YUNIRÜBO RHIMO 26:10 - AMÜSÜH HÜM CL Bible (BSI)

¹⁰ Tüsho inü junangde Jirusalem ching rhimo; amükeam putungrübonü mülükhi hode inü amüsührü ahihkhüh rihyam ching zo, tüsho küyimki arü sheshihkheanü arü azhihde inü hehuh thsü.

YUNIRÜBO RHIMO 26:10 Iomraidhean Croise

MUNGSHIKHÜN 16:3

Alomi ching lakhi amüsührübo, arübo müretahkhi ching I asühkhi lah.

YUNIRÜBO RHIMO 7:58

Jushu arünü api kiuto ching bekhit tüsho arupü tankih. Tüsho thiyumütsan thsürübonü arü khimmihbo athrününgtsüngbuh Saul jing ki zojih.

YUNIRÜBO RHIMO 8:1

Tüsho api shekhi ju Saulnü mülüjih-a lakheah. Tüsho ju nimung Jirusalem ching borü azhihde thsümüchi ato akhiuk; tüsho amüsüh-thsangyurübo kheak hode, arü alala Judea tüsho Samaria lomibo ching müzütabah.

YUNIRÜBO RHIMO 8:3

Tüsho Saulnü borü thsümünimpü tankih. Athrürü tüsho aliberübo thüyam chingnü yankhita rihyam ching jih.

YUNIRÜBO RHIMO 9:21

Tüsho api yu sorü alalanü müyinsah tüsho tha, “Api ju Jirusalem ching ha buh mung jirü thsümüchibuh yung de, tüsho arübo rhüka bede yünü amükeam putungrübo kilim jihpü ha ching arükhi yung de?”

YUNIRÜBO RHIMO 9:26

Tüsho küyimki api Jirusalem ching arükhea, apinü jingyanrü bolung bepü mürang; arü alalanü api tre, tümüde api ju jingyanrü khülang ah de arünü akin müla.

YUNIRÜBO RHIMO 9:32

Peternü lomi dangpung alala hode yü, junangde Lydda ching lakhi amüsührübo kilim she aki.

YUNIRÜBO RHIMO 9:41

Apinü akhah chunga yüshih tüsho anihbe thomusu. Judüki akinrübo le khimoberübo jibah alibe ju arhang kama arü kilim jih.

1 KORINT 15:9

Tümüde I a amüsüh-thsangyurü bolung aninibe, amüsüh-thsangyurü de ajipü müthülün, tümütüsho inü Thrünpuh borü thsümüchikheah.

GALATIA 1:13

Tümütüsho inü Thrünpuh borü münchi hode thsümüchi tüsho ju thsümünimpü mürangkhi, Judea ching adüso I rhimo nüsanü sodo.

EFISIA 1:1

Thrünpuh lümkhi hode Jisu Khrista amüsüh-thsangyurü Paul kilimnü, Jisu Khrista ching thiyuro lakhi amüsührü kilim:

AMIKHEAKAKHIUKKHI 17:6

Tüsho alibe ju amüsührü thiyih tüsho Jisu dünkheaknü alaksahrü thiyihnü müshanga inü ngü. Küyimki inü alibe ngükheanü I khide müyinsah.