YUNIRÜBO RHIMO 22:1 - AMÜSÜH HÜM CL Bible (BSI)

¹ “I keoniorü Israelrübo, kheakü nüsa miki inü alim thakhi anijang.

YUNIRÜBO RHIMO 22:1 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 12:11

Küyimki arünü nü sinagogbo ching tüsho yakzanshuhrü le thiyukhüm-sühmüh larü ki bedarübanü küde aloba yungsho tümü thaba de mulong düsansan.

LUKNÜ ATHRÜTKHI THIYUSHEAK-ATSÜ HUHTANYU 21:14

Jumonü tümü alobaki de nüsa mulong ching dülümjung;

YUNIRÜBO RHIMO 13:26

“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo.

YUNIRÜBO RHIMO 19:33

Boto ching khürünü Alexander kheak kihlah de tha, tümüde Jihudarübonü api mikhuh ching arüshih. Tüsho Alexandernü mihtsürübo zhipdode malanshihpü api khah niuk.

YUNIRÜBO RHIMO 23:1

Tüsho Paulnü kiuthsürü kheak kheahmürip tüsho tha, “Keoniorübo, khihni khiungde lümkhi atsü alala ching inü Thrünpuh miki lado.”

YUNIRÜBO RHIMO 23:6

Tüshe küyimki Paulnü khürü Sadukirü tüsho püpü Pharisirü de amütsankhea, apinü kiuthsü-binkiu ching zhi, “Keoniorübo, I Pharisirü tsührü Pharisi ah; mulonglam tüsho asherü arhang kamlopü dünkheaknü I mahkhap ching lah.”

YUNIRÜBO RHIMO 24:10

Küyimki kovünornü api ki thiyu thapü athsungkheanü Paulnü alo: “Ha trükshih kurungkheak kam ahihdo mahkhaprü lakheah de mükheahbah, inü asühde reanglode thachoh.

YUNIRÜBO RHIMO 25:16

Tüshe mihtsürü khülang ju api müdamrü mironü miro shorubah api azhihkhi matsangyikia jihabahpü Rom yakzan müla de inü arü ki tha.

YUNIRÜBO RHIMO 25:8

Tüshe Paulnü api chilode tha, “Inü Jihudarü yakzan, yungsho arüngyam, yungsho Kaesar azhihde amülim tümü mürhimo.”

YUNIRÜBO RHIMO 26:24

Tüsho apinü hanangde chiloshu, Festanü düsheak achangnü tha, “Paul, nü abünrü ah; nü mükheah atonü nü abünrü kamshihchoh.”

YUNIRÜBO RHIMO 28:17

Nimung mahsam dunglim apinü Jihudarü limberübo jimukhung; tüsho küyimki arübo mukhungkhea, apinü arü ki tha, “Keoniorübo, inü I mihtsürü yungsho isa jipürü yakli azhihde tümü mürhimomo she Jirusalem ching I ram tüsho Romrü kilim jih.

YUNIRÜBO RHIMO 7:2

Tüsho Stephennü tha: “Keoniorü tüsho buhrübo, I ki aniang. Api Haran ching mülayide, Mesopotamia ching lachoki, müretahkhi Thrünpuhnü isa abuh Abraham ki akhiuk,

ROMRÜ KILIM PAULNÜ ATHRÜTKHI KIHÜM HUHTANYU 2:15

Arü mulong ching yakzan thrüta lakhi rhimonü ahuhkhi arü lümkhinü thiyumütsan thsüchoh, tüsho arü dükeak ching arü lümkhinü amülim jihchoh yungsho amülim bahachihchoh.

1 KORINT 9:3

I chikhirübo ki I chilo yu ha lah.

2 KORINT 12:19

Isanü nüsa ki isa dün chilode arükheah de nüsanü lümde alakhea de? Khrista ching larü nangde isanü Thrünpuh miki asukde alakheah; tüsho amuzho müyamrübo, isanü arhimokhi alala nüsa düküngpü thsungkheak ah.

2 KORINT 7:11

Ha Thrünpuh lümkhi yande mulong tukthsükhinü nüsa kheak tümü akhiukshih-a lanü kheahang: azhihayihkhi, nüsa müsühde alapü mulongdakkhi, thiyuro, bukakhiukkhi, lamlamsahdo, künsahde, lümrhihpü, thiyuro rhimo kheahpü thsakham. Hadürü alala ching nüsa müsühde alakhi mütsan.

FILIPI 1:17

akhuhrünü atsüngalim mülade, I rihyam ching lachoki küpkhuk jihpü lümbah achamnak lümkhinü Khrista zhiyukchoh.

FILIPI 1:7

Inü nüsa alala thsungkheak lümpü alungki lah, tümütüsho inü nüsa I mulong ching hanlah, tümüde I rihyam ching lachoki tüsho thiyusheak-atsü chilopü le mütsanmükhipü ching I lung nüsa alala amüthsüm shihcham lurü ah.

2 TIMOTHI 4:16

I akhuhbe alim thade alachoki shenü she I murung; alalanü I bahbah tsodo. Ju arü ki azhihkhi dülashih.

1 PETER 3:15

Tüshe nü mulong ching Khrista ju Atungpuh de wüntre jihang. Nü kheak lakhi mulonglam amütsan thanakpü khürünü akeokhichoki alopü thsüde kamruhroro thsakhambah laang. Tüshe ha azhihayihde tüsho wüntrede rhimoang;