YUNIRÜBO RHIMO 21:40 - AMÜSÜH HÜM CL Bible (BSI)

⁴⁰ Küyimki apinü anihbuh ki mülüjihkhea, Paulnü adamkhi kheak zhipbah mihtsürübo ki akhah hit. Tüsho küyimki jikshe müthsükheanü, apinü arü ki Ibri yutha chingnü tha:

YUNIRÜBO RHIMO 21:40 Iomraidhean Croise

2 KIULONG THSÜRÜ 9:13

Judüki arünü niokheamde arü khimmih lubah api thsungkheak jingdüküpung kheak khimjih; tüsho arünü hulipungpung khung, tüsho zhiyuk, “Jehu ju kiulongthsüpuh.”

LUKNÜ ATHRÜTKHI THIYUSHEAK-ATSÜ HUHTANYU 23:38

Tüsho api kumung Greek, Latin, tüsho Ibri yunü thrüta zo: Ha jihudarü kiulongthsüpuh.

JOHAN 19:13

Küyimki ju thakhi Pilatnü asokhea, apinü Jisu bede akhiukbah Ibri yunü Gabbatha de ajikhi dangpung Lung-khimkhi mahkhap binkiu ching bin.

JOHAN 19:17

Tüsho apinü sangkim hanbah Ibri yunü Golgotha de ajikhi kuro dangpung ching yü,

JOHAN 19:20

Jihudarü ahihdonü ha thrütkhi khe, tümüde Jisu yümkihkhi dangpung ju kiuto phünide alakheah; tüsho ju Ibri, Greek, tüsho Latin yunü thrüta lakheah.

JOHAN 5:2

Jirusalem ching Namfimihnu Chipiripit thüninde, Ibri yunü Bethesda de ajikhi, yünshim 5 lakhi kedükim khülang lah.

YUNIRÜBO RHIMO 1:19

Tüsho ju Jirusalem ching larü alalanü mükheahde kam; jumonü arü yutha chingnü ju lu ki Akeldama de ji, amütsan “Thiyih Lu.”)

YUNIRÜBO RHIMO 12:17

Tüshe apinü arü ki malanpü akhah niukde thabah, künangde Atungpuhnü rihyam chingnü api bekhitkheanü kheana huh. Tüsho apinü tha, “Ha Jakob tüsho keoniorü ki thaang.” Jushu apinü chamachih tüsho püpü lim yü.

YUNIRÜBO RHIMO 13:16

Jumonü Paulnü zhip, tüsho akhah hihde tha: “Israel mihtsürü tüsho nüsa Thrünpuh trerübo, aniang.

YUNIRÜBO RHIMO 19:33

Boto ching khürünü Alexander kheak kihlah de tha, tümüde Jihudarübonü api mikhuh ching arüshih. Tüsho Alexandernü mihtsürübo zhipdode malanshihpü api khah niuk.

YUNIRÜBO RHIMO 21:35

Tüsho küyimki api jingjungpung-dukkhi khiungkhea, boto nanachihkhi hode bonungrünü api shuhpü kam.

YUNIRÜBO RHIMO 22:2

Tüsho küyimki apinü Ibri yutha chingnü arü ki thakheanü arü alalanü zhi. Tüsho apinü tha:

YUNIRÜBO RHIMO 26:14

Tüsho küyimki isa alala alo kheak keamkhea, Ibri yutha chingnü I ki thakhi düsheak inü so, ‘Saul, Saul, tümüde nünü I thsümüchicho le? Tso-mulobo kheak mükhepü ju nü yuribah.’

YUNIRÜBO RHIMO 6:1

Judüki nimungbo ching akinrübo hihde kamchoki, Greek-yu-tharü Jihudarü le Jihudarü mihkhung dükeak rukachih lakheah, tümütüsho arü khimoberübo nimung aban chamzüchamdo ching bahyukde alakheah.

AMIKHEAKAKHIUKKHI 16:16

Tüsho arünü Ibri yu ching Armageddon de ajikhi dangpung ching arübo bemukhung.

AMIKHEAKAKHIUKKHI 9:11

Arü kurungkheak kiulongthsürü, alokhünbit yunirü lakheah; api mung ju Ibri yu chingnü Abaddon, tüsho Greek yu chingnü Apollyon de ji.