YUNIRÜBO RHIMO 21:13 - AMÜSÜH HÜM CL Bible (BSI)

¹³ Tüshe apinü alo, “Hanangde tripde tüsho I mulong thsümünimshihde nüsa tümü thsücho? Jirusalem ching rhükpü lang yung tüshe Atungpuh Jisu mung chingnü ashepü she inü thsakhambah lah.”

YUNIRÜBO RHIMO 21:13 Iomraidhean Croise

1 KIUTHSÜYUKHEAN 11:18

Judüki mahsamnü Filistiarü binpung lakashungde yü tüsho ripit ki lakhi, Bethlehem kekhip chingnü ke khipa lu, tüsho arünü ju David kilim lubah arü. Tüshe Davidnü ju muyung; apinü ju Atungpuh kilim dunga bah,

ISAIA 3:15

Nüsanü zhochihrü miro shungthünakde I mihtsürü zünakkhi ha tümü amütsan a? Wuto A TU N GPU H Thrünpuhnü thachoh.

JEREMIA 40:1

Aheangrü wühkenobuh Nebuzaradannü api Rama chingnü dükheshu Atungpuh yu Jeremia kilim arü. Apinü Jeremia ju Jirusalem tüsho Juda aramrübo Babilon ramtso ching hande ayürü bolung yinchiliunü rhüka ngü.

EZEKIEL 18:2

“Bebuhrünü kurungaso asan tsüh, tüsho tsührübo hü mütramlah” de ha müchityu Israel lomi dünkheak thakhi ha amütsan tümü a?

JONA 1:6

Wühkenobuhnü arü tüsho api ki tha, “Tümü thsüde nü a yapshea la le? Asürang, nü thrünpuh ki jiang! Khükia thrünpuhnü isa thsungkheak lümrhihbah, junangde isa müdükheak.”

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 20:37

Arü alalanü trip tüsho Paul kapde müthsüp.

YUNIRÜBO RHIMO 5:41

Judüki Jisu dünkheak mükhemükimpü thülünlah de arünü asühachihde kiuthsü-binkiu kinü tso.

YUNIRÜBO RHIMO 9:16

tümütüsho I mung dünkheaknü küdükhüh thsünübeanü inü api ki huhbah.”

1 KORINT 15:31

Keoniorübo, isa Atungpuh Jisu Khrista ching I nüsa kurungkheak müretahkhinü I nimung aban shechoh de khipkhitshihchoh.

FILIPI 2:17

Tüshe nüsa akinnü Thrünpuh kilim jihkhi shuhmülanga kingaünkhi kheak I thiyih bukkihkih she, inü nüsa alala kheak asühlah tüsho asühachihchoh.

FILIPI 2:26

tümüde apinü nüsa alala thsungkheak mürheangde lüm, tüsho nüsanü api tukthsülah de asokhi hode api lümthsünü.

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

2 TIMOTHI 1:4

Inü nü chikebo lümkhitchoki nü shorupü künde kamchoh, junangde I asühkhinü mide akambah.

2 TIMOTHI 4:6

Tümüde I a shuhmülanga kingaünkhi ching lah; I chamachihpü kim arüdo.

2 PETER 1:14

tümütüsho isa Atungpuh Jisu Khristanü I ki huhkhi yande I pang nahde luakhinbah de inü mükheahlah.

AMIKHEAKAKHIUKKHI 12:11

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.

AMIKHEAKAKHIUKKHI 3:10

Tümütüsho nünü arümkheamde I yu zodo, alomi kheak larü rükakheahpü alomiküp athrünkhi kheak arüpü lakhi rükakipü kim chingnü inü nü küma zobah.

1 SAMUEL 1:8

Ayamkhünbuh Elkananü alibe ki tha, “ Hanna, tümüde nü tripcho? Tümüde nü müyimtsüh le? Tümüde nü mulong tukthsüla? I ha nü tsührü athrürü 10 kheaknü alübe yung de?”

1 SAMUEL 15:14

Tüshe Samuelnü tha, “Dale tüsho namfimihnu le moshinü akhungkhi inü asokhi ha tümü a?”