YUNIRÜBO RHIMO 28:20 - AMÜSÜH HÜM CL Bible (BSI)

²⁰ Jumonü ha dünkheaknü inü nü shorubah asukachihpü keokheah, tümütüsho Israel mulonglam lakhinü ha wuhrünliunü I rhüka lah.”

YUNIRÜBO RHIMO 28:20 Iomraidhean Croise

JEREMIA 40:1

Aheangrü wühkenobuh Nebuzaradannü api Rama chingnü dükheshu Atungpuh yu Jeremia kilim arü. Apinü Jeremia ju Jirusalem tüsho Juda aramrübo Babilon ramtso ching hande ayürü bolung yinchiliunü rhüka ngü.

YUNIRÜBO RHIMO 10:29

Jumonü küyimki I jipü arüshihkhea, inü marochihde arü. Dale tümü thsüpü I jipü arüshihkhea de inü nü ki keokhichoh.”

YUNIRÜBO RHIMO 10:33

Jumonü inü nü kilim arüshih, tüsho nünü muzhode arü. Jumonü kheakü isa alala ha ching Atungpuhnü nü ki thiyukhüm jikhi anipü Thrünpuh miki lah.”

YUNIRÜBO RHIMO 21:33

Limthobuhnü thüninde arübah api bea lu tüsho wuhrünliu mahnenü api rhükpü thiyukhüm jih; tüsho api she a tüsho anihbuhnü tümü rhimokheanü apinü keokhi.

YUNIRÜBO RHIMO 23:6

Tüshe küyimki Paulnü khürü Sadukirü tüsho püpü Pharisirü de amütsankhea, apinü kiuthsü-binkiu ching zhi, “Keoniorübo, I Pharisirü tsührü Pharisi ah; mulonglam tüsho asherü arhang kamlopü dünkheaknü I mahkhap ching lah.”

YUNIRÜBO RHIMO 24:15

Tüsho harü mihtsürübo nangde thiyuro-lungki tüsho mihbukmuyuk chido thsungkheak arhang kamlokhi labah de inü Thrünpuh kheak akin lah.

YUNIRÜBO RHIMO 26:29

Tüsho Paulnü alo, “Kim khihang yungsho shangang, harü arhükkhibo kheak hode, nü lang yung tüshe khihni I ki anirü alala I nangde akampü inü Thrünpuh ki tamkhüntamnüchoh.”

YUNIRÜBO RHIMO 28:17

Nimung mahsam dunglim apinü Jihudarü limberübo jimukhung; tüsho küyimki arübo mukhungkhea, apinü arü ki tha, “Keoniorübo, inü I mihtsürü yungsho isa jipürü yakli azhihde tümü mürhimomo she Jirusalem ching I ram tüsho Romrü kilim jih.

EFISIA 3:1

Ha thsungkheaknü, I Paul, nüsa khiungkerü dünkheak Jisu Khrista aramrü–

EFISIA 4:1

Jumonü I Atungpuh thsungkheaknü aramrünü nüsa küpü ching jia lanü ju thülünde rhangdung lapü nüsa ki tuthsukchoh,

EFISIA 6:20

ju thsungkheak I arhükkhi ching limburü ah; junangde inü athapü lakhi yande mulong tode ju khipkhitbah.

FILIPI 1:13

Junangde kiulongthsürüyam aheangrü tüsho aningkhi alalanü Khrista thsungkheak I rihyam ching lah de mükheah;

KOLOSI 4:18

I Paul, ha salüm I khahnü thrütchoh. I rihyam ching lakhi lümkhitjang. Nüsa lung amüthsüm laang.

2 TIMOTHI 1:10

tüsho kheakü isa khümkhitrü Jisu Khrista arükhi hode isa ki amikheak akhiuk. Apinü ashepü akheam thsüshih tüsho thiyusheak-atsü hode müshepü rhangdung amikheak akhiuk.

2 TIMOTHI 2:9

tümüde ha dünkheak I thsünüchoh tüsho khukshikrü nangde rhüka lah, tüshe Thrünpuh yu a mürhük.

PHILEMON 1:10

I rihyam ching lachoki I tsührü kamkhi Onesima dünkheak inü nü ki mushuchoh.

PHILEMON 1:13

Thiyusheakatsü dünkheak I rihyam ching lachoki apinü I rungshihpü thsüde I lung lashihpü lümkheah;