YUNIRÜBO RHIMO 22:3 - AMÜSÜH HÜM CL Bible (BSI)

³ “I a Kilikia ching lakhi Tarsa chingnü azübekhi Jihudarü ah, tüshe Gamaliel kheaknü anikhitde ha kiuto chingnü asürü. Inü isa jipürü yakzan thsangdankhi mulong jihde leangkhi tüsho khihni nüsabo nangde Thrünpuh kilim shuhmülanga jih.

YUNIRÜBO RHIMO 22:3 Iomraidhean Croise

2 SAMUEL 21:2

Jumonü kiulongthsüpuhnü Gibeonrü jibah arü ki asuk. (Kheakü Gibeonrü ju Israel mihtsürü yungde Amorrü aningkhi lakheah; Israel mihtsürübonü arü rhangdung lashihpü thiyuchihchima lalashe, Israel tüsho Juda mihtsürübo thsungkheak Saulnü anihbuh künkhi ching arü dükheakshihpü mürang.)

2 KIULONG THSÜRÜ 4:38

Küyimki Elisha Gilgal lim alode yükhea, lomi ching khümzung lakheah. Wukihrü bokhüh api müngüh binde alachoki, apinü ayamlarü ki tha, “Phüh ato khülang dükihang, tüsho wukihrü bokhüh khilim awo kelamang.”

LUKNÜ ATHRÜTKHI THIYUSHEAK-ATSÜ HUHTANYU 10:39

Tüsho Mari de ajikhi anünürünü she Jisu jing ki bin tüsho api yu ani.

LUKNÜ ATHRÜTKHI THIYUSHEAK-ATSÜ HUHTANYU 2:46

Nimung mahsam dunglim arünü api ju thsangyurü bolung binde, arü ki anide tüsho keokhide arüngyam ching ngü;

LUKNÜ ATHRÜTKHI THIYUSHEAK-ATSÜ HUHTANYU 8:35

Judüki arünü adünjikhi kheahpü yü tüsho Jisu kilim arü, tüsho amünean mebo chamachihkhi mihtsürü ju api lümkhi müsüa khim phuyubah Jisu jing ki binde ngü. Tüsho arübo trede alakheah.

YUNIRÜBO RHIMO 11:25

Jumonü Barnabanü Saul yimpü Tarsa lim yü;

YUNIRÜBO RHIMO 15:23

Arü kheaknü kihüm ha mühah: “Keoniorübo, amüsüh-thsangyurübo tüsho azothsürübo, Antiok le Siria tüsho Kilikia ching lakhi khiungkerü kilim salüm.

YUNIRÜBO RHIMO 15:41

Tüsho apinü borübo reangzahshihde Siria tüsho Kilikia hode yü.

YUNIRÜBO RHIMO 21:20

Küyimki arünü ha sokheanü Thrünpuh müretahshih. Tüsho arünü api ki tha, “Keoniorü, Jihudarü bolung akinrü chithürü küdükhüh lanü kheahang; arünü yakzan ching khide mulong jihlah,

YUNIRÜBO RHIMO 21:39

Tüshe Paulnü tha, “I a Kilikia ching lakhi Tarsa ching zübekhi, adungto kiuto mihkhung khülang ah. Muzhobah inü mihtsürübo ki thashang.”

YUNIRÜBO RHIMO 23:34

Kihüm khebah api tümü lomi chingnü a de keokhi. Küyimki api Kilikia chingnü ah de apinü amükheahkhea,

YUNIRÜBO RHIMO 23:6

Tüshe küyimki Paulnü khürü Sadukirü tüsho püpü Pharisirü de amütsankhea, apinü kiuthsü-binkiu ching zhi, “Keoniorübo, I Pharisirü tsührü Pharisi ah; mulonglam tüsho asherü arhang kamlopü dünkheaknü I mahkhap ching lah.”

YUNIRÜBO RHIMO 26:5

Arünü mütsanpü mulungsho adüsonü I mükheahlah, junangde adanyukkhi isa kingaün yande I a Pharisirü thsüde lado.

YUNIRÜBO RHIMO 26:9

“Nazarethrü Jisu mung azhihde ahihdo rhimopü inü she alümkheah.

YUNIRÜBO RHIMO 5:34

Tüshe kiuthsü-binkiu ching mihtsürü alalanü wüntre jihkhi yakzan thsangyurü amung Gamalielnü zhip tüsho mihtsürübo ju anükhühkheak wungdo bekhitpü thiyukhüm jih.

YUNIRÜBO RHIMO 6:9

Tüshe zuzu ngükhi mihtsürübo sinagog ching kheyukrü Serene le Alexandria tüsho Kilikia le Asia chingnü Jihudarü Stephen kheak atsangde awusupü tankih,

YUNIRÜBO RHIMO 9:1

Tüshe Saulnü judü lang Atungpuh jingyanrübo thsümüchide laksahde alakheah. Apinü achangbe amükeambuh ki yü

YUNIRÜBO RHIMO 9:11

Atungpuhnü api ki tha, “Langakindo alakhi kiudunglimro kheak Juda yam ching yüang tüsho Tarsa chingnü mihtsürü khülang amung Saul dünkheak keokhiang, tümüde api tamkhüntamnüde lah.

YUNIRÜBO RHIMO 9:30

Küyimki keoniorübonü ju mükheahkhea, arünü api Kaesarea ching bede aki, tüsho Tarsa lim yüabahshih.

ROMRÜ KILIM PAULNÜ ATHRÜTKHI KIHÜM HUHTANYU 11:1

Dale tüsho inü keokhichoh: Thrünpuhnü api mihtsürü bahyukdü de? Jude yung! I she Israelrü, Abraham tsühsoniuso, Benjamin trük kheyukrü ah.

2 KORINT 11:22

Arü Ibrirü a shi? I she ah. Arü Israelrü a shi? I she ah. Arü Abraham tsühsoniusobo a shi? I she ah.

GALATIA 1:14

I thülün Jihudarü ahihdo kheaknü Judea ching I müngüh ajindo tüsho I buh pürü lalim-yakli thsungkheak khide mulong jihdo.

GALATIA 1:21

Jushu I Siria tüsho Kilikia lomibo ching yü.

YUZÜNGTHALO 33:3

Am, apinü amihtsürü muzho; api kilim müsühkhitrübo alala api khah ching lakheah; jumonü isanü api jing ki binchoh tüsho api yubo leangkhichoh,