YUNIRÜBO RHIMO 21:20 - AMÜSÜH HÜM CL Bible (BSI)

²⁰ Küyimki arünü ha sokheanü Thrünpuh müretahshih. Tüsho arünü api ki tha, “Keoniorü, Jihudarü bolung akinrü chithürü küdükhüh lanü kheahang; arünü yakzan ching khide mulong jihlah,

YUNIRÜBO RHIMO 21:20 Iomraidhean Croise

MUNGSHIKHÜN 22:23

Nüsa Atungpuh trerübo, api shiang! Nüsa Jakob tsühsoniuso alala, api müretahshang, tüsho nüsa Israel tsührübo, api treang!

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MATHI 9:8

Küyimki botonü ju ngükhea, arünü müyinsah, tüsho mihtsürü kilim hadürü wu jihbuh Thrünpuh shijih.

LUKNÜ ATHRÜTKHI THIYUSHEAK-ATSÜ HUHTANYU 12:1

Ju kim ching, küyimki mükhebinkhi boto mihtsürü khülangnü khülang jungachihde amukhungkhea, apinü akhuhde api jingyanrübo ki thapü tankih, “Yiuhkhaprü Pharisirü phaüm dünkheak kümkangang.

LUKNÜ ATHRÜTKHI THIYUSHEAK-ATSÜ HUHTANYU 15:32

Isanü asühachihpü tüsho asühpü alungki lah, tümüde nü niurü shea lakheah tüshe kheakü arhang lah, tüsho dükheaka lakheah tüshe ngüdo.’ ”

JOHAN 12:24

Atsütsü inü nüsa ki thachoh, wheat hi ju alo ching ayobah müshikhitsho, ju ruk lang lachoh; tüshe ju shikhitsho, junü hi ahihdo mukhuhshihchoh.

YUNIRÜBO RHIMO 11:18

Küyimki arünü ha sokheanü zhikde kamabah. Tüsho arünü Thrünpuh müretahde tha, “Judüasho khiungkerü kilim she Thrünpuhnü rhangdung lapü mulong müthrishihpü mülüjih-a lah.”

YUNIRÜBO RHIMO 15:1

Tüshe mihtsürü khürü Judea chingnü akibah keoniorübo ki, “Mosa yakzan yande nüsa tsütamübahsho, nüsa mükhümkhitkhuk,” de thsangyude alakheah.

YUNIRÜBO RHIMO 15:24

Isanü müthiyide isa bolungnü khürü wukhiukbah arü yu thakhinü nüsa lümkhi thsümünimde küpkhuk jihdo de isanü sodo.

YUNIRÜBO RHIMO 15:5

Tüshe akinrü khürü Pharisirü bolung berünü wusubah tha, “Khiungkerü tsütabahbeah tüsho Mosa yakzan zhimshihbeah.”

YUNIRÜBO RHIMO 2:41

Junangde sherünü api yu leangkhikheanü bapti, tüsho ju nimung mihtsürü 3000 bande kheyuk.

YUNIRÜBO RHIMO 22:3

“I a Kilikia ching lakhi Tarsa chingnü azübekhi Jihudarü ah, tüshe Gamaliel kheaknü anikhitde ha kiuto chingnü asürü. Inü isa jipürü yakzan thsangdankhi mulong jihde leangkhi tüsho khihni nüsabo nangde Thrünpuh kilim shuhmülanga jih.

YUNIRÜBO RHIMO 4:21

Jumonü küyimki arünü ane müzünkheanü ane thsümüchipü limro müyimkhitde mihtsürübo dünkheaknü ane tsoshih tümütüsho anenü arhimokhi alala thsungkheak arü alalanü Thrünpuh müretah.

YUNIRÜBO RHIMO 4:4

Tüshe thiyu sorü ahihdonü kin, tüsho mihtsürübo khekhi 5000 bande kam.

YUNIRÜBO RHIMO 6:7

Junangde Thrünpuh yu bude yü; Jirusalem ching akinrübo khide hihde kam, tüsho amükeamrü ahihkhühnü akin leangkhi.

ROMRÜ KILIM PAULNÜ ATHRÜTKHI KIHÜM HUHTANYU 10:2

Arünü Thrünpuh thsungkheak mulong jihlah de inü thiyumütsan thsükhuklah, tüshe arünü thiyuro mükheahmudu kheak müningkih.

GALATIA 1:14

I thülün Jihudarü ahihdo kheaknü Judea ching I müngüh ajindo tüsho I buh pürü lalim-yakli thsungkheak khide mulong jihdo.

GALATIA 1:24

Tüsho I dünkheaknü arünü Thrünpuh müretah.

2 TESALONIKA 1:10

ju api yo amüsührübo kheak api müretahpü nimung api arüchoki tüsho akinrübo alala kheak amüyinsahpü lachoki labah, tümütüsho isanü nüsa ki thiyusheak thakhi kindo.