YUNIRÜBO RHIMO 23:16 - AMÜSÜH HÜM CL Bible (BSI)

¹⁶ Kheakü arünü ajimkhi Paul achi tsührünü so; jumonü apinü bonungrü-yam ching yüzah tüsho Paul ki tha.

YUNIRÜBO RHIMO 23:16 Iomraidhean Croise

2 SAMUEL 17:17

Jonathan tüsho Ahimaaz ane Enrogel ching aleangde alakheah; yamlarü aliberü khülangnü yübah ane ki tha, tüsho anenü yübah kiulongthsüpuh David ki tha; tümüde ane kiuto ching yüzahkhi müngüshihpü thsüde alakheah.

JOB HU H T ANYU 5:13

Apinü lümlung larü arü rük mütsü ching phuhshihchoh; tüsho rük mütsürü lümkhibo nahde kheamshihchoh.

MÜCHITMUDU 21:30

Atungpuh azhihde lümlung yungsho anikhitkhi yungsho lümthiyan tümü müla.

MÜCHITMUDU 24:15

O mihbukmuyuk mihtsürü, thiyuro-lungkirü lapung azhihde jimde dübin; api lakhi dangpung yankhia dülu;

TÜZHOKHI 3:37

Atungpuhnü mümulongsho shepünü thiyukhüm jihpü tüsho ju rhimokhukpü?

YUNIRÜBO RHIMO 21:34

Tüsho boto ching khürünü khürü tüsho püpürünü püpü zhi. Küyimki alanajikhinü thiyuro mütsanpü mukukkhea, apinü anihbuh ju bonungrü-yam ching bede ayüpü thiyukhüm jih.

YUNIRÜBO RHIMO 21:37

Paul ju thüyam ching bede yüzahpü lachoki apinü limthobuh ki tha, “Inü nü ki thapü kuknah?” Apinü alo, “Nünü Greek thakhukla de?

YUNIRÜBO RHIMO 23:10

Küyimki alanaji ju mütsüde akamkhea, arünü Paul ju adütre kamde thonakbah de limthobuhnü trede lüm, jumonü bonungrübo yükibah arü bolungnü api arochihde bea lubah bonungrü-yam ching arüpü thiyukhüm jih.

YUNIRÜBO RHIMO 23:17

Tüsho Paulnü atorü khülang jibah tha, “Athrününgtsüngbuh ha limthobuh kilim bede yüang; tümüde apinü anihbuh ki tümüanü athapü lah.”

YUNIRÜBO RHIMO 23:32

Tüsho ashidopü arünü khoraberübo api lung yüshihbah bonungrü-yam lim yülo.

YUNIRÜBO RHIMO 24:23

Apinü atorü ki Paul ju rihyam ching zopü, tüshe api zuzu khürü lapü tüsho api yihnüpü jihpü müyamrübo ki mülüpü thiyukhüm jih.

1 KORINT 3:19

Tümütüsho ha lomi lümlung ju Thrünpuh miki makhakhi lah, tümüde ha thrüta lah, “Apinü arü rükri chingnü lümlung tholochoh,”