YUNIRÜBO RHIMO 27:40 - AMÜSÜH HÜM CL Bible (BSI)

⁴⁰ Jumonü arünü sangkung tholobe yihshakbah keto ching yüzahshih, tüsho sangkung-bebe kheak chingkhi liubo trün. Jushu arünü apung lim aku lahkihbah keyean lim yüshih.

YUNIRÜBO RHIMO 27:40 Iomraidhean Croise

ISAIA 33:23

Nüsa shungliubo niukniuklah; arhükkhi kukruk düngdüng mutholo, yungsho abekhi mütsah. Judüki suhdahde ayankhikhi kukrukbo chama lubah tüsho jingkikrünü she kukruk hana lubah.

MATHI 4:18

Jisu ju Galilee keto yean tsahde alachoki, apinü keoniorü mahne, Peter de ajikhi Simon tüsho aniurü Andria büne keto ching keang jipde ngü, tümüde ane thüngüh-ramrü lakheah.

YUNIRÜBO RHIMO 27:17

Küyimki mihtsürübonü ju thokihkheanü liubonü sangkung ju rhüklo; arübo Sarti keyean loyi kheak alihde ayüpü trede arünü sangkung-tholobe yüzahshih tüsho sangkung ju bede yüshih.

YUNIRÜBO RHIMO 27:41

Tüshe sangkungnü loyi mujung kheak dükheahbah juhramde yü; amüngüh lim ju dükheahrambah maphapkhuk, tüsho ke müküpde abükkhinü adunglim ju adütre kamde yihthünak.