YUNIRÜBO RHIMO 27:33 - AMÜSÜH HÜM CL Bible (BSI)

³³ Ayinkhipü lachoki Paulnü arü alala ki tsühyungbe khürü tsühpü mushude tha, “Nüsanü tsühyungbe tümü mütsühde arükhi khihni nimung thürükheak phüyi ni thsüchoh.

YUNIRÜBO RHIMO 27:33 Iomraidhean Croise

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

MATHI 15:32

Jisunü ajingyanrübo api kilim jibah tha, “Inü harü mihtsürübo kheah-a muzholah; arübo I lung nimung mahsam mungdo tüsho arü atsühpü tümü müla. Inü arü khümde muwulungshihne, jude yungsho arü limro ching angakbah.”

YUNIRÜBO RHIMO 27:21

Mihtsürübo jim müngüde aruhkhüh lashu, Paulnü arü bolung mikhuh arübah tha, “Mihtsürübo, nüsanü I yu anide Krete chingnü mütsahmusupü lado; junangde isanü ha athsümünim tüsho kukshah tsokhipü lakheah.

YUNIRÜBO RHIMO 27:32

Jumonü bonungrübonü sangkung liubo lipshak tüsho jude yüshih.

YUNIRÜBO RHIMO 27:34

Jumonü tsühyungbe khürü tsühpü inü nüsa ki mushuchoh; hanü nüsa sühmüh jihbah, tümütüsho nüsa shepü ku kheaknü she kuyü bümkhüh she müdükheak.”

YUNIRÜBO RHIMO 9:19

tüsho tsühyungbe tsühbah reangzahde kam. Nimung ashang api ju jingyanrübo lung Damaska ching lakheah.