YUNIRÜBO RHIMO 28:17 - AMÜSÜH HÜM CL Bible (BSI)

¹⁷ Nimung mahsam dunglim apinü Jihudarü limberübo jimukhung; tüsho küyimki arübo mukhungkhea, apinü arü ki tha, “Keoniorübo, inü I mihtsürü yungsho isa jipürü yakli azhihde tümü mürhimomo she Jirusalem ching I ram tüsho Romrü kilim jih.

YUNIRÜBO RHIMO 28:17 Iomraidhean Croise

THRÜNTAN 40:15

Tümüde I Ibrirü lomi chingnü ahüh-a lude tso; tüsho ha ching she inü rihyam ching binpü thülünde tümü mürhimode arünü I yuka zolah.”

YUNIRÜBO RHIMO 13:50

Tüshe Jihudarünü kiuto ching adungto mihtsürü tüsho boto ching adungtorü Thrünpuh kingaünrü khiungkerü liberü thurumusu. Arünü Paul le Barnaba büne thsümüchipü tankih tüsho arü lomi chingnü yankhitabah.

YUNIRÜBO RHIMO 22:5

Inü thiyuro thachoh de achangbe amükeambuh tüsho kiuthsü-binkiu abümnü thiyumütsan jihpü kuklah. Arünü keoniorü Jihudarü kilim kihüm thrütkhi inü leangkhi, junangde inü arü rhüka lubah Jirusalem chingnü athsümüchipü Damaska ching yü.

YUNIRÜBO RHIMO 23:33

Küyimki arü Kaesarea ching arübah kovünor kilim kihüm jihkhea, arünü Paul she api kilim jih.

YUNIRÜBO RHIMO 25:10

Paulnü tha, “I a I mahkhappü lakhi Kaesar mahkhappung kheak zhiplah. Nünü tsüde mükheahlah, inü Jihudarü ki amülim tümü mürhimo.

YUNIRÜBO RHIMO 25:2

Amükeam putungrübo tüsho Jihudarü adungto mihtsürübonü Paul azhihde api ki thiyusheak jih; tüsho arünü api ki mushude,

YUNIRÜBO RHIMO 25:8

Tüshe Paulnü api chilode tha, “Inü Jihudarü yakzan, yungsho arüngyam, yungsho Kaesar azhihde amülim tümü mürhimo.”

YUNIRÜBO RHIMO 6:14

tümüde Nazarethrü Jisu hanü arüngyam lukbah tüsho Mosa kilimnü arükhi yakli alala müthribah de athakhi isanü sodo.”