YUNIRÜBO RHIMO 26:31 - AMÜSÜH HÜM CL Bible (BSI)

³¹ tüsho küyimki arübo tsokheanü arü khülangnü khülang ki thaachih, “Ha mihtsürünü ashepü yungsho aramyukpü thülünde tümü mürhimo.”

YUNIRÜBO RHIMO 26:31 Iomraidhean Croise

2 SAMUEL 24:17

Küyimki Davidnü mihtsürü thsümünimde alakhi yunirü ju angükhea, apinü Atungpuh ki tha, “I langzünü neak yihbeakdo, tüsho I langzünü mihbukmuyuk rhimodo; tüshe harü namfimihnubonü tümü rhimoa la? Inü tamkhüntamnüchoh, nü khahnü I tüsho I buh yamkhün kheak azhihang.”

JEREMIA 26:16

Judüki atorü tüsho mihtsürü alalanü amükeamrü tüsho wukihrübo ki tha, “Ha mihtsürü asheshihpü müthülün, tümüde apinü Atungpuh isa Thrünpuh mung chingnü isa ki asukdo.”

LUKNÜ ATHRÜTKHI THIYUSHEAK-ATSÜ HUHTANYU 23:4

Judüki Pilatnü amükeam putungrübo tüsho boto ki tha, “Inü ha mihtsürü kheak amülim tümü müyimkhit.”

YUNIRÜBO RHIMO 23:29

Api ju arü yakzan keokhikhi dünkheak müdama lah, tüshe ashepü yungsho aramyukpü thsüde tümü müthülün de inü yimkhit.

YUNIRÜBO RHIMO 23:9

Judüki alanaji tode kam; tüsho Pharisirü yakzan thsangyurü khürünü wusu tüsho müküpde tha, “Isanü ha mihtsürü kheak amülim tümü müyimkhit. Me yungsho yunirünü api ki asukachihsho tümü la?”

YUNIRÜBO RHIMO 25:25

Tüshe api ashepü thülünde tümü mürhimokhi inü yimkhit; tüsho api küdahnü kiulongthsüpuh ki mushukhi nangde inü api kilim yüshihpü pungkhi.

YUNIRÜBO RHIMO 28:18

Arünü I dünkheak yimzüyimoda kheah tüsho adükhepü kün, tümütüsho I ashepü thülünde athsümünimkhi mülakheah.

1 PETER 3:16

tüsho nü lümkhi müsühde zoang, junangde nü amülim jihchoki, sherünü nü yakli atsü luhmünebanü Khrista ching achih ngübah.