YUNIRÜBO RHIMO 21:7 - AMÜSÜH HÜM CL Bible (BSI)

⁷ Küyimki isa Tair chingnü hantsahde Tolima khiungkhea, isanü keoniorübo ki salüm thsübah arü lung nimung khülang mung.

YUNIRÜBO RHIMO 21:7 Iomraidhean Croise

MATHI 5:47

Nüsanü nüsa keoniorübo ki lang asukachihsho, püpürü kheaknü alü nüsanü tümü rhimocho? Amükinrübonü she ju rhimochoh yung de?

YUNIRÜBO RHIMO 1:15

Nimung anükhüh dunglim akinrübo 120 bande küdang la, tüsho Peternü thiyu thapü wusu,

YUNIRÜBO RHIMO 12:20

Kheakü Herodnü Tair le Sidon mihtsürü kheak bukakhiukde alakheah; jumonü arünü bo khülang thsübah api shorupü yü. Akhuhde arü rungshihpü arünü kiulongthsüpuh-yam atorü Blasta ju shukheam. Jushu arünü Herod ki yübah mungtsü thsungkheak keokhi tümütüsho arü lomi tsühyungbebo ju kiulongthsüpuh lomi chingnü ngüde alakheah.

YUNIRÜBO RHIMO 18:22

Küyimki api Kaesarea khiungkhea, apinü wutubah borü ki salüm tha, tüsho Antiok lim yüki.

YUNIRÜBO RHIMO 21:10

Isa nimung anükhüh mungde alachoki, wukihrü khülang amung Agaba Judea chingnü aki.

YUNIRÜBO RHIMO 21:17

Küyimki isa Jirusalem ching arükheanü keoniorünü isa asühde leangkhi.

YUNIRÜBO RHIMO 21:19

Arü ki salüm jih dunglim, apinü tankihkhi hode Thrünpuhnü khiungkerü bolung rhimokhibo akhinashunü thiyusheak jih.

YUNIRÜBO RHIMO 21:3

Küyimki isanü Saipra ngüde arükhea, huzulimnü anguhbah Siria lim yü tüsho Tair ching yüki; tümüde ju ching sangkung hah shuhkhipü lakheah.

YUNIRÜBO RHIMO 25:13

Küyimki nimung anükhüh hokhea, kiulongthsüpuh Agrippa le Berni büne Festa leangkhipü Kaesarea khiung.

YUNIRÜBO RHIMO 28:12

Isanü Siraka khiung tüsho ju ching nimung mahsam mung.

IBRI 13:24

Nüsa limberübo tüsho Thrünpuh mihtsürübo alala ki salüm jihang. Itali ching larünü nüsa kilim salüm mühahchoh.

1 SAMUEL 10:4

Arünü nü ki salüm jihbah tüsho yikhap mahne jihbah, ju nünü aleangkhibah.

1 SAMUEL 13:10

Apinü taka kingaünkhi jihkhamkhi yanalünde, Samuel arü khiung; tüsho Saulnü api shorupü asühde wukhiuk.