YUNIRÜBO RHIMO 3:1 - AMÜSÜH HÜM CL Bible (BSI)

¹ Nimung khülang Peter le Johan ane anirelim 3 king ching tamkhüntamnü kim ching arüngyam lim wutude alakheah.

YUNIRÜBO RHIMO 3:1 Iomraidhean Croise

1 KIULONG THSÜRÜ 18:36

Animuro kingaün jihkhi kim ching wukihbuh Elija phünide arü tüsho tha, “O Atungpuh , Abraham, Isak, tüsho Israel Thrünpuh, nü Israel ching Thrünpuh tüsho I nü yamlarü tüsho nü yukhüm hode harü alala rhimodo de khihni mükheahshang.

MUNGSHIKHÜN 55:17

Arelim, yapsulim tüsho animuro inü tamkhüntamnübah, tüsho achangnü azhibah, tüsho apinü I düsheak sobah.

ABEKHIT 29:39

Khülang yapsu jihang tüsho püpü ju shuhyini ching jihang.

DANIEL 6:10

Mütsan-hüm kheak ju dokihdo de Danielnü mükheahkheah she, apinü mutuklode api yam ching yü, küpü Jirusalem limpeang akube khiungshak ching ayinripitbo lakhea, tüsho apinü püpüki rhimokhi nangde api Thrünpuh ki tamkhüntamnüde api shijihpü nimung chingnü mahsam ki khukning.

DANIEL 9:21

I tamkhüntamnüde alachoki, akhuh ngükhi michih ching inü angübuh mihtsürü Gabriel arelim kingaünkhi kim ching I ki phinde aki.

WÜHKHE 28:4

Namfimihnunu 1 nüsanü yapsu kingaünang, püpü ju arelim kingaün jihang.

MATHI 17:1

Nimung thuruk dunglim Jisunü api lung Peter, Jakob tüsho aniurü Johan bebah awung achang kheak yükih.

MATHI 26:37

Apinü anihbuh lung Peter tüsho Zebedee tsührü mahne bea lu tüsho mulong rozhakde sükde lümthsünüpü tankih.

MATHI 27:45

Kheakü animuro kim chingnü 3 king khiungde alomi alala ching amiting lakheah.

LUKNÜ ATHRÜTKHI THIYUSHEAK-ATSÜ HUHTANYU 1:10

Tüsho jinjinlak takkhi kim ching mihtsürü boto alala wungdo tamkhüntamnüde alakheah.

LUKNÜ ATHRÜTKHI THIYUSHEAK-ATSÜ HUHTANYU 18:10

“Mihtsürü mahne tamkhüntamnüpü arüngyam ching wutu, khülang Pharisirü tüsho püpü ju ruk-threrü.

LUKNÜ ATHRÜTKHI THIYUSHEAK-ATSÜ HUHTANYU 22:8

Tüsho apinü Peter le Johan yüshihde tha, “Yüang tüsho isanü atsühpü thsüde phunghothünio isa thsungkheak thsakhamamg.”

LUKNÜ ATHRÜTKHI THIYUSHEAK-ATSÜ HUHTANYU 24:53

tüsho mutuklode arüngyam ching Thrünpuh shijihde alakheah.

JOHAN 21:7

Jumonü Jisunü amuzhokhi jingyanrü junü Peter ki tha, “Ha Atungpuh ah!” Küyimki ju Atungpuh thsüa lah de Simon Peternü asokhea, apinü yihkhita lakhi aleangbe khimmih yuka lu, tüsho keto ching jukyuk.

YUNIRÜBO RHIMO 10:3

Anirelim 3 king ngüm Thrünpuh yunirü arübah api ki thakhi michih ching mütsande ngü, “Kornelia”.

YUNIRÜBO RHIMO 10:30

Tüsho Kornelianü tha, “Nimung phüyi hode, ha kim ching, anirelim 3 king ching I yam ching I tamkhüntamnüde alakheah; tüsho kheahang, mihtsürü khülang I müngüh khimmih azhingzhing yihbah zhip,

YUNIRÜBO RHIMO 2:46

Tüsho nimung aban arüngyam ching rukhüh mukhungde tüsho arü yambo ching yikhap yihnakde, arünü mulong asühde tsühyungbe tsüh,

YUNIRÜBO RHIMO 3:3

Peter le Johan ane arüngyam ching yüzahpü thsüde ngübah apinü tümükhüh kheang.

YUNIRÜBO RHIMO 3:4

Anenü api kheak kheahkih tüsho Peternü tha, “Ike kilim kheahang.”

YUNIRÜBO RHIMO 4:13

Küyimki arünü Peter le Johan mulong tokhi ngükhea, tüsho ane amümükheahrü, mihtsürü dümung kheahkhitkhea, arünü müyinsah; tüsho ane Jisu lung lade arüa lah de mütsan.

YUNIRÜBO RHIMO 5:25

Judüki khülang arübah arü ki tha, “Kheahang, nüsanü rihyam ching yukrübo thsü arüngyam ching zhipbah mihtsürübo ki thsangyuchoh!”

YUNIRÜBO RHIMO 8:14

Küyimki Samaria mihtsürübonü Thrünpuh yu leangkhido de Jirusalem ching amüsüh-thsangyurübonü asokhea, arünü Peter tüsho Johan arü kilim yüshih.

GALATIA 2:9

Limberübo nangde alarü, Jakob, Peter, tüsho Johan arünü ha adungto rhimo Thrünpuhnü I kilim jih-a lah de kheahkhit; jumonü isa rungachihrü ah dükhi amütsan arünü Barnaba le I kheak salüm thsü. Barnaba le I khiungkerü bolung tüsho arünü Jihudarü bolung rhimopü isanü mulungachih.