YUNIRÜBO RHIMO 23:35 - AMÜSÜH HÜM CL Bible (BSI)

³⁵ apinü tha, “Küyimki nü müdamrü arübanü inü nü ki aniakheahbah.” Jushu apinü Paul ju Herod yam ching aheangde azopü thiyukhüm jih.

YUNIRÜBO RHIMO 23:35 Iomraidhean Croise

JEREMIA 38:13

Jushu arünü Jeremia shungliunü kekung chingnü thokhit. Tüsho Jeremia ju aheangrü mahkhappung ching lakheah.

MATHI 2:1

Kiulongthsüpuh Herod kim ching, Judea ching lakhi Bethlehem ching Jisu zübe dunglim, aniakhiuklimnü mükheahmudurübo Jirusalem ching arü

MATHI 2:16

Küyimki mükheahmudurübonü api mülapyukdo de Herodnü amükheahkhea, api khide bukakhiuk; tüsho apinü mükheahmudurübo kheaknü anikhitkhi kim ayannü Bethlehem tüsho ju mühi athrürü nunu kam mahnenü abukkhüp alala laksahpü thiyukhüm jih.

MATHI 2:3

Küyimki kiulongthsüpuh Herodnü harübo sokhea, api tüsho api lung Jirusalem ching alala müyinsah.

MATHI 27:27

Judüki Pilat bonungrübonü Jisu bea lubah kovünor yam ching yüzah tüsho bonungrü boto alala api mükamde mukhung.

JOHAN 18:28

Jushu arünü Jisu ju Kaifa kinü kovünor yam ching bede yü, tüsho ju yapsu mükikde alakheah. Tüshe arü a kovünor yam ching müyüzah, tümüde arünü phungho-thünio tsühpü thsüde arü arüngde alakheah.

YUNIRÜBO RHIMO 23:30

Tüsho küyimki ha mihtsürü azhihde rük yimkhi I ki thakhea, inü khülangki api nü kilim thiyichoh. Api azhihrü kilim she nü ki arü lümkhi thashihpü inü thiyukhüm jihdo.”

YUNIRÜBO RHIMO 24:1

Nimung phüngü dunglim achangbe amükeambuh Anania lung azothsürü khürü tüsho yakzan mükheahrü khülang Tertulla bebah aki. Arünü Paul azhihde arü lümkhi kovünor miki jih;

YUNIRÜBO RHIMO 24:10

Küyimki kovünornü api ki thiyu thapü athsungkheanü Paulnü alo: “Ha trükshih kurungkheak kam ahihdo mahkhaprü lakheah de mükheahbah, inü asühde reanglode thachoh.

YUNIRÜBO RHIMO 24:19

Arünü I azhihde tümüanü nüsa miki I amülim jihpü ha ching lah.

YUNIRÜBO RHIMO 24:22

Tüshe mütsanmükhide Limro mükheahbuh Felixnü akheam thsüde tha, “Küyimki limthobuh Lysia akibanü inü nüsa dünkheak zanzhak jihbah.”

YUNIRÜBO RHIMO 24:23

Apinü atorü ki Paul ju rihyam ching zopü, tüshe api zuzu khürü lapü tüsho api yihnüpü jihpü müyamrübo ki mülüpü thiyukhüm jih.

YUNIRÜBO RHIMO 25:16

Tüshe mihtsürü khülang ju api müdamrü mironü miro shorubah api azhihkhi matsangyikia jihabahpü Rom yakzan müla de inü arü ki tha.