YUNIRÜBO RHIMO 26:16 - AMÜSÜH HÜM CL Bible (BSI)

¹⁶ Tüshe asürübah nü jingnü zhipang; inü nü tankihrü khülang thsüpü tüsho nünü angükhi le inü nü ki huhpü lakhi thiyumütsan thsüpü mokhitpü nü ki akhiukkheah.

YUNIRÜBO RHIMO 26:16 Iomraidhean Croise

EZEKIEL 2:1

Apinü I ki tha, “Mihtsürü tsührü, zhipang tüsho inü nü ki asukanü.”

DANIEL 10:11

Apinü I ki tha, “Daniel, tode muzhodakkhi, inü nü ki asukpü lakhi ju aniang. Zhipang, tümüde I nü kilim arüshihkheah.” Jumonü apinü ha yu I ki asukde lachoki inü ajande zhip.

LUKNÜ ATHRÜTKHI THIYUSHEAK-ATSÜ HUHTANYU 1:2

Atankih chingnü harü ngübah isa ki ha yusheak zhiyukrünü ju thrüt.

YUNIRÜBO RHIMO 1:17

tümüde api isa bolung kheyuk tüsho ha tankihpü shihcham ching lakheah.”

YUNIRÜBO RHIMO 1:25

Judanü thsümünimbah nihbuh dangpung ching tsokhi, amüsüh-thsangyuthsangra rhimo shihcham lupü.”

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 21:19

Arü ki salüm jih dunglim, apinü tankihkhi hode Thrünpuhnü khiungkerü bolung rhimokhibo akhinashunü thiyusheak jih.

YUNIRÜBO RHIMO 22:10

Tüsho inü tha, ‘Inü tümü thsüba, Atungpuh?’ Atungpuhnü I ki tha, ‘Asürübah Damaska ching yüzahang, tüsho nünü arhimopü akhua lakhi alala ju chingnü nü ki thabah.’

YUNIRÜBO RHIMO 23:11

Ju tsüngre Atungpuh api ki zhipbah tha, “Mulong toang, tümüde nünü Jirusalem ching I dünkheak thiyumütsan jihdo, junangde nünü Rom ching she thiyumütsan thsübah.”

YUNIRÜBO RHIMO 26:15

Inü tha, ‘Nü she a, Atungpuh?’ Tüsho Atungpuhnü alo, ‘I ju nünü athsümüchikhi Jisu ah.

YUNIRÜBO RHIMO 6:4

tüshe isanü tamkhüntamnü tüsho thsangyuthsangrapü khungde arhimobah.”

ROMRÜ KILIM PAULNÜ ATHRÜTKHI KIHÜM HUHTANYU 1:5

shepü hode isanü amüthsüm tüsho api mung ching trükshih alala bolung akin ching mihyuanipü amüsüh-thsangyurü thsüpü leangkhikhea,

ROMRÜ KILIM PAULNÜ ATHRÜTKHI KIHÜM HUHTANYU 15:16

khiungkerü kilim Thrünpuh thiyusheak-atsü amükeamrü thsüde tankihpü ching Jisu Khrista tankihrü thsükhinü, junangde khiungkerü kingaünkhi ju Amüsüh Menü atsangkhitkhi, aleangkhikhukbe labah.

2 KORINT 4:1

Jumonü Thrünpuh mihmüthsüm hode ha tankihpü lakhinü, isa mulong müninichoh.

2 KORINT 5:18

Ha alala Khrista hode isa api lung tsüarihkhi tüsho tsüarihkhi tankih rhimo isa kilim jihbuh Thrünpuh kilimnü lah;

GALATIA 1:12

Tümüde inü ju mihtsürü kilimnü müleangkhi, yungsho I ki müthsangyu, tüshe Jisu Khrista amikheak akhiukkhi hode arü.

GALATIA 2:2

Tüsho amikheak akhiukkhi hode I wutu, tüsho inü khiungkerü bolung thsangyuthsangrakhi thiyusheakatsü, I akeangkeang ching rhimode yungsho rhimoa labah mütsüle de limberübo ki mükhingde thanaka huh.

EFISIA 3:3

ju inü akhihkhüh thrütkhi amikheak akhiukkhi I kilim huhkhi aramyu lah.

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

KOLOSI 1:25

Tüsho nüsa tsüpü thsungkheak ha rhimo I kilim jihbuh Thrünpuhnü I borü tankihrü kamshih. Ha suhdahde api yusheak zhiyukpü rhimo,

KOLOSI 1:7

nüsa thsung thsüde thiyuro lakhi Khrista tankihrü isanü amuzhokhi yamlarü Epaphra kheaknü nüsanü asokhi nangde,

1 TESALONIKA 3:2

tüsho isanü isa keoniorü tüsho Khrista thiyusheak-atsü ching Thrünpuh yamlarü Timothi nüsa akin düküngshihpü tüsho atuthsukpü thiyi,

1 TIMOTHI 1:12

Ha thsungkheak I kilim sühmüh jihbuh isa Atungpuh Jisu Khrista kilim inü makshe jihchoh, tümütüsho ha tankihpü ching I yüzahshihde apinü I thiyuro lakhi khejih.

1 TIMOTHI 4:6

Nünü harü thsangdankhibo keoniorübo ki thasho, nü ju thiyuro akin tüsho nünü anide alakhi thsangyukhi atsü ching bezokhi, Jisu Khrista tankihrü atsü thsübah.

2 TIMOTHI 4:5

Nünü kamruhroro adüngakhiang, thsümütsü arümang, thsangyuthsangrarü rhimo thsang, nü tankih rhimo akuk ngüang.