YUNIRÜBO RHIMO 23:6 - AMÜSÜH HÜM CL Bible (BSI)

⁶ Tüshe küyimki Paulnü khürü Sadukirü tüsho püpü Pharisirü de amütsankhea, apinü kiuthsü-binkiu ching zhi, “Keoniorübo, I Pharisirü tsührü Pharisi ah; mulonglam tüsho asherü arhang kamlopü dünkheaknü I mahkhap ching lah.”

YUNIRÜBO RHIMO 23:6 Iomraidhean Croise

MATHI 10:16

“Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.

MATHI 22:23

Ju nimung arhang kamlodarükhi müla de atharü Sadukirü api ki arübah keokhi.

MATHI 3:7

Tüshe küyimki apinü Pharisirü tüsho Sadukirü ahihdo baptipü arükhi ngükhea, apinü arü ki tha, “Phuruto tsührübo! Shepünü nüsa bukakhiuk arüpü lakhi chingnü thaa tsoshihkhea?

YUNIRÜBO RHIMO 22:3

“I a Kilikia ching lakhi Tarsa chingnü azübekhi Jihudarü ah, tüshe Gamaliel kheaknü anikhitde ha kiuto chingnü asürü. Inü isa jipürü yakzan thsangdankhi mulong jihde leangkhi tüsho khihni nüsabo nangde Thrünpuh kilim shuhmülanga jih.

YUNIRÜBO RHIMO 22:30

Ashidopü Jihudarünü Paul müdamkhi yimkhitpü mulongde limthobuhnü api dükhe tüsho amükeam putungrübo le kiuthsübinkiu alala mukhungpü thiyukhüm jih, tüsho Paul bede akibah arü miki zhipshih.

YUNIRÜBO RHIMO 22:5

Inü thiyuro thachoh de achangbe amükeambuh tüsho kiuthsü-binkiu abümnü thiyumütsan jihpü kuklah. Arünü keoniorü Jihudarü kilim kihüm thrütkhi inü leangkhi, junangde inü arü rhüka lubah Jirusalem chingnü athsümüchipü Damaska ching yü.

YUNIRÜBO RHIMO 23:1

Tüsho Paulnü kiuthsürü kheak kheahmürip tüsho tha, “Keoniorübo, khihni khiungde lümkhi atsü alala ching inü Thrünpuh miki lado.”

YUNIRÜBO RHIMO 23:15

Kheakü jumonü kiuthsübinkiu lung arihbah nüsanü api ki keokhikeorapü nangde bede akipü limthobuh ki lümkhi jihang; tüshe thüninde marüyide isanü api laksahpü thsakhambah.”

YUNIRÜBO RHIMO 23:20

Tüsho apinü tha, “Jihudarübonü nüsa ki keokhikeorapü nangde shido kiuthsü-binkiu kilim Paul bede akipü nü ki keopü mulongdo.

YUNIRÜBO RHIMO 23:7

Küyimki apinü ha thakhea, Pharisirü le Sadukirü dükeak alanaji akhiuk; tüsho amukhungrü ju chamnak.

YUNIRÜBO RHIMO 24:15

Tüsho harü mihtsürübo nangde thiyuro-lungki tüsho mihbukmuyuk chido thsungkheak arhang kamlokhi labah de inü Thrünpuh kheak akin lah.

YUNIRÜBO RHIMO 24:21

inü arü bolung zhipbah azhikhi khülang ha lang düh, ‘Asherü arhang kamlobah de akinkhi hode nüsa miki I mahkhapkhi ching lah.’ ”

YUNIRÜBO RHIMO 28:20

Jumonü ha dünkheaknü inü nü shorubah asukachihpü keokheah, tümütüsho Israel mulonglam lakhinü ha wuhrünliunü I rhüka lah.”

FILIPI 3:5

tizheah nipü tsütabah, Israel mihtsürü, Benjamin trük, Ibrirü zübekhi lah; yakzan yandüa Pharisi,

KOLOSI 1:5

thiyuro thiyusheak-atsü yu ching nüsanü akhuhlim sokhi yinmi ching nüsa thsungkheak zojihkhi mulonglam dünkheaknü,

IBRI 6:19

Isa ha mulonglam me thsungkheaknü, atholobe adüküng tüsho mulong tokhi lah. Ha alungbe arüngakopung ching zhindokhim dunglim yüzahchoh.