü asobah, jude müthsükhülaa arü mulongnü anikhitbah arholobah tüsho inü arü thsüngujihbah.’

MATHI 18:3

tüsho tha, “Atsütsü inü nüsa ki thachoh, nüsa mulong müthribah azürü nunubo nangde mükamsho, küde thsüthsü she nüsanü yinmi kiulongthsü ching müyüzahkhuk.

LUKNÜ ATHRÜTKHI THIYUSHEAK-ATSÜ HUHTANYU 1:16

Tüsho apinü Israel tsührübo ahihkhüh Atungpuh arü Thrünpuh kilim rholoshihbah.

LUKNÜ ATHRÜTKHI THIYUSHEAK-ATSÜ HUHTANYU 22:57

Tüshe apinü reanglode tha, “Aliberü, inü api mümükheah.”

YUNIRÜBO RHIMO 1:6

Jumonü küyimki arü mukhungkhea, arünü api ki keokhi, “Atungpuh, nünü ha kim ching Israel kilim kiulongthsü jihloba de?”

YUNIRÜBO RHIMO 11:18

Küyimki arünü ha sokheanü zhikde kamabah. Tüsho arünü Thrünpuh müretahde tha, “Judüasho khiungkerü kilim she Thrünpuhnü rhangdung lapü mulong müthrishihpü mülüjih-a lah.”

YUNIRÜBO RHIMO 11:21

Atungpuh wu arü kheak lakheah, tüsho akinrü ahihkhüh Atungpuh kilim rholo.

YUNIRÜBO RHIMO 15:3

Jumonü borünü ane limro ching yüshihkhi nangde khiungkerü mulong müthrikhi thiyusheak jihde Phoenikia tüsho Samaria hode yü, tüsho ha yusheaknü keoniorü alala khide asühshih.

YUNIRÜBO RHIMO 17:26

Apinü mihtsürü khülang kheaknü mihtsürü trükshih aban lomi alala ching lapü thsüde thrün; tüsho apinü arü kimbo tüsho lapungbo akhualojih,

YUNIRÜBO RHIMO 2:38

Tüsho Peternü arü ki tha, “Nüsa mihbüm abannü nüsa neak bahpü thsungkheak Jisu Khrista mung chingnü mulong müthriang tüsho baptiang; tüsho nüsanü Amüsüh Me thsambah leangkhibah.

YUNIRÜBO RHIMO 28:27

Tümüde ha mihtsürübo mulong zhazhaabahdo tüsho arü nükhün peanga lah, tüsho arü mük tuka lah, jude yungkhülaa arü müknü akheahkhitbah, arü nükhünnü asobah, arü mulongnü anikhitbah, tüsho rholobah inü arü thsüngubah.’

YUNIRÜBO RHIMO 3:20

tüsho nüsa thsungkheak akhukhi Jisu Khrista apinü nüsa kilim thiyibah.

YUNIRÜBO RHIMO 3:21

Thrünpuhnü api yo amüsüh wukihrübo adüso larü hode amükheahshihkhi nangde, alala aso kamlopü kim marüyi khiungde api ju yinmi ching aninga labeah.

ROMRÜ KILIM PAULNÜ ATHRÜTKHI KIHÜM HUHTANYU 11:25

I keoniorübo, nüsa küdahnü shia mulushihpü thsüde rama lakhi thiyuro nüsanü mükheahshihnelah. Israel mihtsürü mulong müküpkhi lün thsungkheak yung, tüshe khiungkerü khekhi alala Thrünpuh ki arükhi khiungdü lang ah.

2 TESALONIKA 1:10

ju api yo amüsührübo kheak api müretahpü nimung api arüchoki tüsho akinrübo alala kheak amüyinsahpü lachoki labah, tümütüsho isanü nüsa ki thiyusheak thakhi kindo.

2 TESALONIKA 1:7

tüsho thsünüde alarü nüsa le isa kilim sühakhim jihbah. Ha yinmi chingnü api yo wulakhi yunirübo lungnü mo trude Atungpuh Jisu amikheak akhiukchoki dünjibah.

2 TIMOTHI 2:25

azhihrü ki azhihayihkhinü thsülangde alabeah. Khükijua, arü mulong müthripü Thrünpuhnü mülüjihbah tüsho thiyuro mükheahde akambah,

IBRI 4:1

Jumonü, api sühakhim ching yüzahpü alokhikhi lale, nüsa she lang she mülakphahpü thsüde isanü kümkanganü.

1 PETER 2:25

Tümüde nüsa tsokhide alakhi namfimihnubo lakheah, tüshe kheakü nüsa me kümrü namfimihnu neakrü kilim rholodo.

2 PETER 3:8

Tüshe amuzho müyamrübo, ha thiyuro dümih: Atungpuh lung nimung khülang ju chithürü tüsho chithürü ju nimung khülang nangde lah.

AMIKHEAKAKHIUKKHI 21:4

apinü arü mük chingnü chikebo nana bahjihbah, tüsho ashepü mülade akambah, mulong rozhakpü yungsho atrippü yungsho thsünüpü mülade akambah, tümüde akhuhlim lakhibo hode tsoabahdo.”