YUNIRÜBO RHIMO 27:41 - AMÜSÜH HÜM CL Bible (BSI)

⁴¹ Tüshe sangkungnü loyi mujung kheak dükheahbah juhramde yü; amüngüh lim ju dükheahrambah maphapkhuk, tüsho ke müküpde abükkhinü adunglim ju adütre kamde yihthünak.

YUNIRÜBO RHIMO 27:41 Iomraidhean Croise

1 KIULONG THSÜRÜ 22:48

Jehoshaphatnü Ophir ching suna thsungkheak yübe Tarshish sangkungbo thsü; tüshe arü müyü, tümüde sangkungbo Ezion-geber ching thsümünimabah.

2 KIUTHSÜYUKHEAN 20:37

Judüki Meresharü Dodava tsührü Eliezernü Jehoshaphat azhihde müchitde tha, “Tümütüsho nünü Ahazia lung berungdo, nünü tümü rhimoa lanü Atungpuhnü thsümünimbah.” Judüki sangkungbo thsümünimabah tüsho Tarshish ching müyükhukde kam.

EZEKIEL 27:26

Nü sangkung berübonü nü ketobo asük ching bedarü. Aniakhiuklim pungnü nü keto phulung ching yünphülap.

EZEKIEL 27:34

Kheakü ketobo ching thsümünima lah, ke asükbo ching; nü shothsümolorü tüsho rhimorü alala nü lung keamyukdo.

YUNIRÜBO RHIMO 27:17

Küyimki mihtsürübonü ju thokihkheanü liubonü sangkung ju rhüklo; arübo Sarti keyean loyi kheak alihde ayüpü trede arünü sangkung-tholobe yüzahshih tüsho sangkung ju bede yüshih.

YUNIRÜBO RHIMO 27:30

Sangkung berübonü atsokhitpü yimde mikhuhlim atholobe yihkhitpü nangde rük thsüde sangkung ju keto ching keamyukshihchoki,

YUNIRÜBO RHIMO 27:40

Jumonü arünü sangkung tholobe yihshakbah keto ching yüzahshih, tüsho sangkung-bebe kheak chingkhi liubo trün. Jushu arünü apung lim aku lahkihbah keyean lim yüshih.

YUNIRÜBO RHIMO 27:42

Bonungrü lümkhi ju mutsokhishihpü thsüde aramrübo laksahpü lakheah;

1 KORINT 15:58

Jumonü, amuzho I keoniorübo, düküngang, daphap, kamruhroro Atungpuh rhimo ching nüsanü biriang, tümütüsho Atungpuh lung nüsa rhimokhi akeangkeang yung de nüsanü mükheahlah.