YUNIRÜBO RHIMO 3:15 - AMÜSÜH HÜM CL Bible (BSI)

¹⁵ tüsho Thrünpuhnü ashe chingnü arhang kamloshihbuh, rhangdung Putungpuh laksah. Ha thsungkheak isa thiyumütsanbo ah.

YUNIRÜBO RHIMO 3:15 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 24:48

Tüsho harü dünkheak nüsa thiyumütsanbo lah.

JOHAN 1:4

Api kheak rhangdung lakheah, tüsho rhangdung ju mihtsürü ayin lakheah.

JOHAN 10:28

Inü arü kilim lün rhangdung jihchoh, tüsho arübo küyimkishe müdükheak; yungsho shenü she I khah chingnü arübo jangkhide mutso.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 17:2

nünü api kilim jihkhi alala kilim lünnü rhangdung jihpü thsüde mihtsürü alala kurungkheak nünü api ki thiyukhüm-sühmüh jih.

JOHAN 4:10

Jisunü alibe ki alo, “Nünü Thrünpuh thsambah tüsho nü ki, ‘I kilim ke yungpü kü,’ de akheangbuh mükheahkhülaa, nünü api ki kheangbah, tüsho apinü nü kilim rhangdung ke jih-a labah.”

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

JOHAN 5:26

Tümüde Abuh ju anihbuh kheak rhangdung lakhi nangde, api kheak rhangdung lapü atsührü ki mülüjihdo,

YUNIRÜBO RHIMO 1:22

Johannü baptikhi chingnü tankihbah isa bolungnü api bede ayükih khiungde, harü bolung khülang api arhang kamlokhi thiyumütsan thsürü kambeah.”

YUNIRÜBO RHIMO 2:24

Tüshe Thrünpuhnü ashe thsünü dükheakshihde api arhang kamshih, tümütüsho ashenü api tholopü mukukde alakheah.

YUNIRÜBO RHIMO 2:32

Haju Jisu, Thrünpuhnü arhang kamloshih, tüsho ju dünkheak isa alala thiyumütsanbo ah.

YUNIRÜBO RHIMO 4:2

Anenü mihtsürübo ki Jisu ashe chingnü arhang kamlokhi dünkheak thsangyukhi hode arü mulong kipathsükde kam.

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

1 KORINT 15:45

Hanangde ha thrüta lah, “Akhuh mihtsürü Adam rhangdung lakhi mihtsürü kam”; ashube Adam a rhangdung jihbe me kam.

EFISIA 1:20

küpü apinü ashe chingnü arhang kamloshihchoki tüsho yinmi kiulongthsü ching akhah tsülim binshihchoki Khrista kheak rhimokhea,

IBRI 12:2

Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.

IBRI 2:10

Tsührübo ahihdo kilim müretah handarüpü thsüde, shepü thsungkheak tüsho shepü hode lüpdükhi lakhea, thsünükhi hode arü akhümkhit putungrü khiukdahshihkhi api athülün lah.

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.