YUNIRÜBO RHIMO 23:9 - AMÜSÜH HÜM CL Bible (BSI)

⁹ Judüki alanaji tode kam; tüsho Pharisirü yakzan thsangyurü khürünü wusu tüsho müküpde tha, “Isanü ha mihtsürü kheak amülim tümü müyimkhit. Me yungsho yunirünü api ki asukachihsho tümü la?”

YUNIRÜBO RHIMO 23:9 Iomraidhean Croise

MÜCHITMUDU 16:7

Küyimki mihtsürü limrobonü Atungpuh asühshihbanü, apinü anihbuh riribo she api lung mungtsü lashichoh.

JEREMIA 26:16

Judüki atorü tüsho mihtsürü alalanü amükeamrü tüsho wukihrübo ki tha, “Ha mihtsürü asheshihpü müthülün, tümüde apinü Atungpuh isa Thrünpuh mung chingnü isa ki asukdo.”

MARK 2:16

Tüsho küyimki athrütrü le Pharisirübonü ruk-threrü tüsho aneakrübo lung api yimtsühde angükhea, arünü api jingyanrübo ki tha, “Tümü thsükhi apinü ruk-threrü le aneakrübo lung tsühyungcho?”

LUKNÜ ATHRÜTKHI THIYUSHEAK-ATSÜ HUHTANYU 23:22

Tüsho apinü mahsam kipü arü ki tha, “Tümü thsükhi, apinü amütsü tümü rhimoa la? Inü api kheak ashepü thsüde amütsan tümü müyimkhit. Jumonü inü api rhapbah atsoshihbah.”

LUKNÜ ATHRÜTKHI THIYUSHEAK-ATSÜ HUHTANYU 23:4

Judüki Pilatnü amükeam putungrübo tüsho boto ki tha, “Inü ha mihtsürü kheak amülim tümü müyimkhit.”

LUKNÜ ATHRÜTKHI THIYUSHEAK-ATSÜ HUHTANYU 5:30

Pharisirü le yakzan thsangyurübonü api jingyanrü atsangde tha, “Tümü thsükhi nüsanü ruk-threrü le aneakrü bolung tsühyungcho?”

JOHAN 12:29

Jumonü ju ki zhipkhi mihtsürübonü ju sobah tsüngmukdo de tha. Püpürünü tha, “Yunirü khülangnü api ki asukdo.”

YUNIRÜBO RHIMO 11:17

Jumonü isanü Atungpuh Jisu Khrista kinchoki isa kilim jihkhi thsambah Thrünpuhnü arü kilim jih-a lasho, Thrünpuh yanlokhukpü thsüde I she lakhea?”

YUNIRÜBO RHIMO 22:6

“I hantsahde Damaska thüninde arüchoki, animuro kim ching zukleangnü thüning chingnü ayin ato khülangnü I mükamde tah.

YUNIRÜBO RHIMO 22:7

I alo kheak keam tüsho I ki düsheak khülangnü athakhi so, ‘Saul, Saul, tümüde nünü I thsümüchicho?’

YUNIRÜBO RHIMO 23:29

Api ju arü yakzan keokhikhi dünkheak müdama lah, tüshe ashepü yungsho aramyukpü thsüde tümü müthülün de inü yimkhit.

YUNIRÜBO RHIMO 23:8

Tümüde Sadukirünü arhang kamlokhi, yunirü yungsho me müla de tha; tüshe Pharisirünü arü alala kin.

YUNIRÜBO RHIMO 25:25

Tüshe api ashepü thülünde tümü mürhimokhi inü yimkhit; tüsho api küdahnü kiulongthsüpuh ki mushukhi nangde inü api kilim yüshihpü pungkhi.

YUNIRÜBO RHIMO 26:31

tüsho küyimki arübo tsokheanü arü khülangnü khülang ki thaachih, “Ha mihtsürünü ashepü yungsho aramyukpü thülünde tümü mürhimo.”

YUNIRÜBO RHIMO 27:23

Tümütüsho shepü yo I la tüsho inü tankihkhi Thrünpuh yunirü yishih I ki zhip,

YUNIRÜBO RHIMO 5:39

tüshe ha Thrünpuh kilimnü a sho nüsanü arü mukuk. Nüsanü Thrünpuh azhihde keochihkhi kambah!”

YUNIRÜBO RHIMO 9:4

Judüki api alo kheak keam, tüsho api ki thakhi düsheak so, “Saul, Saul, tümüde nünü I thsümüchicho?”

1 KORINT 10:22

Isanü Atungpuh mükthsüshihba shi? Isa api kheaknü amürangbe a de?

1 SAMUEL 12:5

Apinü arü ki tha, “Nüsa azhihde Atungpuh thiyumütsan lah, tüsho mujude-mokhitbuh ha nimung thiyumütsan lah, junangde nüsanü I khah ching tümü she müngü.” Tüsho arünü tha, “ Am, Atungpuh thiyumütsan ah.”

1 SAMUEL 24:17

Apinü David ki tha, “Nü a I kheaknü khide thiyuro ah; tümüde inü nü ki amütsü rhimo she nünü a I ki atsü rhimodo.