YUNIRÜBO RHIMO 28:15 - AMÜSÜH HÜM CL Bible (BSI)

¹⁵ Ju ching akinrübonü isa arükhi sobah Appia Yinzüyindopung tüsho Hanyam Mahsam khiungde isa shorupü arü. Arü ngübah Paulnü Thrünpuh ki makshe jih tüsho mulong toa lu.

YUNIRÜBO RHIMO 28:15 Iomraidhean Croise

MUNGSHIKHÜN 27:14

Atungpuh aleangang; reangzahang, tüsho nü mulong toang; inü thachoh, Atungpuh aleangang!

ABEKHIT 4:14

Judüki Mosa azhihde Atungpuhnü bukakhiuk tüsho tha, “Levi trük chingnü nü khiung Aron müla de? Apinü tsüde thachoh de inü mükheahlah. Kheakü api nü shorupü arümuroh tüsho küyimki apinü nü ngübanü api mulong asühbah.

JOHAN 12:13

ashisang khahbo lubah api shorupü wukhiuk, tüsho zhi, “Hosanna! Shepü Atungpuh mung ching arüchonü müngühmühi thsang! Israel kiulongthsüpuh Thrünpuhnü müngühshang!”

YUNIRÜBO RHIMO 1:15

Nimung anükhüh dunglim akinrübo 120 bande küdang la, tüsho Peternü thiyu thapü wusu,

YUNIRÜBO RHIMO 10:23

Jumonü apinü arübo anihbuh hanrü thsüde beyuka yapshih. Ashidopü apinü asürübah arü lung yü tüsho api keoniorü khürü Joppa chingnü api lung yü.

YUNIRÜBO RHIMO 10:25

Küyimki Peter yüzahkhea, Kornelianü khukningbah api kingaün.

YUNIRÜBO RHIMO 11:1

Kheakü Judea ching lakhi amüsüh-thsangyurübo tüsho keoniorübonü khiungkerü she Thrünpuh yu leangkhido de so.

YUNIRÜBO RHIMO 11:12

Judüki mudukiuhlode arü lung yüpü Menü I ki tha, junangde harü keoniorü 6nü I atrude arü, tüsho isanü mihtsürü yam ching ju yüzah.

YUNIRÜBO RHIMO 12:17

Tüshe apinü arü ki malanpü akhah niukde thabah, künangde Atungpuhnü rihyam chingnü api bekhitkheanü kheana huh. Tüsho apinü tha, “Ha Jakob tüsho keoniorü ki thaang.” Jushu apinü chamachih tüsho püpü lim yü.

YUNIRÜBO RHIMO 21:5

Küyimki ju ching isa nimungbo bankheanü isanü chamachihbah yü; arü niuberü tüsho tsührübo alalanü kiuto aleanglim khiungde bea dükhe. Isanü kemungyean kheak khukningbah tamkhüntamnü tüsho chode thaachih.

YUNIRÜBO RHIMO 28:14

Ju ching isanü akinrübo ngü, tüsho nimung thüne arü lung mungpü jiyuk. Tüsho isanü Rom ching arü.

ROMRÜ KILIM PAULNÜ ATHRÜTKHI KIHÜM HUHTANYU 15:24

I Spain lim yüchoki inü nüsa shorupü lümlah. Tsahhode alachoki inü nüsa shorupü mulonglam lah tüsho I nüsa lung anükhüh kheak bin dunglim I hantsah ching nüsa arung ngübah.

2 KORINT 2:14

Tüshe Khrista ching kamruhroro akuk ngükhi ching isa bebuh, tüsho api mükheahkhi rhümthünea isa hode lüpdükhi ching bushihbuh Thrünpuh ki makshe jihang.

GALATIA 4:14

tüsho I lalim ju nüsa ki rükaki khülang nangde lalashe, nüsanü mükheahmüchih yungsho mübahyuk, tüshe Thrünpuh yunirü khülang, Jisu khrista nangde I leangkhi.

1 TESALONIKA 3:7

Jumonü keoniorübo, isa lümthsünü tüsho thsümüchi alala ching, nüsa akin hode nüsa dünkheak isa mulong shukheamdo;

IBRI 13:3

Rihyam ching arü lung lakhi nangde, rihyam ching larü lümkhitang; tüsho nüsa she arü nangde thsünükhi ruk thsünürü lümkhitang.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

1 SAMUEL 30:6

David a khide atrebe ching lakheah; tümüde mihtsürübonü api lungnü arupü tha, tümütüsho arü tsührübo thsungkheaknü mihtsürübo mulong thsümünimde alakheah. Tüshe Davidnü Atungpuh api Thrünpuh kheak azangrü reangzahlo.