YUNIRÜBO RHIMO 3:14 - AMÜSÜH HÜM CL Bible (BSI)

¹⁴ Tüshe nüsanü Amüsüh tüsho Thiyuro-lungkibuh bahyuk, tüsho mihlaksahrü nüsa kilim dükheshihpü kheang,

YUNIRÜBO RHIMO 3:14 Iomraidhean Croise

MUNGSHIKHÜN 16:10

Tümüde nünü I Ashe-lomi ching jihamübah, yungsho nü yo amüsühbuhnü ashekhi müngüshih.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

MATHI 27:20

Tüshe amükeam putungrü le azothsürübonü Baraba dükhebah Jisu sheshihpü thaang de boto ki athsung.

MARK 1:24

“Isanü nü lung tümü thsüba, Nazarethrü Jisu? Nü isa dükheakshihpü arükhea de? Nü sheanü inü mükheahlah– Thrünpuh yo Amüsüh Khülang ah!”

MARK 15:11

Tüshe apinü arü kilim Baraba dükheshihpü thsüde amükeam putungrübonü boto thurumusu.

MARK 15:7

Mihtsürü khülang Baraba de ajikhi neamneamruru ching mihlaksahkhi azhihrübo lung rihyam ching lakheah.

LUKNÜ ATHRÜTKHI THIYUSHEAK-ATSÜ HUHTANYU 1:35

Tüsho yunirünü alibe ki alojihde tha, “Amüsüh Me nü kheak arübah tüsho Achangbe wunü nü alamdobah; jumonü shepü Amüsüh Khülang zübepü lanü Thrünpuh tsührü de ajibah.

LUKNÜ ATHRÜTKHI THIYUSHEAK-ATSÜ HUHTANYU 23:25

Arünü amushukhi azhih tüsho mihlaksahrü rihyam ching labuh apinü arü kilim dükhe; tüshe apinü Jisu ju arü mulongkhi ching jihabah.

JOHAN 16:10

thiyuro-lungki dünkheak, tümütüsho I Buh kilim I ayübah tüsho nüsanü I müngülo;

JOHAN 18:40

Judüki arü alalanü zhide tha, “Ha mihtsürü yung, tüshe Baraba!” Kheakü Baraba ju jangkhijangrarü lakheah.

YUNIRÜBO RHIMO 13:28

Arünü api asheshihpü thsüde amudopü mülalashe api laksahpü thsüde Pilat ki keo.

YUNIRÜBO RHIMO 2:27

Tümüde nünü I me Ashe-lomi ching mübahyuk, yungsho nü yo amüsühbuhnü athsümünim müngüshih.

YUNIRÜBO RHIMO 22:14

Tüsho apinü tha, ‘Isa jipürü Thrünpuhnü api lümkhi mükheahpü Alungkibuh Khülang ngüpü tüsho api düsheak anipü nü mokhitdo;

YUNIRÜBO RHIMO 4:27

Tümütüsho ha kiuto ching nünü mujude-müsühkhitkhi, amüsüh nü yamlarü Jisu azhihde khiungkerü tüsho Israel mihtsürü lungnü Herod tüsho Pontia Pilat ane chido mukhung,

YUNIRÜBO RHIMO 5:28

“Ha buh mung chingnü müthsangyupü isanü nüsa ki müküpde thiyukhüm jihkhi yung de? Kheahang, nüsa kingaün-yakzannü Jirusalem mide kamshihdo, tüsho ha mihtsürü shekhi isa mudopü lümchoh!”

YUNIRÜBO RHIMO 7:52

Nüsa jipürübonü müthsümüchikhi wukihrübo sherü a? Arünü thiyuro-lungki Khülang arüpü zhiyukbuh she laksah. Tüsho kheakü nüsanü api mülapyukde laksah–

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

JAKOB 5:6

Nüsanü bahyukdo, nüsanü thiyuro-lungki mihtsürü laksahdo; nüsa ki marochih.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;

1 JOHAN 2:1

I tsührübo, nüsanü neak müyihbeakpü thsüde inü nüsa kilim thrütchoh; tüshe khürünü neak yihbeaksho, isa thsung thsüde mushujihrü thiyuro-lungkirü Jisu Khrista Abuh lung lah;

AMIKHEAKAKHIUKKHI 3:7

“Tüsho Philadelphia ching borü yunirü kilim thrütang: ‘Amüsüh tüsho thiyuro, David yo amükhipbe shuhbuh yubo. Apinü tümü khimshuhchonü shenü mürihkhuk, tüsho apinü tümü rihchonü shenü mükhimshuhkhuk.