YUNIRÜBO RHIMO 3:17 - AMÜSÜH HÜM CL Bible (BSI)

¹⁷ “Keoniorübo, nüsa le nüsa limberübonü manikhitde rhimodo de inü mükheahlah.

YUNIRÜBO RHIMO 3:17 Iomraidhean Croise

THRÜNTAN 21:26

Tüsho Abimeleknü tha, “Ha shenü arhimokheanü inü mümükheah; nünü I ki mütha, yungsho khihni khiungde inü ju muso.”

THRÜNTAN 39:8

Tüshe apinü reanglo tüsho api putungrü niube ki tha, “Kheahang, thüyam ching I lung lakhi I putungrünü mümükheah, tüsho anihbuhnü api lakhi alala I khah ching jihdo.

THRÜNTAN 44:15

Tüsho Josepnü arü ki tha, “Nüsanü arhimokhi ha tümü a? I hadürü mihtsürünü arüngako rhimo hode ayimkhitbah de nüsanü mümükheahkhea de?”

ABEKHIT 32:1

Küyimki Mosa müzüng kheaknü akipü zhomakhi mihtsürübonü angükhea, arünü Aron mükamde mukhung tüsho tha, “Arang, isa müngüh yüpü thrünpuhbo thsüjang; tümüde isa Ijip lomi chingnü bekhitbuh Mosa kheak tümü dünjia lanü isanü mümükheah.”

WÜHKHE 22:6

Jumonü khülang ki arübah harü mihtsürübo athruang, tümüde arübo I thsungkheak khide wu-sühmüh lah. Judüalalashe inü arü kukbah tüsho lomi chingnü yankhita bahbah, tümüde nünü shepü kheak müngühjihbanü müngühjihchoh, tüsho shepü kheak nünü athruchonü muthrumüneanchoh de inü mükheahlah.”

LUKNÜ ATHRÜTKHI THIYUSHEAK-ATSÜ HUHTANYU 23:13

Küyimki Pilatnü amükeam putungrübo, yakzanshuhrübo, tüsho mihtsürübo rukhüh jimukhungkheanü,

LUKNÜ ATHRÜTKHI THIYUSHEAK-ATSÜ HUHTANYU 23:34

Judüki Jisunü tha, “Abuh, arü neak bahjang, tümütüsho arünü tümü rhimochonü mümükheah.” Tüsho arünü azan thsüde api khimmihbo chama lu.

JOHAN 15:21

Tüshe harü alala I mung dünkheaknü arünü nüsa ki rhimochoh, tümütüsho arünü I thiyibuh mümükheah.

JOHAN 16:3

Tüsho arünü harü nüsa ki rhimobah, tümütüsho arünü I Buh yungsho l mümükheah.

JOHAN 7:52

Arünü api ki alo tüsho tha, “Nü Galilee chingnü a de? Yimang tüsho kheahang, Galilee chingnü wukihrü sheshe masürü.”

YUNIRÜBO RHIMO 13:27

Tümüde Jirusalem ching lakhi mihtsürübo tüsho arü limberübonü api akhümkhitbuh de mümükheah yungsho wukihrübo yu Amuni aban khekhi manikhit, tüshe arünü Jisu bahyukkhinü wukihrübo yu dünjishihdo.

YUNIRÜBO RHIMO 22:5

Inü thiyuro thachoh de achangbe amükeambuh tüsho kiuthsü-binkiu abümnü thiyumütsan jihpü kuklah. Arünü keoniorü Jihudarü kilim kihüm thrütkhi inü leangkhi, junangde inü arü rhüka lubah Jirusalem chingnü athsümüchipü Damaska ching yü.

YUNIRÜBO RHIMO 26:9

“Nazarethrü Jisu mung azhihde ahihdo rhimopü inü she alümkheah.

YUNIRÜBO RHIMO 28:21

Tüsho arünü api ki tha, “Judea chingnü nü dünkheak isanü tümü kihüm müleangkhi, tüsho keoniorü ha ching arürü shenü she nü dünkheak thiyusheak müjih yungsho amütsü masuk.

YUNIRÜBO RHIMO 7:40

Aron ki tha, ‘Isa müngüh yüpü isa thsungkheak thrünpuhbo thsüjang; tümüde isa Ijip lo chingnü bekhhitbuh Mosa kheak tümü dünjia lanü isanü mümükheah.’

ROMRÜ KILIM PAULNÜ ATHRÜTKHI KIHÜM HUHTANYU 11:2

Apinü mükheahjunga lakhi api mihtsürü Thrünpuhnü mübahyuk, Elijanü Israel azhihde Thrünpuh ki mushukhi dünkheak amüsühyunü athakhi nüsanü mümükheah de?

1 KORINT 2:8

Ha lün yakzanshuhrü shenü she ha manikhit; arünü anikhitkhülaa müretahkhi Atungpuh müyümkih-a labah.

2 KORINT 3:14

Tüsho arü lümkhibo mitingde lah; tümütüsho khihni khiungde arünü awün tangzüng khechoki ju kudukiube mulokhi tümütüsho Khrista hodü lang ha lude tsodo.

EFISIA 4:18

arü mulong müküpde arü kheak yakli mümükheahkhi lakhi hode arü lümkhi mitingde, Thrünpuhnü ajihkhi rhangdung chingnü chamkhibah lah;

FILIPI 1:22

Shih ching rhangdung lapü thsüsho, ju amütsan I thsungkheaknü akuk ngüde rhimokhi lah. Tüshe küpü mokhitbanü inü athapü mukuk.

1 TIMOTHI 1:13

Adüso inü api athruajide, thsümüchide, tüsho mükhemükimde lalashe, inü mümükheahde tüsho mükinyide arhimokhi hode I ki mihmüthsüm huh.