YUNIRÜBO RHIMO 27:24 - AMÜSÜH HÜM CL Bible (BSI)

²⁴ tüsho tha, ‘Dütre, Paul; nü Kaesar miki zhippü lah; tüsho Thrünpuhnü nü lung bekhi rhangdungbo alala nü kilim jihdo.’

YUNIRÜBO RHIMO 27:24 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

THRÜNTAN 19:29

Junangde küyimki Thrünpuhnü adükhün kiutobo alala thsümünimkheanü, apinü Abraham, tüsho kiutobo yüngthrümkhi chingnü abekhitkhi Lot lümkhit.

THRÜNTAN 30:27

Tüsho Labannü api ki tha, “I nü miki tsüde ngüa lasho, muzhobah binloang, tümüde nü thsülimnü Atungpuhnü I müngühjihdo de akin hode inü anikhitdo.”

THRÜNTAN 39:23

Rihyam aheangrünü Josep khah ching lakhi tümü she mükheahlüng, tümütüsho Thrünpuh api lung lakheah; tüsho tümüpürü apinü arhimokheanü, Atungpuhnü ju akuk ngüshih.

THRÜNTAN 39:5

Jumonü apinü api yam tüsho api lakhi alala kheahrü kamshihkhi kim chingnü Josep thsülimnü Atungpuhnü Ijipbuh yamkhün müngühjih; tüsho Atungpuh müngühmühi ju api yam ching alala tüsho thulu ching lakheah.

THRÜNTAN 46:3

Tüsho apinü tha, “I a Thrünpuh, nü buh Thrünpuh ah; Ijip lim yükipü dütre, tümüde inü nü ju ching trükshih ato khülang kamshihbah.

1 KIULONG THSÜRÜ 17:13

Elijanü alibe ki tha, “Dütre; yüang tüsho nünü athakhi ruk thsang; tüshe akhuhde yikhap-zünkhi anikhüh I kilim lubah arang, tüsho ju dunglim nü tüsho nü tsührü thsungkheak tümükhüh mozümodoang.

2 KIULONG THSÜRÜ 6:16

Apinü alo, “Dütre, tümüde arü lung lakhi kheaknü ike lung lakhi ahihbeah.”

JOB HU H T ANYU 35:8

Nü mihbukmuyukkhinü nü nangde püpürü rheakchoh, tüsho nünü atsü rhimokhinü api rungchoh.

TÜZHOKHI 3:57

Inü nü jichoki nü phünide arükheah; nünü tha, “Dütre!”

DANIEL 2:24

Jumonü Danielnü Babilon lümlung larü mihtsürü dükheakshihpü kiulongthsüpuhnü mokhitbuh Ariok kilim yü, tüsho api ki tha, “Babilon lümlung larü mihtsürü düdükheakshih; kiulongthsüpuh miki I bede yüzahang, tüsho inü kiulongthsüpuh ki thanaka huhanü.”

MIKA 5:7

Judüki mihtsürü ahihdonü zündoa lakhi aningkhi, mihtsürü kheak mangükhi yungsho mihtsürü she maleangkhi Jakob ju Atungpuh kilimnü ayinke nangde, sangrung kheak tsüngbo nangde alabah.

MATHI 10:18

Tüsho I dünkheaknü nüsabo ju kovünorbo tüsho kiulongthsürübo miki arü le khiungkerü ki amütsan thsüde bede arübah.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

JOHAN 11:9

Jisunü alo, “Nimung khülang ching kimkhü 12 yung de? Khürünü animuro tsahsho, api jing mümükhechoh, tümütüsho apinü ha lomi ayin ngüchoh.

YUNIRÜBO RHIMO 19:21

Harü dünjishu Paulnü Macedonia tüsho Akaia hode Jirusalem lim yüpü lümkihde tha, “I ju ching yüshu, inü Rom she rhuakheahbeah.”

YUNIRÜBO RHIMO 23:11

Ju tsüngre Atungpuh api ki zhipbah tha, “Mulong toang, tümüde nünü Jirusalem ching I dünkheak thiyumütsan jihdo, junangde nünü Rom ching she thiyumütsan thsübah.”

YUNIRÜBO RHIMO 25:11

I amülim rhimorü thsübah ashepü thülünde lakmihkhülaa, inü ashe tsokhipü müyim tüshe mihtsürübonü I müdamkhi ching tümü mülasho, shenü she I arü kilim müjihkhuk. Inü Kaesar ki mushuchoh.”

YUNIRÜBO RHIMO 27:31

Paulnü atobuh tüsho bonungrübo ki tha, “Mihtsürü harü sangkung ching mülasho nüsa mükhümkhitkhuk.”

YUNIRÜBO RHIMO 27:37

Tüsho sangkung kheak mihtsürü alalanü isa 276 lakheah.

YUNIRÜBO RHIMO 27:42

Bonungrü lümkhi ju mutsokhishihpü thsüde aramrübo laksahpü lakheah;

YUNIRÜBO RHIMO 27:44

Aningkhibo ju sangbeak le sangkung yihthünakkhibo kheak lakheah. Tüsho junangde alala tsokhitde alo kheak yü.

YUNIRÜBO RHIMO 9:15

Tüshe Atungpuhnü api ki tha, “Yüang, tümüde api ju khiungkerü le kiulongthsürübo tüsho Israel mihtsürübo ki I mung mükheahshihpü thsüde I tankihpü inü mokhitdo;

PHILEMON 1:22

Kheaküshe, I thsungkheak khiungshak thsakhamang, tümüde nü tamkhüntamnü hode nü kilim arülopü inü mulonglam lah.

JAKOB 5:16

Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah.

AMIKHEAKAKHIUKKHI 1:17

Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam,