YUNIRÜBO RHIMO 27:1 - AMÜSÜH HÜM CL Bible (BSI)

¹ Tüsho küyimki isanü Itali ching yüpü pungkhikhea, arünü Paul le aramrü püpürü khürü Augusta Bonungrü atorü Julio kilim jih.

YUNIRÜBO RHIMO 27:1 Iomraidhean Croise

THRÜNTAN 50:20

Nüsa thsungkheak a, nüsanü I azhihde amütsü thsükhi lah; tüshe Thrünpuhnü a khihni hanangde mihtsürü ahihdo rhangdung khümkhitpü atsü thsungkheak lah.

MUNGSHIKHÜN 33:11

Tüshe api lümkhi lünnü lachoh; api mulong ching lümkhi lün alala ching lachoh.

MUNGSHIKHÜN 76:10

Mihtsürü bukakhiukkhinü nü mung shipü lang akhiukshihchoh, tüsho thirithsü ching aninga larünü nü yo thünio niobah.

MÜCHITMUDU 19:21

Mihtsürü mulong ching lümkhi hihde lah tüshe Atungpuh lümthiyannü rhimochoh.

TÜZHOKHI 3:27

Khürünü athunuchoki arümkheamkhi ju tsülah,

DANIEL 4:35

Apinü alomi ching larü alala tümü kheyuka müla, tüsho yinmi putungrü tüsho alomi ching larü ki apinü tümü lümlanü rhimochoh. Api khah leanglorü yungsho api ki, “ Nü tümü rhimocho?” de atharü she müla.

MATHI 27:54

Küyimki bonungrü torü tüsho api lung aheangrübonü muliuyuk züngkhi tüsho adünjikhi alala ngükhea, arünü khide trede tha, “Atsütsü ha Thrünpuh tsührü thsüa lah!”

LUKNÜ ATHRÜTKHI THIYUSHEAK-ATSÜ HUHTANYU 23:47

Kheakü küyimki bonungrü torünü ju dünjikhi ngükhea, apinü Thrünpuh shijihde tha, “Atsütsü ha thiyuro-lungki mihtsürü thsüa lah!”

LUKNÜ ATHRÜTKHI THIYUSHEAK-ATSÜ HUHTANYU 7:2

Kheakü Roman torü yamlarü khülang, apinü muzhode alakhi ashepü thsüde tukthsüde alakheah.

YUNIRÜBO RHIMO 10:1

Kaesarea ching mihtsürü khülang amung Kornelia, Italia bonungrü boto de ajikhi kurungkheak wühkenorü lakheah.

YUNIRÜBO RHIMO 10:22

Tüsho arünü tha, “Kornelia, wühkenobuh, alungki tüsho Thrünpuh trekhi mihtsürü, Jihudarü trükshih alalanü tsülah dükhi, amüsüh yunirünü khuhlanga huhbah nü api yam ching arüshihpü tüsho nünü athakhi anipü nü kilim thiyi.”

YUNIRÜBO RHIMO 16:10

Küyimki apinü michih ngükheanü, arü kilim thiyusheakatsü thsangyuthsangrapü Thrünpuhnü ike jikheah de adüngakhibah nahdü lang Macedonia lim yüpü thsakham.

YUNIRÜBO RHIMO 18:2

Tüsho apinü Pontus chingnü asürükhi Jihudarü amung Aquila, aniube Priscilla bebah Itali chingnü ashude arükhi ngü, tümütüsho Klaudianü Jihudarü alala Rom chingnü atsopü thiyukhüm jih. Tüsho apinü ane shorupü yü;

YUNIRÜBO RHIMO 19:21

Harü dünjishu Paulnü Macedonia tüsho Akaia hode Jirusalem lim yüpü lümkihde tha, “I ju ching yüshu, inü Rom she rhuakheahbeah.”

YUNIRÜBO RHIMO 21:32

Apinü nahde bonungrübo le wühkenorübo bebah arü kilim alihde yüki. Küyimki arünü limthobuh le bonungrübo ngükheanü Paul lakkhi tuklo.

YUNIRÜBO RHIMO 22:26

Küyimki wühkenobuhnü ha sokhea, apinü yübah limthobuh ki tha, “Nünü tümü rhimochonü kümkangang, tümüde ha Romrü ah.”

YUNIRÜBO RHIMO 23:11

Ju tsüngre Atungpuh api ki zhipbah tha, “Mulong toang, tümüde nünü Jirusalem ching I dünkheak thiyumütsan jihdo, junangde nünü Rom ching she thiyumütsan thsübah.”

YUNIRÜBO RHIMO 23:17

Tüsho Paulnü atorü khülang jibah tha, “Athrününgtsüngbuh ha limthobuh kilim bede yüang; tümüde apinü anihbuh ki tümüanü athapü lah.”

YUNIRÜBO RHIMO 24:23

Apinü atorü ki Paul ju rihyam ching zopü, tüshe api zuzu khürü lapü tüsho api yihnüpü jihpü müyamrübo ki mülüpü thiyukhüm jih.

YUNIRÜBO RHIMO 25:12

Judüki Festanü kiuthsü-binkiu ki asukachihbah alo, “Nünü Kaesar ki mushudo; nü Kaesar kilim yübah.”

YUNIRÜBO RHIMO 25:25

Tüshe api ashepü thülünde tümü mürhimokhi inü yimkhit; tüsho api küdahnü kiulongthsüpuh ki mushukhi nangde inü api kilim yüshihpü pungkhi.

YUNIRÜBO RHIMO 27:11

Tüshe atobuhnü Paulnü athakhi anipü müthri aphülapbuh le sangkung putungrünü athsunganahkhi lu.

YUNIRÜBO RHIMO 27:43

tüshe atobuhnü Paul khümkhitpü lümde arü lümkhi rhimopü tukloshih. Sherünü phungkhuklanü sangkung kheaknü jukkhibah keyean phungde ayüpü apinü alala ki thiyukhüm jih.

YUNIRÜBO RHIMO 27:6

Ju ching atorünü Alexandria sangkung khülang Itali lim yükhi ngü, tüsho isa ju ching yüzahshih.

YUNIRÜBO RHIMO 28:1

Keyean tsokhita lachoki, ju kekung-lo Malta ah de isanü ngü.

YUNIRÜBO RHIMO 28:16

Küyimki isa Rom khiungkhea, Paul ju api aheangpü bonungrü bede alangzü lapü mülü.

IBRI 13:24

Nüsa limberübo tüsho Thrünpuh mihtsürübo alala ki salüm jihang. Itali ching larünü nüsa kilim salüm mühahchoh.