YUNIRÜBO RHIMO 24:26 - AMÜSÜH HÜM CL Bible (BSI)

²⁶ Kheaküshe Paulnü api kilim sho jihpü labah de mulonglam. Jumonü apinü alode api jishihbah asukachih.

YUNIRÜBO RHIMO 24:26 Iomraidhean Croise

2 KIUTHSÜYUKHEAN 19:7

Kheakü Atungpuh trekhi nüsa kheak lashang; nüsanü tümü rhimochonü kümkangang, tümüde Atungpuh isa Thrünpuh kheak thiyuro azhihkhi yungsho jakkheahkhi, yungsho buknimbo lukhi müla.”

JOB HU H T ANYU 15:34

Tümüde rükthsürükhean borü ju aniungyüh labah, tüsho buknim tsührü khimyambo monü aniuabahbah.

ABEKHIT 23:8

Tüsho nünü buknim dülu, tümüde buknimnü mütsankhitpü mük tukshihchoh tüsho thiyuro yubo bephülapchoh.

MÜCHITMUDU 17:23

Thiyuro limro bephülappü mihbukmuyuknü ramde buknim luchoh.

MÜCHITMUDU 17:8

Mihtsürü khürünü buknim junü wurük nangde rhimochoh de lümchoh; junü lüpdükhi thsükhukbah de arünü kinchoh.

MÜCHITMUDU 19:6

Ahihdonü adungtorü amuzho ngüpü mürangchoh, tüsho mihtsürü aban thsambahbo jihrü müyamrü ah.

MÜCHITMUDU 29:4

Kiulongthsürünü thiyuro hode alomi düküngshihchoh, tüshe shepünü buknimbo leangkhichonü ju thokheamchoh.

ISAIA 1:23

Nü yo yakzanshuhrübo azhihrü tüsho ahührü müyamrübo lah. Mihbüm abannü buknim muzhochoh tüsho thsambahbo dunglim alihchoh. Arünü mürerü mutsunglo, tüsho khimoberü dünkheak arü miki marü.

ISAIA 33:15

Shepünü thiyuro-lungki ching tsahcho tüsho lungkide asukcho, shenü junode alü thsükhi khenocho, shenü buknim leangkhipü ching khah tuklocho, shenü thiyih bukkhi sopü chingnü nükhün tuklocho, tüsho amütsü rhimo kheahkhi chingnü arü mükbo tukcho,

ISAIA 56:11

Arübo bukmükhüt yihnubo ah; arü küyimkishe suhdahdo de müla. Mihnu neakrübo she anikhitkhi müla; arü alala nihbuh limro ching arü nihbuh alü thsüpü, alala tsodo.

EZEKIEL 22:27

Ju ching lakhi atorübo ju shiwüh thonakbe, thiyih bukpü, thiyuro mülakhi alü ngüpü rhangdungbo thsümünimkhi rimrebo nangde lah.

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

HOSEA 4:18

Arünü ayungshu she, mutukzhakde beyapchoh; arü yakzanshuhrübonü achihbe limro muzhochoh.

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

MIKA 7:3

Arü khahbo amütsü thsüpü yuklah; atorü tüsho mahkhaprünü buknim kheangchoh, tüsho wularübonü arü künkhi thachoh; hanangde arünü lümkhi amütsü thsüchoh.

MATHI 17:3

Tüsho kheahang, Jisu ki asukachihde Mosa tüsho Elija arü miki akhiuk.

YUNIRÜBO RHIMO 24:17

Kam anükhüh dunglim inü I yo trükshih kilim arung tüsho kingaün jihpü arü.

1 KORINT 6:9

Thiyuro-lungki mülarünü Thrünpuh kiulongthsü yamrüplurüp mulu de nüsanü mümükheah de? Dümülapyukshih; müzammüram, sangthsü kingaün, yüliyüra yungsho amakham müzammüram,

YUZÜNGTHALO 16:19

Nünü thiyuro amülim dükamshih; nünü jakkheahkukheah dühuh, yungsho buknim düleangkhi, tümüde buknimnü lümlung larü mük tukshihchoh tüsho thiyuro tharü yu thophülapjihchoh.

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.

1 SAMUEL 12:3

I ha ching lah; Atungpuh tüsho mujude-mokhitbuh miki I azhihde thiyumütsan jihang. Inü shepü lude? Yungsho shepü donki inü lude? Yungsho inü shepü kheak mulomülap de? Shepü kheak junokhi rhimode? Yungsho I mük tukpü thsüde shepü khah chingnü inü buknim lude? I azhihde thiyumütsan jihang tüsho ju inü nüsa kilim shaklobah.”

1 SAMUEL 8:3

Tütüshe atsührübonü api ru müyan, tüshe alü thsüpü lim anguhabah; arünü buknim lu tüsho thiyuro thsungphülap.