YUNIRÜBO RHIMO 21:24 - AMÜSÜH HÜM CL Bible (BSI)

²⁴ harü mihtsürübo bea lubah arü lung nü tsangkhitang tüsho arü dünkheak bahzübahdojang, junangde arünü ku hütbah. Junangde nü dünkheak arü ki thakhi tümü müla tüshe nü a yakzan yande lah de alalanü amükheahbah.

YUNIRÜBO RHIMO 21:24 Iomraidhean Croise

JOB HU H T ANYU 1:5

Tüsho küyimki aniojikhi nimungbo tankihkhea, Jobnü arübo jibah müsühkhit, tüsho apinü yapsu mükikde asürübah arü khekhi yande taka kingaünkhi jih; tümüde Jobnü tha, “ Khükia I tsührübonü neak yihbeaka labah, tüsho arü mulong ching Thrünpuh athrua labah.” Hanangde Job nü kamruhroro rhimo.

JOB HU H T ANYU 41:25

Küyimki api asürübanü wutobonü she trechoh; arü atrekhinü tümü müthsükhuk.

ABEKHIT 19:10

Judüki Atungpuhnü Mosa ki tha, “ Mihtsürübo kilim yüang tüsho khihni le shido arü tsangkhitang, tüsho arü khimmih müsühshang.

ABEKHIT 19:14

Judüki Mosanü müzüng kheaknü mihtsürübo kilim akibah tsangkhitjih tüsho arünü arü khimmihbo müsüh.

WÜHKHE 6:13

Kheakü ha Nazirit thsungkheaknü yakzan: Küyimki anihbuh Nazirit thiyuchihchimkhi nimungbo bankhitbanü, api ashorupung khimyam ripit ki bedarübah.

WÜHKHE 6:18

Tüsho Naziritbuhnü ashorupung khimyam ripit kinü müsühkhitkhi ku hütbah tüsho kuyü lubahle mungtsü kingaün khüp mo kheak yihkihbah.

WÜHKHE 6:5

Api Nazirit thiyuchihchim bukkhüp lakhi khiungde ku kheak kuyüliuh müyihkih; api Atungpuh kilim müsühkhitkhi nimung mübankhityikia, api amüsüh labah, tüsho apinü kuyü le münnam shangshihbah.

WÜHKHE 6:9

Mihtsürü zukleangnü api mikinü shebahle, junü anihbuh kuyü amüsühkhitkhi müneanjihsho, apinü akuyü ju api müsühkhitpü nimung hütabahbah; nimung athüne nipü apinü ahütbah.

JOHAN 11:55

Jihudarü phungho-thünio thüninde alakheah, tüsho ahihkhühnü nihbuh tsangkhitpü phungho-thünio müngühnü ju lomi chingnü Jirusalem lim wutu.

JOHAN 3:25

Judüki Johan jingyanrü khürü le Jihudarü dükeak atsangkhitkhi dünkheak marüpachih akhiuk.

YUNIRÜBO RHIMO 18:18

Ju dunglim Paulnü nimung ashang mung, tüsho keoniorübo zojihbah api lung Priscilla tüsho Aquila bebah sangkung chingnü Siria lim yü. Mütsahmusuyide apinü Kenkrea ching ku hüt, tümüde apinü thiyuchihchima lakheah.

YUNIRÜBO RHIMO 21:26

Jumonü Paulnü mihtsürübo bea lu tüsho ashidopü arü lung api tsangkhit tüsho atsangkhitkhi nimung bankhitpü tüsho arü aban dünkheak kingaün jihpü lakhi thiyusheak jihpü arüngyam ching yüzah.

YUNIRÜBO RHIMO 24:18

Inü ha rhimode alachoki Asia ching Jihudarü khürünü boto yungsho arhungangüm mülade arüngyam ching I tsangkhita ngü.

1 KORINT 9:20

Jihudarübo bedarüpü thsüde Jihudarübo ki I Jihudarü kam; I yakzan bukkhüp mülalashe yakzan bukkhüp larü bedarüpü thsüde arü ki I yakzan bukkhüp larü khülang kam.

GALATIA 2:12

Jakob kilimnü mihtsürü khürü marüyiki apinü khiungkerü lung yimtsüh. Tüshe küyimki arü arükheanü, apinü tsütabahrü boto trekhinü khiungkerü kheaknü ashitlo tüsho chamkhi.

MAHKHAPRÜ 13:5

Tümütüsho kheahang, nü büm makeangde akambah tüsho tsührü khülang labah. Tüsho aku kheak kuyüliuh müyihkih, tümüde khungarü ju buk chingnü Thrünpuh kilim Nazirit khülang thsübah; tüsho apinü Israel ju Filistiarü khah chingnü bekhitpü tankihbah.”