YUNIRÜBO RHIMO 22:14 - AMÜSÜH HÜM CL Bible (BSI)

¹⁴ Tüsho apinü tha, ‘Isa jipürü Thrünpuhnü api lümkhi mükheahpü Alungkibuh Khülang ngüpü tüsho api düsheak anipü nü mokhitdo;

YUNIRÜBO RHIMO 22:14 Iomraidhean Croise

2 KIULONG THSÜRÜ 21:22

apinü anihbuh jipürü Thrünpuh, Atungpuh bahyuk, tüsho Atungpuh limro ching mütsah.

1 KIUTHSÜYUKHEAN 12:17

Davidnü arü shorupü wukhiuk tüsho arü ki tha, “Mürangkhüh nüsanü I ki mungtsü ching I rungpü arüa lasho, I mulong nüsa kheak ayebah; tüshe mürangkhüh nüsanü I azhihrü kilim I mülapyukjihpü arüa lasho, I khahbonü tümü amülim mürhimo le, isa jipürü Thrünpuhnü ngüshang tüsho mahkhapshang.”

1 KIUTHSÜYUKHEAN 29:18

O Atungpuh isa jipürü Abraham, Isak tüsho Israel Thrünpuh, hadürü lümkhi tüsho mulongkhi nü mihtsürübo mulong ching zojang, tüsho arü mulong nü kilim peang zojang.

2 KIUTHSÜYUKHEAN 28:25

Juda kiuto aban ching apinü jipürü Thrünpuh, Atungpuh bukakhiukshih.

2 KIUTHSÜYUKHEAN 30:19

Arüngyam müsühkhitpü yuzüng yande yungyung she sherünü Atungpuh arü jipürü Thrünpuh kheak arü mulong zocho.”

EZRA 7:27

Ezranü tha, “Isa jipürü Thrünpuh! Atungpuh shiang, shepünü Jirusalem ching Atungpuh arüngyam akheahakhamde kamshihpü kiulongthsüpuh mulong ching asukachih.

ABEKHIT 15:2

Atungpuh ju I sühmüh tüsho I khün, tüsho api I khümkhitbuh kamdo; ha I Thrünpuh, tüsho inü api shibah, I buh pürü Thrünpuh, inü api shuhkihbah.

JEREMIA 1:5

“ Inü nü nuyam ching müthrünchokinü inü nü mükheahlah, tüsho nü müzübeyide inü nü müsühkhit; inü nü trükshihbo kilim wukihrü khülang thsüpü mokhit.”

DANIEL 2:23

O I jipü Thrünpuh, nü kilim inü makshe jihchoh tüsho shijihchoh, tümüde nünü I kilim lümlung tüsho wu jihdo tüsho isanü nü ki tümü keokhikheanü I ki akhiuka huhdo, tümüde kiulongthsüpuhnü tümü thiyukhüm jihkheanü nünü isa ki akhiuka huhdo.”

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

YUNIRÜBO RHIMO 13:17

Ha Israel mihtsürü Thrünpuhnü isa jipürübo mokhitbah arü Ijip lomi ching lachoki ato kamshih, tüsho khah shuhkihde apinü arübo ju chingnü bekhit.

YUNIRÜBO RHIMO 22:15

tümüde nü ju nünü angükhi tüsho asokhi mihtsürü alala ki api dünkheak thiyumütsan labah.

YUNIRÜBO RHIMO 22:18

tüsho apinü I ki thade ngü, ‘Niokheamde Jirusalem chingnü wukhiukang, tümütüsho arünü I dünkheak nünü thiyumütsan thsükhi müleangkhi.’

YUNIRÜBO RHIMO 24:14

Tüshe arünü yingüh khülang de ajikhi Limro yande yakzan ching lakhi yungsho wukihrübo ching thrütkhi lüpdükhi yande isa jipürü Thrünpuh kingaünkhi inü nü ki alokhichoh.

YUNIRÜBO RHIMO 26:16

Tüshe asürübah nü jingnü zhipang; inü nü tankihrü khülang thsüpü tüsho nünü angükhi le inü nü ki huhpü lakhi thiyumütsan thsüpü mokhitpü nü ki akhiukkheah.

YUNIRÜBO RHIMO 5:30

Nüsanü laksahbah sangdung kheak zhinkhi Jisu isa jipürü Thrünpuhnü asürüshih.

YUNIRÜBO RHIMO 7:52

Nüsa jipürübonü müthsümüchikhi wukihrübo sherü a? Arünü thiyuro-lungki Khülang arüpü zhiyukbuh she laksah. Tüsho kheakü nüsanü api mülapyukde laksah–

YUNIRÜBO RHIMO 9:15

Tüshe Atungpuhnü api ki tha, “Yüang, tümüde api ju khiungkerü le kiulongthsürübo tüsho Israel mihtsürübo ki I mung mükheahshihpü thsüde I tankihpü inü mokhitdo;

YUNIRÜBO RHIMO 9:17

Jumonü Ananianü tsahmusu tüsho thüyam ching ju yüzah. Tüsho akhahbo api kheak nimde tha, “Keoniorü Saul, nü mük bitshihpü tüsho Amüsüh Menü mide akamshihpü, limro ching nü ki akhiukbuh Atungpuh Jisunü I nü kilim thiyikheah.”

ROMRÜ KILIM PAULNÜ ATHRÜTKHI KIHÜM HUHTANYU 1:1

Jisu Khrista yamlarü Paul, amüsüh-thsangyurü thsüpü jikhi tüsho Thrünpuh thiyusheak-atsü thsungkheak büthsükhi–

1 KORINT 11:23

Tümüde inü nüsa kilim jihkhi ju Atungpuh kilimnü leangkhi, junangde api yinatsühkhi tsüngre Atungpuh Jisunü yikhap lu,

1 KORINT 15:3

Tümütüsho tümü inü leangkhikheanü akhuhbe adungto thsüde nüsa kilim jihdo, junangde amüsühyu yande isa neakbo dünkheak khrista shekheah,

1 KORINT 15:8

Akheam thsüde kim münühkhühde azübekhi I ki she akhiuk.

1 KORINT 9:1

I zuzu müla de? I amüsühthsangyurü yung de? Inü isa Atungpuh Jisu müngü düpü? Nüsa ju inü Atungpuh lung rhimokhitkhi yung de?

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

GALATIA 1:12

Tümüde inü ju mihtsürü kilimnü müleangkhi, yungsho I ki müthsangyu, tüshe Jisu Khrista amikheak akhiukkhi hode arü.

GALATIA 1:15

Tüshe küyimki api amüthsüm hode I be buk chingnü I mokhitde ajibuh Thrünpuh asühkhinü,

2 TIMOTHI 1:1

Jisu Khrista ching lakhi alokhikhi rhangdung yande Thrünpuh lümkhi hode Jisu Khrista amüsüh-thsangyurü Paul kilimnü,

TITA 1:1

Paul, Thrünpuh tankihrü tüsho Jisu Khrista amüsüh-thsangyurü, Thrünpuhnü amokhitrü akin tüsho akin lim bekhi thiyuro mükheahmudu rungpü,

1 PETER 2:22

Apinü neak müyihbeak; amünnü akeangyu mütha.

1 JOHAN 2:1

I tsührübo, nüsanü neak müyihbeakpü thsüde inü nüsa kilim thrütchoh; tüshe khürünü neak yihbeaksho, isa thsung thsüde mushujihrü thiyuro-lungkirü Jisu Khrista Abuh lung lah;