YUNIRÜBO RHIMO 3:16 - AMÜSÜH HÜM CL Bible (BSI)

¹⁶ Tüsho api mung ching akin hode nüsanü ngüde mükheahde alakhi ha mihtsürü düküngshih; tüsho Jisu hode apinü ha mihtsürü nüsa alala mikinü phü tsüde kamshih.

YUNIRÜBO RHIMO 3:16 Iomraidhean Croise

MATHI 14:29

Jumonü apinü tha, “Arang.” Tüsho küyimki Peter ju sangkung chingnü akikhea, apinü kemi kheaknü tsahde Jisu kilim yü.

MATHI 9:22

Tüshe Jisunü rholobah alibe ngü tüsho anihbe ki tha, “I tsührübe, mulong toang; nü akinnü nü ngudo.” Tüsho ju kim chingnü alibe ju nguabah.

JOHAN 14:12

Atsütsü inü nüsa ki thachoh, shepünü I kheak kinchonü, inü arhimokhi rhimobo apinü she arhimobah; tüsho harü kheaknü atobe rhimobo apinü arhimobah, tümütüsho I Buh kilim I yüchoh.

JOHAN 7:23

Mosa yakzan müthsümünimpü thsüde mihtsürü khülang Amuni tsütabahsho, inü Amuni mihtsürü khülang tsüde akamshihpü dünkheak nüsanü I kheak bukakhiukcho de?

YUNIRÜBO RHIMO 14:9

Apinü Paul yu thakhi so. Paulnü api ju tsüde kheah tüsho athsüngupü api akin lah de kheahyukbah

YUNIRÜBO RHIMO 16:18

Tüsho alibenü hade nimung ashang thsü. Tüshe Paulnü mulong zhipzhipde kambah me ki tha, “Alibe kheaknü akhiukpü Jisu Khrista mung chingnü inü nü ki thiyukhüm jihchoh.” Tüsho ju kim chingnü akhiukabah.

YUNIRÜBO RHIMO 3:6

Tüshe Peternü tha, “I a shotoyinchi tüsho suna müla, tüshe I tümü lanü inü nü kilim jihchoh; Nazarethrü Jisu mung chingnü tsahang.”

YUNIRÜBO RHIMO 3:8

Tüsho apinü jukmusubah tsahde tüsho jukde Thrünpuh mung shide ane lung arüngyam ching yüzah.

YUNIRÜBO RHIMO 4:10

nüsa alala tüsho Israel mihtsürü alalanü, nüsanü yümkihbah Thrünpuhnü ashe chingnü arhang kamloshihkhi Nazarethrü Jisu Khrista mung chingnü ha mihtsürü tsüde zhiplah de mükheahang.

YUNIRÜBO RHIMO 4:30

Nü yo amüsüh yamlarü Jisu hode athsüngupü tüsho khinthiyinbebo rhimopü nü khah chungkihang.”

YUNIRÜBO RHIMO 4:7

Arünü arübo arü müngüh zhipshihbah keokhi, “Tümü wunü yungsho tümü mung hode nüsanü ha rhimokhea?”

ROMRÜ KILIM PAULNÜ ATHRÜTKHI KIHÜM HUHTANYU 3:22

Ha thiyuro-lungki ju Jisu Khrista ching akin hode akinrü alala kilim Thrünpuh kilimnü arüchoh. Ju ching büthsüde tümü müla,

1 KORINT 13:2

Tüsho müchitpü wubo, aramyu alala anikhitpü tüsho mükheahmudu alala lalashe tüsho awungbo lah-a bahpü I akin alala lalashe, amuzho mülasho I tümü müla.

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.